ដោយៈសៅវ៉ាន់ឌី/ព្រះវិហារ៖កាលពីព្រឹកថ្ងៃថ្ងៃទី១៦ខែមករាឆ្នាំ២០២០លោកប្រាក់សុវណ្ណអភិបាលខេត្ត,លោកឡុងសុវណ្ណប្រធានក្រុមប្រឹក្សាខេត្តបានទទួលជួបស្វាគមន៍គណៈកម្មការទី៩នៃរដ្ឋសភាដឹកនាំដោយលោកស្រីនិនសាផុនប្រធានគណៈកម្មការទី៩សាធារការនិងដឹកជញ្ជូនប្រៃសណីយ៍និងគមនាគមន៍ឧស្សាហកម្មសិប្បកម្មរ៉ែថាមពលពាណិជ្ជកម្មនិងរៀបចំដែនដីនគរូបនីកម្មសំណង់ នៃរដ្ឋសភា នៅសាលប្រជុំសាលាខេត្តព្រះវិហារ ។
មានប្រសាសន៍នោះលោកប្រាក់សុវណ្ណបានរាយការណ៍ជូនប្រតិភូគណៈកម្មការទី៩ស្តីពីវឌ្ឍនភាពសកម្មភាពសម្រេចបានរបស់រដ្ឋបាលខេត្តនិងមន្ទីរពាក់ព័ន្ធជាពិសេសការអនុវត្តកម្មវិធីនយោបាយយុទ្ធសាស្ត្រចតុកោណដំណាក់កាលទី៤អាណត្តិទី៦នេះ។នៅក្នុងឱកាសជួបសំណេះសំណាលនិងពិភាក្សាការងារលោកស្រីនិនសាផុនប្រធានប្រតិភូបានថ្លែងអំណរគុណដល់ថ្នាក់ដឹកនាំខេត្តដែលបានទទួលស្វាគមន៍យ៉ាងកក់ក្តៅ។
លោកស្រីនិនសាផុនបានជម្រាបពីគោលបំណងគឺសិក្សាស្វែងយល់ពីវឌ្ឍនភាពនិងការអនុវត្តច្បាប់បញ្ហាប្រឈមក៏ដូចជាពិនិត្យមើលពីភាពរីកចម្រើននិងជីវភាពរស់នៅរបស់ប្រជាពលរដ្ឋ។ទន្ទឹមនឹងនេះលោកស្រីក៏បានជម្រាបជូនអំពីតួនាទីភារកិច្ចរបស់រដ្ឋសភាដែលជាស្ថាប័ននីតិប្បញ្ញត្តិដែលមានភារកិច្ចស្នូល៣គឺភាពជាតំណាងរបស់ពលរដ្ឋការងារនីតិកម្មនិងឃ្លាំមើលការអនុវត្តច្បាប់របស់រាជរដ្ឋាភិបាល។កិច្ចប្រជុំនេះបានពិភាក្សានិងការបំភ្លឺពីបណ្តាមន្ទីរវិស័យពាក់ព័ន្ធនិងដោះស្រាយពន្យល់ណែនាំដល់មន្ទីរជំនាញថែមទៀតផង៕S/
