អ្នកដុតនំ និងមេចុងភៅរាប់ពាន់នាក់នៅប្រទេសឥណ្ឌា ភាគខាងត្បូង បានជួបជុំគ្នាកាលពី ថ្ងៃពុធ ទី១៥ ខែមករា ដើម្បីផលិតនំខេកដែលវែងជាងគេបំផុតក្នុងពិភពលោកដែលមាន ប្រវែងរហូតដល់ទៅប្រមាណ ៦ គីឡូម៉ែត្រស្ទើរមិនគួរឱ្យជឿ។ ពួកគេបានផលិតនំ ដែលជាប់កំណត់ត្រាឯតទគ្គកម្មនេះនៅក្នុងទីក្រុងទ្រីសួ (Thrissur) រដ្ឋកេរ៉ាឡា (Kerala)។
តាមការបញ្ជាក់ថា គ្រាន់តែសាច់នំផលិតពីម្សៅវ៉ានីដែលមានទទឹង និងកម្រាស់ ១០ សង់ទីម៉ែត្រមានទម្ងន់រហូតដល់ទៅ ២៧.០០០ គីឡូក្រាម ដោយមិនទាន់បូកបញ្ចូល សូកូឡាផង។
អ្នកដុតនំ និងមេចុងភៅប្រមាណ ១.៥០០ នាក់បានចំណាយពេលជិត ៤ម៉ោងដើម្បីផ្គុំនំនេះ ឱ្យចេញជារូបរាង ដោយប្រើប្រាស់ស្ករស និងម្សៅអស់ ១២.០០០ គីឡូក្រាម។
មនុស្សយ៉ាងច្រើនកុះករបានចោមមើលព្រឹត្តិការណ៍ ដែលរៀបចំឡើងដោយសមាគម អ្នកដុតនំរដ្ឋកេរ៉ាឡា (Bakers Association Kerala)។ លោក ណូសាដ (Naushad) អគ្គលេខា ធិការសមាគមនេះនិយាយថា កំណត់ត្រាពិភពលោកហ្គីណេស (Guinness World Records) បានវាយតម្លៃនំខេកនេះដោយផ្ទាល់ ហើយឃើញថាពិតជាមានប្រវែង ៦.៥០០ ម៉ែត្រមែន៕ ប្រែសម្រួលៈ ខុម
