Home ព័ត៌មានជាតិ នយោបាយ ការបង្រួបបង្រ...

ការបង្រួបបង្រួម​នៅ​ទ្រឹង​៖​សមាជិក​ហ្វ៊ុនស៊ិនប៉ិច​តាម​ខេត្ត​មួយចំនួន​ចូលរួម​ជាមួយ​គណបក្ស​ខ្មែរ​រួបរួម​ជាតិ​

ដោយៈ​មុនី​រ័ត្ន​/​ភ្នំពេញ​៖​ខណៈពេលដែល​ការបង្រួបបង្រួម​រវាង​គណបក្ស​គណបក្ស​ហ្វ៊ុនស៊ិនប៉ិច​និង​គណបក្ស​ខ្មែរ​រួបរួម​ជាតិ​នៅ​ទ្រឹង​គឺមាន​សមាជិក​របស់​គ​ណ​បក្ស​ហ្វ៊ុនស៊ិនប៉ិច​នៅតាម​បណ្តា​ខេត្ត​មួយចំនួន​បានមក​ចូលរួម​ជាមួយ​គណបក្ស​ខ្មែរ​រួបរួម​ជាតិ​របស់លោក​ញឹក​ប៊ុនឆៃ​ជា​បន្តបន្ទាប់​។​សមាជិក​គណបក្ស​គណ​បក្ស​ហ្វ៊ុនស៊ិនប៉ិច ដែល​មក​ចូលរួម​ជាមួយ​គណបក្ស​ខ្មែរ​រួបរួម​ជាតិ មានដូចជា នៅ​ខេត្តកំពង់ធំ ខេត្តសៀមរាប ខេត្តបាត់ដំបង ខេត្តកំពង់ឆ្នាំង ខេត្តកំពង់ចាម​និង​ខេត្ត​មួយចំនួនទៀត​។​

​លោក​ញឹក ប៊ុនឆៃ ប្រធាន​គណបក្ស​ខ្មែរ​រួបរួម​ជាតិ​បាន​ថ្លែង​នៅក្នុង​សន្និសីទកាសែត​កាលពី​ថ្ងៃទី​១៦ ខែមករា​ឆ្នាំ​២០១៩​នេះ​ថា​នៅពេលដែល​លោក​ចុះ​មូលដ្ឋាន​ដើម្បី​សួរសុខទុក្ខ​ថ្នាក់ដឹកនាំ​នៅ​មូលដ្ឋាន (​ភូមិ​ឃុំ​ស្រុក​ខេត្ត​)​ខេត្តកំពង់ធំ​ខេត្តសៀមរាប​ខេត្តបន្ទាយមានជ័យ​និង​ខេត្ត​ឧ​ត្ត​រ​មានជ័យ​គឺមាន​សមាជិក​របស់​គ​ណ​បក្ស​ហ្វ៊ុនស៊ិនប៉ិច​មួយចំនួន​បានមក​ចូលរួម​ជាមួយ​គណបក្ស​ខ្មែរ​រួបរួម​ជាតិ​។​

​លោក​ប្រធាន​គណបក្ស​បាន​បន្តថា​ពួកគាត់​ចង់ដឹង​អំពី​ការបង្រួបបង្រួម​រវាង​គណបក្ស​ទាំងពីរ​។​សមាជិក​គណបក្ស​ហ្វ៊ុនស៊ិនប៉ិច​បាន​និយាយថា​អត់​ឃើញ​ថ្នាក់ដឹកនាំ​របស់​គណបក្ស​ហ្វ៊ុនស៊ិនប៉ិច​ចុះ​មូលដ្ឋាន​ជួប​សមាជិក​គឺ​ពួកគាត់​អស់សង្ឃឹម​។​ពួកគាត់​ចង់ឱ្យមាន​ការបង្រួបបង្រួម​នៅ​ថ្នាក់មូលដ្ឋាន​ហើយ​ការបង្រួបបង្រួម​ថ្នាក់លើ​គឺ​ពេលណា​ពេល​នឹង​ទៅ​។​

លោក​បាន​បញ្ជាក់ថា​“​សមាជិក​គណបក្ស​ហ្វ៊ុនស៊ិនប៉ិច​ដែល​មក​ចូលរួម​គឺ​ពួកគាត់​ពី​ការបង្រួបបង្រួម​រវាង​គណបក្ស​ហ្វ៊ុនស៊ិនប៉ិច​និង​គណបក្ស​ខ្មែរ​រួបរួម​ជាតិ​ចេះតែ​ស្ងាត់​ទៅៗ​ហើយ​ពួកគាត់​ថា​ថ្នាក់ដឹកនាំ​ហ្វ៊ុនស៊ិនប៉ិច បាត់​អត់​ឃើញ​ចុះ​មូលដ្ឋាន ពួកគាត់​អស់សង្ឃឹម​”​។​

លោក​ញឹក ប៊ុនឆៃ បា​នប​បន្តថា ការចុះ​មូលដ្ឋាន​របស់​ថ្នាក់ដឹកនាំ​គណបក្ស​ខ្មែរ​រួបរួម​ជាតិ គឺ​ដើម្បី​សួរសុខទុក្ខ​ថ្នាក់ដឹកនាំ​នៅ​មូលដ្ឋាន (​ភូមិ ឃុំ ស្រុក ខេត្ត​) និង​ជម្រាប​អំពី​ស្ថានការណ៍​នយោបាយ​ជាតិ​និង​អន្តរជាតិ​រួមទាំង​អំពី​គោលការណ៍ នៃ​ការបង្រួបបង្រួម​រវាង​គណបក្ស​ខ្មែរ​រួបរួម​ជាតិ ជាមួយ​គណបក្ស​ហ្វ៊ុនស៊ិនប៉ិច ដែលមាន​ការយឺតយ៉ាវ ដែល​រហូតមក​ដល់ពេលនេះ នៅ​មិនទាន់​ដំណើរការ​នៅឡើយ​។​

