ខេត្តបាត់ដំបងនិងខេត្តអិហ៊ិមិ របស់ជប៉ុនចុះអនុស្សរណៈយោគយល់គ្នា​បង្កើតចំណងសម្ព័ន្ធមេត្រីភាព និង​កិច្ចសហប្រតិបត្តិការ​

ដោយៈគ្រញូង/បាត់ដំបង ៖ នៅសាលសន្និសិទមិត្តភាពបាត់ដំបង-ដាណាំងកាលពីថ្ងៃទី១៥ ខែមករា ឆ្នាំ២០២០ប្រតិភូខេត្តអិហ៊ិមិនៃប្រទេសជប៉ុន និងរដ្ឋបាលខេត្តបាត់ដំបងបានចុះអនុស្សរណៈយោគយល់គ្នា (MOU)ស្តីពីការបង្កើតចំណងមិត្តភាព មេត្រីភាព និងកិច្ចសហប្រតិបត្តិការរវាងខេត្តទាំងពីរ។

ថ្លែងស្វាគមន៍លោកងួន រតន: អភិបាលខេត្តបាត់ដំបងមានប្រសាសន៍ថាប្រតិភូខេត្តអិហ៊ិមិនៃប្រទេសជប៉ុនបានបញ្ជាក់ពីសក្តានុពល នៃខេត្តបាត់ដំបងលើគ្រប់វិស័យ ដែលមានប្រជាពលរដ្ឋរស់នៅ គឺភាគច្រើនជាអ្នកប្រកបមុខរបរកសិកម្ម ពាណិជ្ជករ អាជីវករ ជាដើម។

លោកអភិបាលខេត្យបានបញ្ជាក់ថា ការចុះហត្ថលេខាលើអនុស្សរណៈនៃការយោគ
យល់គ្នាគឺការបង្កើតចំណងសម្ព័ន្ធមេត្រីភាព និងកិច្ចសហប្រតិបត្តិការនេះក្នុងគោលបំណងជំរុញការអភិវឌ្ឍសេដ្ឋកិច្ចនៃភាគីទាំងពីរដោយគោរពទៅតាមគោលការណ៍ច្បាប់ និងលិខិតបទដ្ឋានគតិយុត្តនៃប្រទេសទាំងពីរ។

លោកបានបន្តថា ដោយមានការជំរុញ និងគាំទ្រពីក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងកសិកម្ម រុក្ខាប្រមាញ់ និងនេសាទ ភាគីទាំងពីរព្រមព្រៀង សហការគ្នាទៅតាមលក្ខខណ្ឌ ដើម្បីអនុវត្តសកម្មភាព និងគម្រោងនានា ឈានទៅរកការអភិវឌ្ឍសេដ្ឋកិច្ចរបស់ភាគីទាំងពីរ តាមរយៈការប្រើប្រាស់ផលិតផលនិងបច្ចេកវិទ្យានានាពីខេត្តអិហ៊ិមិ។

កិច្ចសហប្រតិបត្តិការរវាងភាគីទាំង២រួមមាន៖
១៖ ភាគីទាំងពីរនឹងបង្កើតចំណងមិត្តភាពដោយឈរលើគោលការណ៍ស្មើភាពជឿជាក់ និងគោរពគ្នាទៅវិញទៅមក។
២៖ ភាគីទាំងពីរយល់ព្រមសហការ លើវិស័យពាណិជ្ជកម្ម វិនិយោគ ការអភិវឌ្ឍបច្ចេកវិទ្យា និងធនធានមនុស្ស ដើម្បីជំរុញការអភិវឌ្ឍសេដ្ឋកិច្ច និងការផ្លាស់ប្តូរអន្តរតំបន់ ដោយឈរលើគោលការណ៍ផ្តល់ផលប្រយោជន៍គ្នាទៅវិញទៅមក។
៣៖ ភាគីទាំងពីរនឹងសហការគ្នា ជំរុញភាពជឿនលឿនលើវិស័យឧស្សាហកម្ម ដោយផ្តោតសំខាន់លើឧស្សាហកម្មកែច្នៃចំណីអាហារ តាមរយៈការប្រើប្រាស់ផលិតផល និងបច្ចេកវិទ្យានានារបស់ខេត្តអិហ៊ិមិ។
៤៖ ភាគីទាំងពីរនឹងជំរុញឱ្យមានការផ្លាស់ប្តូរ រវាងវិស័យឯកជន ដើម្បីជួយលើកទឹកចិត្ត ក្នុងការអភិវឌ្ឍសេដ្ឋកិច្ចឧស្សាហកម្ម ការផ្លាស់ប្តូរធនធានមនុស្ស និងវិស័យពាក់ព័ន្ធផ្សេងៗទៀតនៅក្នុងខេត្តបាត់ដំបង និងខេត្តអិហ៊ិមិ។
៥៖ ភាគីទាំងពីរនឹងសហការគ្នា ធ្វើកិច្ចការសំដៅពង្រឹងការផ្លាស់ប្តូរព័ត៌មាន និងធ្វើការរួមគ្នា ដើម្បីបង្កើតកាលានុវត្តភាពពាណិជ្ជកម្ម ជំរុញឱ្យមានការផ្លាស់ប្តូរទៅវិញទៅមកនិងកសាងនូវទំនាក់ទំនងកាន់តែជិតស្និទថែមទៀត រវាងខេត្តបាត់ដំបង និងខេត្តអិហ៊ិមិ។

លោក គូគីប៊ី ណាកាប៉ូរ៉ាអភិបាលខេត្តអិហិមិបានថ្លែងអំណរគុណដល់រដ្ឋបាលខេត្តបាត់ដំ បងដែលបានយកចិត្តទុកដាក់ទទួលរាក់ទាក់ និងស្វាគមន៍យ៉ាងកកក្តៅដល់ប្រតិភូខេត្តអិហ៊ិមិ និងឈានដល់ការចុះអនុស្សរណៈនៃការយោគយល់គ្នានសថ្ងៃនេះដើម្បីរឹតចំណងសាមគ្គី មិត្តភាពនិងកិច្ចសហប្តិបត្តិជួយគ្នាទៅវិញទៅមកកាន់តែជិតស្និទ្ធិថែមទៀត៕B/


ទីតាំងផ្សាយពាណិជ្ជកម្ម

- Advertisment -

Most Popular

ពលរដ្ឋ​ភូមិ​កូនដំរី ផ្ទុះ...

​ដោយៈ ប​.​ជ័យ / បន្ទាយ​មា...

ប្រទះឃើញ​សព​បុរស​ម្នាក់​អ...

ដោយៈ​ស​រិ​ទ្ធ​/​កណ្តាលៈអ្...

ចុះ​ពិនិត្យ​គម្រោង​បើក​ទ្...

​ដោយៈ រ៉ា​ម៉ន / ភ្នំពេញៈ ...