​អ្នកសារព័ត៌មាន​មក​ពី​សាកល​វិទ្យា​ល​”​កេ​ម​យ៉ង​”​កូរ៉េ​មក​ទស្សនកិច្ច​នៅ​មន្ទីរ​ព័ត៌មាន​ខេត្តសៀមរាប

ដោយ​គូលែន​/​សៀមរាប​:​ព្រឹក​ថ្ងៃទី​១៦​ខែមករា​ឆ្នាំ​២០២០​នេះ​ក្រុមនិស្សិត​ផ្នែក​សារព័ត៌មាន​មកពី​សាក​ល​វិទ្យា​ល​កេ​ម​យ៉ង​នៃ​សាធារណរដ្ឋ​កូរ៉េ​ចំនួន​១៤​រូប​ដឹកនាំ​ដោយ​លោក​គិ​ម​យ៉ូ​ចូ​សាស្ត្រាចារ្យ​នៃ​សាកលវិទ្យាល័យ​កេ​ម​យ៉ង​។​បានមក​ទស្សនកិច្ច​សិក្សា​ស្វែងយល់​ពី​ប្រព័ន្ធ​ផ្សព្វផ្សាយ​ព័ត៌មាន​នៅ​ខេត្តសៀមរាប ដោយមាន​ការចូលរួម​ពី លោក លីវ សុខុន ប្រធាន​មន្ទីរ​ព័ត៌មាន​ខេត្ត ។​

​លោក លីវ សុខុន​បាន​សម្ដែង​នូវ​ការស្វាគមន៍​ចំពោះ​វត្តមាន​គណៈប្រតិភូ​នៃ​សាកល​វិទ្យា​ល​កេ​ម​យ៉ង ដែល​បានមក​ធ្វើ​ទស្សនកិច្ច​សិក្សា​នៅ​មន្ទីរ​ព័ត៌មាន​ខេត្ត​សៀម​រាម​នាពេលនេះ​ព្រមទាំង​ថ្លែងអំណរគុណ​ចំពោះ​លោក​សាស្ត្រាចារ្យ​និង​ក្រុមនិស្សិត​ផ្នែក​សារព័ត៌មាន​មកពី​សាក​ល​វិទ្យា​ល​កេ​ម​យ៉ង​ដែលមាន​ចំណាប់អារម្មណ៍​ចំពោះ​ប្រព័ន្ធ​ផ្សព្វផ្សាយ​ព័ត៌មាន​នៅ​ខេត្តសៀមរាប​នេះ ។​

​លោក​បាន​បន្តថា​មន្ទីរ​ព័ត៌មាន​ខេត្តសៀមរាប​មាន​ការិយាល័យ​ជា​ចំណុះ​ចំនួន​៥​ការិយាល័យ​ក្នុងនោះ​មាន​ការិយាល័យ​ចំនួន​២ កំពុង​ដើរតួនាទី​យ៉ាងសំខាន់​ក្នុង​ការងារ​ផ្សព្វផ្សាយ​។​គឺ​កា​រិ​យាយ​ល័យ​វិទ្យុ ដែលមាន​ស្ថានីយ​មួយ​ឈ្មោះថា វិទ្យុ​FM​នគរ​ភ្នំ ផ្សាយ​តាម​រលក​ធាតុ​អាកា​សប៉ុ​ស្តិ៍​លេខ ១០៣ មេ​ហ្កា​ហឺត​ផ្សាយ​ជា​រៀងរាល់ថ្ងៃ​ចាប់ពី​ម៉ោង​៥​និង​៣០​នាទី​ព្រឹក​រហូតដល់​ម៉ោង​១១​យប់​។​ការិយាល័យ​ទូរទស្សន៍​ស្ថានីយ​មួយ​ឈ្មោះថា​ទូរទស្សន៍​ជាតិ​ខេត្តសៀមរាប​ផ្សាយ​តាម​ស្ថានីយទូរទស្សន៍​ខ្សែកាប​អង្គរ​ខេត្តសៀមរាប ប៉ុស្តិ៍​លេខ​៩៥ និង តាម​បណ្ដាញ​ទំនាក់ទំនង​សង្គម​ហ្វេ​ស​បុក ផ្សាយ​ជា​រៀងរាល់ថ្ងៃ គឺ​ផ្សាយ​ពេញ​២៤​ម៉ោង ។​

