កងរាជអាវុធហត្ថក្រុងសៀមរាប ​បង្ក្រាបករណីគ្រឿងញៀន ឃាត់​ខ្លួនជនសង្ស័យ៣នាក់

ដោយ:គូលែន/សៀមរាប ៖ កាលពី វេលាម៉ោង០៩និង៣០នាទី ថ្ងៃទី១៧ ខែមករា ឆ្នាំ២០២០ នេះ កម្លាំងសមត្ថកិច្ច កងរាជអាវុធហត្ថក្រុងសៀមរាប បានចុះប្រតិបត្តិការបង្ក្រាបករណីគ្រឿងញៀន នៅសង្កាត់ស្វាយដង្គំ សម្រេចឃាត់ខ្លួនជនសង្ស័យចំនួន​៣​នាក់​រួមនឹងដកហូតវត្ថុតាងមួយចំនូន។

លោកអនុសេនីយ៍ឯក សំ សារ៉ូ មេបញ្ជាការរងកងរាជអាវុធហត្ថក្រុងសៀមរាប បាននិយាយថា ក្នុងប្រតិបត្តិការចុះបង្ក្រាបករណីចែកចាយ និងរក្សាទុកដោយខុសច្បាប់នូវសារធាតុញៀន ត្រង់ចំណុចព្រះអង្គចេកព្រះអង្គចម ស្ថិតក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប ខេត្តសៀមរាប ឃាត់ខ្លួនជនសង្ស័យបានចំនួន០១នាក់ និងបន្តនីតិវិធី ចាប់ខ្លួនបក្សពួកបន្តទៀត នៅវេលាម៉ោង១១និង១០នាទី ថ្ងៃ ខែ ឆ្នាំដដែល នៅចំណុចម្ដុំវត្តចក ស្ថិតក្នុងភូមិពោធិ៍បុស្ស សង្កាត់ស្វាយដង្គំ ក្រុងសៀមរាប ខេត្តសៀមរាប ឃាត់ខ្លួនបានជនសង្ស័យចំនួន២នាក់បន្ថែមទៀត រួមនឹងដកហូតវត្ថុតាងបានមួយចំនួន។

លោកបានបន្តថា វត្ថុតាងដែលដកហូតបាន រួមមាន ម្ស៉ៅក្រាមពណ៌សថ្លាចំនួន​៦កញ្ចប់ ទូរស័ព្ទដៃ០៣គ្រឿង និងឧបករណ៍សម្រាប់ជក់ថ្នាំញៀនមួយចំនួន។

ជនសង្ស័យដែលត្រូវបានឃាត់ខ្លួនរួមមានទី១-ឈ្មោះ ឌៀប សត់ ភេទប្រុស អាយុ១៩ឆ្នាំ មុខរបរ នៅផ្ទះ រស់នៅភូមិវត្ដដំណាក់ សង្កាត់សាលាកំរើក ក្រុងសៀមរាប ខេត្តសៀមរាប , ទី២-ឈ្មោះ ចាន់ រ័ត្នបញ្ញា ភេទប្រុស អាយុ២០ឆ្នាំ មុខរបរ លក់បាយ-សម្ល រស់នៅភូមិត្រពាំងព្រៃ ឃុំសសរស្ដម្ភ ស្រុកពួក ខេត្តសៀមរាប និងទី៣-ឈ្មោះកុសល បុរី ភេទប្រុស អាយុ៣០ឆ្នាំ មុខរបរ បុគ្គលិកក្រុមហ៊ុន រស់នៅភូមិពោធិ៍បុស្ស សង្កាត់ស្វាយដង្គំ ក្រុងសៀមរាបខេត្តសៀមរាប។

ជនសង្ស័យ និងវត្ថុតាង ត្រូវបានបញ្ជូនបន្តទៅការិយាល័យគ្រឿងញៀន កងរាជអាវុធហត្ថខេត្តសៀមរាប ដើម្បីបន្តនីតិវិធីច្បាប់៕B/

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...