Home កីឡា ចូ​សេ ម៉ូ​រី​...

ចូ​សេ ម៉ូ​រី​ញ៉ូ បាន​និយាយ​ដោយផ្ទាល់​ជាមួយ​កីឡាករ ចូ​អាវ កាន​សេ​ឡូ​ដើម្បី​ស្វែងរក​លទ្ធភាព ផ្ទេរ​មក​ក្លិប ស្ពឺរ

តាម​ព័ត៌មាន​ថា លោក ចូ​សេ ម៉ូ​រី​ញ៉ូ (Jose Mourinho) អ្នកចាត់ការ​ក្លិប តូ​តិ​ន​ហេម​(Tottenham) បាន​និយាយ​ជាមួយ​កីឡាករ ចូ​អាវ កាន​សេ​ឡូ (Joao Cancelo) អំពី​លទ្ធភាព​ផ្ទេរ​ចេញពី​ក្លឹប ម៉េ​ន​ឆេ​ស្ទ័​រ ស៊ី​ធី​មកកាន់​ក្លិប Tottenham​។​
​ ​
កាន​សេ​ឡូ ដែល​បាន​ផ្ទេរ​ពី​ក្លិប ជូ​វេន​ទុ​ស​(Juventus) មក​ក្នុងតម្លៃ​៦០​លាន​ផោន​កាលពី រដូវក្តៅ​នេះ ប៉ុន្តែ​បាន​ត្រឹម​ជា​កីឡាករ​បម្រុង​របស់​កីឡាករ ខាយ វ៉ក​ឃ័​រ (Kayle Walker) នៅ​រដូវ​កាល​នេះ​។​
​ ​
​កីឡាករ​រូបនេះ​បាន​ចាប់ផ្តើមបាន​១៣​លើក​ជាមួយ​ស៊ី​ធី​នៅ​គ្រប់​ការប្រកួត​ហើយ​សម្លឹងមើលឱកាសផ្ទេរចេញ​។ លោក ម៉ូ​រី​ញ៉ូ​បាន​និយាយ​ជាមួយ​កីឡាករ​ព័រ​ទុយ​ហ្គា​ល់វ័យ​២៥​ឆ្នាំ​រូបនេះ អំពី​ការផ្ទេរ​មក​ទីក្រុង​ឡុង​ដ៍​។​
​ ​
​តាម​ព័ត៌មាន​ថា កាន​សេ​ឡូ ចង់បាន​ឱកាស​បង្ហាញមុខ​ច្រើនជាង​នេះ ហើយ​ចង់​ផ្ទេរ​មក​ក្លិប Spurs ស្របពេល​ក្លិប Barcelona ក៏​ចាប់អារម្មណ៍​ផងដែរ​។​
​ ​
លោក ម៉ូ​រី​ញ៉ូ ចង់​បន្ថែម​កម្លាំង​នៅ​តំបន់​ការពារ ជាពិសេស​ការពារ​ផ្នែក​ខាងស្តាំ ស្របពេល កីឡាករ សឺ​ជ អូ​រី​យ៉េ (Sere Aurier) ដែល​កំពុង​គ្រង​តំណែង​នេះ​ធ្វើ​មិនសូវ​បានល្អ​។ គេ​ជឿថា ភាគី​ទាំងពីរ​អាច​សម្រេច​កិច្ចព្រមព្រៀង​ផ្ទេរ​ក្នុងតម្លៃ​៥១​លាន​ផោន​។

​បើទោះបី​ជាមាន​ឱ​កា​សតិ​ច​តួច​ក្នុង​ក្រុម​ជម្រើស​ក៏ដោយ ក៏ កាន​សេ​ឡូ បានបង្ហាញ​មុខ ក្នុងការ​ប្រកួត​កាលពី​ថ្ងៃអាទិត្យ​សប្តាហ៍​មុន​ដែល​ស៊ី​ធី​បំបាក់​ក្រុម Aston Villa ៦-១ នៅ​ក្រប ខណ្ឌ​ព្រី​មី​ញ៉េ​លី​ក​៕ ប្រែ​សម្រួល​: ពិសិដ្ឋ​

កីឡាករ ចូ​អាវ កាន​សេ​ឡូ (Joao Cancelo)

ទីតាំងផ្សាយពាណិជ្ជកម្ម

- Advertisment -

Most Popular