ដោយៈមុនីរ័ត្ន/ភ្នំពេញ៖គណៈប្រតិភូច្បាប់សហរដ្ឋអាមេរិកបានស្នើឱ្យក្រសួងយុត្តិធម៌របស់ប្រទេសកម្ពុជាបន្តពង្រឹងនិងពង្រីកកិច្ចសហប្រតិបត្តិការជាមួយសហរដ្ឋអាមេរិកបន្ថែមទៀត។ក្រសួងយុត្តិធម៌បានឯកភាពនិងគាំទ្រទាំងស្រុងចំពោះសំណើរបស់គណៈប្រតិភូច្បាប់សហរដ្ឋអាមេរិក។
លោកអង្គវង្សវឌ្ឍានារដ្ឋមន្ត្រីក្រសួងយុត្តិធម៌និងថ្នាក់ដឹកនាំក្រសួងយុត្តិធម៌បានជួបពិភាក្សាការងារជាមួយគណៈប្រតិភូច្បាប់សហរដ្ឋអាមេរិកដែលដឹកនាំដោយលោកWilliamD.Pickettអតីតប្រធានគណៈមេធាវីប្រចាំរដ្ឋវ៉ាស៊ីនតោន សហរដ្ឋអាមេរិក។ជំនួបពិភាក្សាបានធ្វើឡើងកាលពីព្រឹកថ្ងៃទី១៦ ខែមករា ឆ្នាំ២០២០នៅទីស្តីការក្រសួងយុត្តិធម៌ ។
រដ្ឋមន្ត្រីក្រសួងយុត្តិធម៌លោកអង្គវង្សវឌ្ឍានាបានទទួលស្វាគមន៍ចំពោះទស្សនកិច្ចរបស់គណៈប្រតិភូច្បាប់សហរដ្ឋអាមេរិក។នៅក្នុងកិច្ចសំណេះសំណាលនេះលោកWilliamD.Pickettអតីតប្រធានគណៈមេធាវីប្រចាំរដ្ឋវ៉ាស៊ីនតោនសហរដ្ឋអាមេរិកបានសម្តែងនូវកោតសរសើរចំពោះកិច្ចខិតខំប្រឹងប្រែងរបស់ក្រសួងយុត្តិធម៌កម្ពុជា។ក្នុងការកែទម្រង់និងលើកស្ទួយវិស័យយុត្តិធម៌នៅកម្ពុជាព្រមទាំងស្នើសុំឱ្យក្រសួងយុត្តិធម៌បន្តពង្រឹងនិងពង្រីកកិច្ចសហប្រតិបត្តិការជាមួយសហរដ្ឋអាមេរិចបន្ថែមទៀត។
ជាការឆ្លើយតបក្រសួងយុត្តិធម៌ក៏បានឯកភាពនិងគាំទ្រទាំងស្រុងចំពោះសំណើរបស់គណៈប្រតិភូច្បាប់សហរដ្ឋអាមេរិកនិងថ្លែងអំណរគុណចំពោះការអញ្ជើញរបស់គណៈប្រតិភូច្បាប់សហរដ្ឋអាមេរិកក្នុងការបញ្ជូនគណៈប្រតិភូនៃអ្នកអនុវត្តវិជ្ជាជីវៈច្បាប់នៅកម្ពុជា។ទៅបំពេញទស្សនកិច្ចសិក្សានៅទីក្រុងវ៉ាស៊ីនតោននៅក្នុងពាក់កណ្តាលឆ្នាំ២០២០ខាងមុខនេះ។ដើម្បីសិក្សាស្វែងយល់អំពីស្ថាប័នអនុវត្តច្បាប់របស់សហរដ្ឋអាមេរិក និងផ្លាស់ប្តូរបទពិសោធន៍លើការអនុវត្តច្បាប់រវាងប្រទេសទាំងពីរ៕S/
រូបថតៈលោកអង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ជួបពិភាក្សាជាមួយលោក William D. Pickett
