Home ព័ត៌មានជាតិ សន្តិសុខ ​រំលោភ​លើ​សេច...

​រំលោភ​លើ​សេចក្តីទុកចិត្ត​ជួល​រថយន្ត​យក​លក់​ហើយ​គេចខ្លួន​ពី​ខេត្ត​ព្រះ​សីហ​នុមក​បន្ទាយមានជ័យ​

ដោយ ៖ ប​ជ័យ​/​បន្ទាយមានជ័យ​៖ ពាក់ព័ន្ធ​នឹង​ករណី​រំលោភ​ទំនុកចិត្ត​កាលពី​ថ្ងៃទី​៥​ខែតុលា​ឆ្នាំ​២០១៩​កន្លងទៅ​ស្ថិតនៅ​ចំណុច​កាស៊ីណូ​ហ្វ័​រ​ធូ​ណា​ម្ដុំ​តោ​ពីរ​សង្កាត់​៣​ក្រុងព្រះសីហនុ​ខេត្ត​ព្រះសីហនុ​ត្រូវ​កម្លាំង​អាវុធហត្ថ​ខេត្តបន្ទាយមានជ័យ​ឃាត់ខ្លួន ។​

យោង​ពាក្យបណ្ដឹង​របស់​ឈ្មោះ យក់ បញ្ញា ភេទ​ប្រុស អាយុ​៣៦​ឆ្នាំ ចុះ​ថ្ងៃទី​៩ ខែមករា ឆ្នាំ​២០២០ ដោយ​ឈ្មោះ លឹម ប៊ុនធឿន បាន​លក់​រថយន្ត​ម៉ាក លុច​ស៊ី​ស ( RX300) ពណ៌​ទឹកមាស​ពាក់​ស្លាក​លេខ ភ្នំពេញ​2Z2798​ឱ្យទៅ​ឈ្មោះ​រស់​ជៀវ​(​ត្រូវជា​ឳ​ពុក​ក្មេក​ឈ្មោះ​យក់​បញ្ញា​)​ក្នុងតម្លៃ​១៥.០០០​ដុល្លារ​។​ប៉ុន្តែ​ឈ្មោះ​ប៊ុនធឿន​បាន​សុំ​ជួល​រថយន្ត​នោះ​ពី​ឈ្មោះ​យក់​បញ្ញា​ដើម្បី​ជិ​:​ក្នុងតម្លៃ​៥០០​ដុល្លារ​ក្នុង​មួយខែ​ហើយ​ក្រោយមក​ឈ្មោះ​លឹម​ប៊ុនធឿន​បាន​យក​រថយន្ត​ទៅ​លក់​ឱ្យ​អ្នកដទៃ​រួច​គេចខ្លួនបាត់ ។

​ដោយ​យោងតាម​ពាក្យបណ្ដឹង​នេះ​កម្លាំង​មូលដ្ឋាន​កងរាជអាវុធហត្ថ​ក្រុង​ប៉ោយប៉ែត​ដឹកនាំ​ដោយ​លោក​វរសេនីយ៍ត្រី​នួន​នី​ណា​រ៉ូ​មេបញ្ជាការ​និង​កម្លាំង​ធ្វើការ​ស្រាវជ្រាវ​រហូត​ឈានដល់​ការឃាត់ខ្លួន​ជនសង្ស័យ​ឈ្មោះ លឹម ប៊ុនធឿន បាន​នៅវេលា​ម៉ោង​១៥ និង​០០​នាទី ថ្ងៃទី​១៣ ខែមករា ឆ្នាំ​២០២០ នៅ​ចំណុច​កាស៊ីណូ​ហ្គោ​ឌិន​ក្រោ​ណ​។​ស្ថិត​ក្នុងភូមិ​ក្បាលស្ពាន​១​សង្កាត់​/​ក្រុង​ប៉ោយប៉ែត​ខេត្តបន្ទាយមានជ័យ​ហើយ​នាំមក​បញ្ជាការ​ការដ្ឋាន​កងរាជអាវុធហត្ថ​ក្រុង​ដើម្បី​កសាង​សំណុំរឿង​បញ្ជូនមក​ទីបញ្ជាការដ្ឋាន​កងរាជអាវុធហត្ថ​ខេត្ត​ចាត់​ការបន្ត​។

​ជនសង្ស័យ​ឆ្លើយ​សារភាពថា​៖​ខ្លួន​ពិតជា​បាន​ប្រព្រឹត្ត​ដូច​ពាក្យបណ្ដឹង​ខាងលើ​ហើយ​គេច​ខ្លូន​មក​ស្នាក់នៅ​ក្រុង​ប៉ោយប៉ែត​ពិត​ប្រក​ដ​មែន​។​បច្ចុប្បន្ន​កម្លាំង​ជំនាញ​ការិយាល័យ​បទល្មើស​ព្រហ្មទណ្ឌ​បាន​កសាង​សំណុំរឿង​បញ្ជូនទៅ​សាលាដំបូង​ខេត្ត​អនុវត្តន៍​ទៅតាម​ផ្លូវច្បាប់​៕S/

​រូបថត ៖ ជនសង្ស័យ​ឈ្មោះ ប៊ុន ធឿន បាន​សុំ​ជួល​រថយន្ត​នោះ​ពី​ឈ្មោះ យក់ បញ្ញា ហើយ​យ​ក​លក់​ត្រូវ​អហ​ឃាត់ខ្លួន​នៅ​ក្រុង​ប៉ោយប៉ែត (​រូប​៖ ប​.​ជ័យ​)​

ទីតាំងផ្សាយពាណិជ្ជកម្ម

- Advertisment -

Most Popular