​លោក​បន្ថែមទៀតថា​ការផ្សាយ​របស់​វិទ្យុ​និង​ទូរទស្សន៍​ជាតិ​ខេត្តសៀមរាប​នេះ​គឺ​ផ្ដោតជាសំខាន់​លើ​ការអប់រំ និង ការយល់ដឹង​ពី​វប្បធម៌ ទំនៀមទម្លាប់ ប្រពៃណី​ខ្មែរ ,​អភិបាលកិច្ច​ល្អ​,​ច្បាប់​លិខិតបទដ្ឋាន​គតិយុត្ត និង​គោលនយោបាយ​របស់​រាជ​រដ្ឋាភិបាល​កម្ពុជា​និង​រដ្ឋបាល​ខេត្តសៀមរាប​ជាពិសេស​ការផលិត​ព័ត៌មាន​លើ​ការអភិវឌ្ឍ​គ្រប់​វិស័យ​ក្នុង​ខេត្តសៀមរាប ។​

​លោក​គិ​ម​យ៉ូ​ចូ​បាន​សម្តែង​នី​វ​ក្ដីសប្បាយ​រីករាយ​ចំពោះ​ថ្នាកដឹកនាំ​និង​មន្ត្រីរាជការ​នៃ​មន្ទីរ​ព័ត៌មាន​ខេត្តសៀមរាប​ដែល​បានទទួល​ស្វាគមន៍​ក្រុម​ប្រតិភូ​របស់លោក​ដោយ​ភាពកក់ក្ដៅ​ខណៈដែល​ក្រុមនិស្សិត​ផ្នែក​សារព័ត៌មាន​នៃ​សាកល​វិទ្យា​ល​កេ​ម​យ៉ង មក​ទស្សនកិច្ច​នៅ​មន្ទីរ​ព័ត៌មាន​ខេត្តសៀមរាប​នាពេលនេះ គឺ​ក្នុង​បំណង​សិក្សា​ស្វែងយល់​ឲ្យ​កាន់តែច្បាស់​បន្ថែមទៀត​អំពី​ប្រព័ន្ធ​ផ្សព្វផ្សាយ​ព័ត៌មាន​នៅ​ខេត្តសៀមរាប ៕S/

​រូបភាព​:​ក្រុមនិស្សិត​ផ្នែក​សារព័ត៌មាន​មកពី​សាក​ល​វិទ្យា​ល​កេ​ម​យ៉ង​នៃ​សាធារណរដ្ឋ​កូរ៉េ​មក​ទស្សនកិច្ច​សិក្សា​នៅ​មន្ទីរ​ព័ត៌មាន​ខេត្តសៀមរាប ៕​គូលែន​

ទីតាំងផ្សាយពាណិជ្ជកម្ម

- Advertisment -

Most Popular

«​គម្រោង​ទប់ស្កាត់​នឹង​សំ...

ដោយៈ​បូព៌​ព្រឹក្ស​/​ភ្នំព...

ប្តូរ​សមាសភាព​មន្ត្រី​នៅត...

​ដោយៈ​សុផល​/​ភ្នំពេញៈ ដើម...

កម្ពុជា​បាននិងកំពុង​ធ្វើ​...

​ដោយៈ ញ៉ែម សុផល​/​ភ្នំពេញ...

ទើប​ចេញពី​គុក ចេញ​ប្លន់​ទ...

​ដោយ​:​គ្រញូង​/​បាត់ដំបង​...