ក្លឹប Tottenham ត្រូវបានផ្តល់ឱកាសឲ្យចុះកិច្ចព្រមព្រៀងផ្ទេរខ្សែប្រយុទ្ធ ហ្សេ ល្វីស (Ze Luis) ក្នុងកិច្ចសន្យាលេងខ្ចីជើង។
កីឡាករវ័យ២៨ឆ្នាំរូបនេះចាំបាច់ត្រូវរៀបចំប័ណ្ណការងារសិន ដើម្បីសម្រេចកិច្ចព្រម ព្រៀង ផ្ទេរមកកាន់អង់គ្លេស។
ហ្សេ ល្វីស ទើបនឹងចូលរួមជាមួយក្លឹប Porto នៅខែមករានេះ ក្រោមពីចាកចេញពីក្លឹប Spartak Moscow និងរកបាន៨គ្រាប់ក្នុងការបង្ហាញមុខ១៨លើក។
ក្លឹប Tottenham បានចុះកិច្ចព្រមព្រៀងផ្ទេរ ហ្គេដសិន ហ្វឺណានដេស (Gedson Fernandes) ក្នុងកិច្ចសន្យាខ្ចីជើងពីក្លឹប Benfica ប៉ុន្តែលោកចូសេ ម៉ូរីញ៉ូ (Jose Mourinho) ត្រូវការខ្សែ ប្រយុទ្ធម្នាក់ទៀត ដើម្បីជំនួសកៅអីទំនេរ ដោយសារតែ ហ៊ែរី ខេន (Harry Kane) រងរបួស។
ក្លឹប Tottenham ដែលកំពុងចរចាលក់ខ្សែបម្រើ គ្រីស្ទៀន អេរិកសិន (Christian Eriksen) ទៅឲ្យក្លឹប Inter Milan នោះ ក៏កំពុងស្វែងរកជម្រើសមួយចំនួនផងដែរ។
ខ្សែប្រយុទ្ធ Krzysztof Piatek របស់ក្លឹប AC Milan ក៏ស្ថិតក្នុងចំណោមកីឡាករដែលក្លឹប Spurs ចង់បានដែរ ។
ហ្សេ ល្វីស បានចាប់ផ្តើមអាជីពរបស់ខ្លួនជាមួយក្លឹបព័រទុយហ្គាល់មុនពេលខ្ចីជើងទៅប្រទេស ហុងគ្រី និងបួនឆ្នាំជាមួយក្លឹប Spartak របស់រុស្ស៊ី។
កីឡាកររូបនេះបានចុះកិច្ចសន្យាលេងជាមួយក្លឹប Porto រយៈពេលបួនឆ្នាំកាលពីរដូវក្តៅ ហើយរកបាន៧គ្រាប់ឆ្លងកាត់១២ប្រកួត បូករួម១គ្រាប់នៅក្របខណ្ឌឆេមពានលីក៕ ប្រែសម្រួល: ពិសិដ្ឋ
