Home ព័ត៌មានជាតិ សន្តិសុខ អាជ្ញាធរ​ថៃ​ប...

អាជ្ញាធរ​ថៃ​បាន​បញ្ជូន​ពលរដ្ឋ​ខ្មែរ​២​នាក់​ឱ្យមក​ស្រុក​វិញ​បន្ទាប់ពី​ដោះលែង​ពី​ពន្ធនាគារ​

​ដោយ​បាយ័ន​/​ឧ​ត្ត​រ​មាន​ជ័​យៈ​ប្រជាពលរដ្ឋ​ខ្មែរ​ចំនួន​២​នាក់​ត្រូវបាន​អាជ្ញាធរ​ប្រទេស​ថៃ​បានធ្វើការ​បញ្ជូន​មកឱ្យ​ភាគី​កម្ពុជា​វិញ​បន្ទាប់ពី​បុរស​ទាំង​២​នាក់​ត្រូវបាន​ដោះលែង​ពី​ពន្ធនាគារ​ខេត្ត​ស៊ីសាកេត​ប្រទេស​ថៃ​ពីបទ​ឆ្លងដែន​ខុសច្បាប់​ចូលទៅ​កាប់​ឈើ​គ្រញូង​ក្នុង​ទឹកដី​ថៃ​រួចមក​។​ពិធី​ប្រគល់​និង​ទទួល​ប្រជាពលរដ្ឋ​ខ្មែរ​នេះ​បាន​ធ្វើឡើង​កាលពី​វេលា​ម៉ោង​១៦​និង​១៥​នាទី​ថ្ងៃទី​១៨​ខែមករា​ឆ្នាំ​២០២០​ស្ថិតនៅ​ច្រក​អន្តរជាតិ​ជាំ​ស្រងាំ​ក្នុង​ទឹកដី​ស្រុក​អន្លង់វែង​ខេត្ត​ឧ​ត្ត​រ​មានជ័យ​។​

សមត្ថកិច្ច​នគរបាល​ប្រចាំ​ច្រក​អន្តរជាតិ​ជាំ​ស្រងាំ​បាន​និយាយថា​ប្រជាពលរដ្ឋ​ខ្មែរ​ចំនួន​២​នាក់​ដែល​ត្រូវបាន​អាជ្ញាធរ​ថៃ​បញ្ជូនមក​ស្រុកកំណើត​វិញ​នោះ​គឺមាន​ឈ្មោះ សៀង ស្រស់ ភេទ​ប្រុស អាយុ​៤២​ឆ្នាំ រស់នៅ​ភូមិ​សម្បូរ​ឃុំ​ព្រៃ​គុយ​ស្រុក​កំពុងស្វាយ​ខេត្តកំពង់ធំ​។​ម្នាក់ទៀត​ឈ្មោះ​នួន​សុ​ភ័​ក្រ​ភេទ​ប្រុស​អាយុ​៣១​ឆ្នាំ​រស់នៅ​ភូមិ​អូរ​ឃុំ​ស​ង្វើ​យ​ស្រុក​ជីក្រែង​ខេត្តសៀមរាប​។​អ្នក​ទាំង​២​ត្រូវបាន​ចាប់ខ្លួន​កាលពី​ថ្ងៃទី​២៦​ខែមករា​ឆ្នាំ​២០១៨​កន្លងមកនេះ​ពីបទ​ដែន​ខុសច្បាប់​ចូលទៅ​កាប់​ឈើ​គ្រញូង​ក្នុង​ទឹកដី​ថៃ​ដោយ​ចូល​តាម​ច្រក​ភ្នំ​ខ្មោច​។​

ក្រោយពី​ចាប់ខ្លួន​អ្នក​ទាំង​២​ត្រូវ​បន​យកទៅដាក់​ពន្ធនាគារ​នៅ​ខេត្ត​ស៊ីសាកេត​ចាប់តាំងពី​ពេលនោះ​រហូតមកដល់​ថ្ងៃទី​១៨​ខែមករា​ឆ្នាំ​២០២០​នេះ​ទើប​ដោះលែង​ហើយ​បញ្ជូនមក​ស្រុកកំណើត​វិញ​តែម្តង​៕S/

​រូបភាពៈ​អាជ្ញាធរ​ថៃ​បាន​បញ្ជូន​ប្រជាពលរដ្ឋ​ខ្មែរ​ចំនួន​២​នាក់​អោយមក​ស្រុក​វិញ​បន្ទាប់ពី​ដោះលែង​ពី​ពន្ធនាគារ​៕​បាយ័ន​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...