​ខាង​គណបក្ស​ខ្មែរ​រួបរួម​ជាតិ​បាន​ជម្រុញ​ឲ្យ​មានការ​បង្រួបបង្រួម​ឲ្យ​បាន​លឿន​ពីព្រោះ​ការរួបរួម​រង់ចាំ​អស់​ពេល​ពីរ​បី​ខែ​មកហើយ​។​មេដឹកនាំ​គណបក្ស​ខ្មែរ​រួបរួម​ជាតិ​បាន​បញ្ជាក់ថា​“​ការបង្រួបបង្រួម​បាន​ឬ​មិនបាន​គឺ​អាស្រ័យ​លើ​គណបក្ស​ហ្វ៊ុនស៊ិនប៉ិច​រហូតមកដល់​ពេលនេះ​នៅ​មិនទាន់មាន​ការទាក់ទង​គ្នា​ជាថ្មី​នៅឡើយ​ទេ សង្ឃឹមថា រួបរួមគ្នា​បានតែ​មិនដឹង​ពេលណា​”​។​

លោក​បាន​បន្តថា​ចំពោះ​ការចុះ​មូលដ្ឋាន​ជួប​សំណេះសំណាល​ជាមួយ​រចនាសម្ព័ន្ធ​គណបក្ស​ខ្មែរ​រួបរួម​ជាតិ គឺ​ចាប់ពី​ថ្ងៃទី​១១ ខែមករា តទៅ​។ ដោយនៅ​ថ្ងៃទី​១១​ខែមករា​លោក​ចុះទៅ​ខេត្តកំពង់ធំ​(​ពេលព្រឹក​) និង​ខេត្តសៀមរាប​(​ពេល​រសៀល​)​។​នៅ​ថ្ងៃទី​១២​ខែមករា​ចុះទៅ​ខេត្តបន្ទាយមានជ័យ​និង​ខេត្ត​ឧ​ត្ត​រ​មានជ័យ​។​នៅ​ព្រឹក​ថ្ងៃទី​១៨​ខែមករា​ចុះទៅ​ខេត្តកំពង់ស្ពឺ​និង​ពេល​រសៀល​ចុះទៅ​ខេត្តតាកែវ​។​

​នៅ​ព្រឹក​ថ្ងៃទី​១៩​ខែមករា​ចុះទៅ​ខេត្តព្រៃវែង​និង​នៅពេល​រសៀល​ចុះទៅ​ខេត្តស្វាយរៀង​។​នៅ​ព្រឹក​ថ្ងៃទី​២៥​ខែមករា​ចុះទៅ​ខេត្តកំពង់ឆ្នាំង​និង​នៅពេល​រសៀល​ចុះទៅ​ខេត្តពោធិសាត់​។​នៅ​ព្រឹក​ថ្ងៃទី​២៦​ខែមករា​ចុះទៅ​ខេត្តបាត់ដំបង​និង​នៅពេល​រសៀល​ចុះទៅ​ខេត្ត​ប៉ៃលិន​។

​លោក​ញឹក ប៊ុនឆៃ បាន​បន្តទៀតថា ចំណែក​នៅ​ព្រឹក​ថ្ងៃទី​១ ខែកុម្ភៈ ចុះទៅ​ខេត្តក្រចេះ​។​នៅ​ព្រឹក​ថ្ងៃទី​២ ខែកុម្ភៈ​ចុះទៅ​ខេត្ត​រតនគីរី​។​នៅ​ព្រឹក​ថ្ងៃទី​៣​ខែកុម្ភៈ​ចុះទៅ​ខេត្ត​ប៉ៃលិន​។​នៅ​ថ្ងៃទី​៨​ខែកុម្ភៈ​ចុះទៅ​ខេត្តកោះកុង​។​នៅ​ព្រឹក​ថ្ងៃទី​៩​ខែកុម្ភៈ​ចុះទៅ​ខេត្ត​ព្រះសីហនុ​និង​នៅពេល​រសៀល​ចុះទៅ​ខេត្តកំពត​។​នៅ​ព្រឹក​ថ្ងៃទី​១៥ ខែកុម្ភៈ ចុះទៅ​ខេត្ត​ត្បូងឃ្មុំ និង​ពេល​រសៀល​ចុះទៅ​ខេត្តកំពង់ចាម​។​នៅ​ព្រឹក​ថ្ងៃទី​១៦​ខែកុម្ភៈ ចុះទៅ​ខេត្តកណ្តាល និង​ពេល​រសៀល​នៅ​រាជធានី​ភ្នំពេញ​៕S/

​ ​ ​រូប​ថ​តៈ លោក​ញឹក ប៊ុនឆៃ ប្រធាន​គណបក្ស​ខ្មែរ​រួបរួម​ជាតិ​

ទីតាំងផ្សាយពាណិជ្ជកម្ម

- Advertisment -



Most Popular