Burger King សុំ​ផ្តល់​ការងារ​មួយ​ដល់​ព្រះអង្គម្ចាស់​ហារី​

​បណ្តាញ​ហាង​លក់​អាហារ​ឆ្អិន​ស្រាប់​ដែល​អាច​បំរើ​ជូន​អតិថិជន​ភ្លាមៗ​ហៅថា​fast-food​បាន​សុំ​ផ្តល់​តំណែង​ជា​ជំនួយការ​លក់​មួយកន្លែង​ដល់​ព្រះអង្គម្ចាស់​វ័យ​៣៥​វស្សា​ហារី បន្ទាប់​ពី​ទ្រង់​និង​ព្រះ​នាង មេ​ហ្គឹ​ន ប្រកាសថា ពួកគេ​លាឈប់​ពី​រាជ​ឋានៈ​ជាន់ខ្ពស់​និង​មាន​ផែនការ​ក្លាយជា​«​អ្នក​ភាព​ឯករាជ្យ​ភាព​ខាង​ហិរញ្ញវត្ថុ​»​។​

​ហាង​Burger King នៅ​អា​ហ្សង់​ទីន​ជា​អ្នក​ប្រកាស​ផ្តល់​ការងារ​នេះ​មុនគេ នៅពេល​សាខា​មួយ​របស់​ខ្លួន​បាន​សរសេរ​បង្ហោះ​ថា « យើង​បានដឹង​ថា ព្រះអង្គម្ចាស់​​និង​ព្រះ​នាង​បោះបង់​តួនាទី​ក្នុង​រាជវង្ស ហើយ​នឹង​ធ្វើខ្លួន​ជា​អ្នក​ឯករាជ្យ​ខាង​លុយកាក់​។​«​ដូច្នេះ យើង​មាន​កន្លែង​មួយ​សំរាប់​អ្នក ដូច​មនុស្ស​រាប់ពាន់​នាក់​ដែរ​​ហើយ​ចូល​មក​ធ្វើការ​ជាមួយ​យើង​។​ក្រោយ​គង់​នៅ​ជា​ឌុ​ច​(​ឋានៈ​រាជវង្ស​)​អស់​ពេល​រាប់​ឆ្នាំ ឥឡូវ​ជា​ឱកាស​ដើម្បី​ចាប់ផ្តើម​ស៊ី​ដូចជា​ស្តេច​ហើយ​»​។​

​ក្រោយមក​Burger King​នៅ​អាម៉េរិក​បាន​សរសេ​រ​បង្ហោះ​ថា « ផ្តល់​ការងារ​ក្រៅ​ម៉ោង​ដល់​រាជវង្ស​នេះ​»​។​

​កាលពី​សប្តាហ៍​មុន គូស្នេហ៍​នេះ ដែល​មាន​បុត្រា​វ័យ​៨​ខែ បាន​បង្ក​ការភ្ញាក់ផ្អើល​ក្នុង​រាជវង្ស​អង់គ្លេស​ពេល​ពួក​គេ​ប្រកាស​ផែនការ​បោះបង់ចោលរ​តំណែង​ជា​ន់​​ខ្ពស់​ក្នុង​រាជវង្ស​និង​សម្លឹង​រក​តួនាទី​ថ្មី​។​

​ពួកគេ​បាន​និយាយថា​«​ក្រោយ​ត្រិះរិះ​និង​ពិភាក្សា​គ្នា​រាប់​ខែ យើង​បាន​ជ្រើសរើស​ធ្វើ​អន្តកាល​មួយ​នៅ​ឆ្នាំនេះ ដោយ​ចាប់ផ្តើម​តួនាទី​ជឿនលឿន​ថ្មី​មួយ​នៅក្នុង​​ស្ថាប័ន​នេះ​។​យើង​មាន​បំណង​ដកខ្លួន​ចេញ​ពី​សមាជិក​ជាន់ខ្ពស់​នៃ​រាជ​ង្ស និង​ធ្វើ​ការងារ​ដើម្បី​ក្លាយជា​មនុស្ស​ឯករាជ្យ​ខាង​ថវិកា តែ​បន្ត​គាំទ្រ​មហាក្សត្រិយានី​​ពេញលេញ​»​។​

​ព្រះអង្គម្ចាស់​ហារី និង​ព្រះ​នាង មេ​ហ្គឹ​ន បាន​ចំណាយពេល​ភាគច្រើន​នៅ​អង់គ្លេស​និង​កាណាដា និង​បន្ទាប់​ពី​មាន​បញ្ហា​ជាមួយ​រាជវង្ស​មក ព្រះ​នាង​មេ​ហ្គឹ​ន​បាន​​ចេញ​ទៅ​កាណាដា ទុក​អោយ​ហារី ប្រឈម​បញ្ហា​តែឯង​។​

​ស្តេចអង់គ្លេសនៅមិនទាន់សំរេចយ៉ាងណាទេ ក្រោយពីអ្នកទាំងពីរសំរេចបោះបង់តួនាទីជាន់ខ្ពស់ក្នុងរាជវង្ស ហើយចង់ធ្វើការរកលុយកាក់ខ្លួនឯង

ទោះ​ជា​ប្រជាជន​កាណាដា ស្រឡាញ់​ចូលចិត្ត​គូស្នេហ៍​នេះ តែ​ពួកគេ​ភាគច្រើន​មិន​ចង់​ចំណាយ​លើ​ការការពារ​សន្តិសុខ​និង​ថ្លៃ​ចំណាយ​ផ្សេងៗ ដោយសារតែ​ការ​រើ​​ទីលំនៅ​របស់​អ្នក​ទាំង​ពីរ​ទេ​។​

​សារព័ត៌មាន​កាណាដា បាន​វាយ​តំលៃ​ថា ថ្លៃ​ការពារ​ព្រះអង្គម្ចាស់​ហារី​និង ព្រះ​នាង​មេ​ហ្គឹ​ន អស់​ប្រមាណ​១,៣​លាន​ដុល្លារ​អាម៉េរិក​ក្នុង​មួយឆ្នាំ​។​

​កាសែត​ធំ​បំផុត​មួយ​របស់​កាណាដា បាន​រិះគន់​អ្នក​ទាំង​ពីរ​ចំពោះ​ការសំរេចចិត្ត​ចាកចេញ​ពី​ព្រះរាជវាំង​អង់គ្លេស និង​ថា​កាណាដា មិន​អាច​ក្លាយជា​ផ្ទះ​របស់​ពួក​​គេ​ទេ​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...