Home ព័ត៌មានអន្តរជាតិ ត្រាំ​គំរាម​យ...

ត្រាំ​គំរាម​យកពន្ធ​២៥%​លើ​រថយន្ត​អង់គ្លេស បារាំង​និង​អាឡឺម៉ង់ បើ​ពួកគេ​មិន​ធ្វើ​សង្គ្រាម​ការទូត​ប្រឆាំង​អ៊ីរ៉ង់​

​រដ្ឋមន្ត្រី​ការពារជាតិ​អាឡឺម៉ង់​កាលពី​ថ្ងៃ​សុក្រ​ទី​១៧​មករា​បាន​ទម្លាយ​អោយដឹងថា ប្រធានាធិបតី​អាម៉េរិក​លោក​ដូណាល់ ត្រាំ បាន​ព្យាយាម​ទាញ​អង់គ្លេស បារាំង​​និង​អាឡឺម៉ង់ អោយ​ធ្វើ​សង្គ្រាម​ការទូត​ជាមួយ​អ៊ីរ៉ង់ ដោយ​គំរាម​យកពន្ធ​២៥​ភាគរយ​លើ​រថយន្ត​ប្រណិតៗ​របស់​ប្រទេស​អឺរ៉ុប​ទាំង​បី ។​

​ប្រធានាធិបតី​អាម៉េរិក​បាននិងកំពុង​ដាក់​សម្ពាធ​លើ​លោកនាយក​រដ្ឋមន្ត្រី​អង់គ្លេស បូរី​ស ច​ន​សុន អធិកា​ប​តី​អាឡឺម៉ង់​លោកស្រី អង់​ហ្គេ​ឡា មឺ​គែល និង​ប្រធា​​នា​ធិបតី​បារាំង​លោក​អេម​ម៉ានុយ​អែល ម៉ា​ក្រុង អោយ​ធ្វើ​ការចោទប្រកាន់​រដ្ឋាភិបាល​ក្រុងតេអេ​រ៉ង់​ជា​ផ្លូវការ​ថា​រំលោភ​កិច្ចព្រមព្រៀ​ង​នុយគ្លេអ៊ែរ​ឆ្នាំ​២០១៥​។​

​នៅ​សន្និសីទកាសែត​មួយ​នី​ក្រុង​ឡុង​ដ៍​កាលពី​ថ្ងៃ​សុក្រ រដ្ឋមន្ត្រី​ការពារជាតិ​អាឡឺម៉ង់ បានបញ្ជាក់​អះអាង​របាយការណ៍​អំពី​ការ​គំរាម​ផ្នែក​សេដ្ឋកិច្ច​និង​បាននិ​​យាយ​ថា​« ការបង្ហាញ​ឬ​ការ​គំរាម​នេះ ពិតជា​មាន​មែន​»​។​

​ពន្ធ​២៥​ភាគរយ​លើ​រថយន្ត​នឹង​ប៉ះពាល់​អាឡឺម៉ង់ ដែល​នាំ​ចេញ​រថយន្ត​ក្នុង​តំលៃ​សរុប​ប្រមាណ​២៥,៥​ពាន់​លាន​ដុល្លារ​កាត់​មហាសមុទ្រ​អា​ត្លង់​ទិច​ក្នុង​មួយឆ្នាំ​។​

​កាលពី​ថ្ងៃ​អង្គារ រដ្ឋាភិបាល​ក្រុង​ឡុង​ដ៍ ប៉ារីស​និង​ប៊ែរ​ឡាំង បានរួម​គ្នា​ប្រកាសថា​ពួកគេ​មិន​មាន​ជំរើស​ណា​ក្រៅតែពី​បង្កើត​យន្តការ​ជម្លោះ​នៃ​កិច្ចព្រមព្រៀង​​នុយគ្លេអ៊ែរ​ទល់​នឹង​អ៊ីរ៉ង់ ជា​ចំណាត់ការ​មួយ​ដែល​នឹង​ធ្វើអោយ​លោក​ត្រាំ​សប្បាយចិត្ត​។​

​ក្រសួងការបរទេស​អ៊ីរ៉ង់ បាន​ត​តប​វិញ​ដោយ​ចោទប្រកាន់​ប្រទេស​ទាំង​បី​ថា​ធ្វើតាម​សម្ពាធ​របស់​ប្រធានាធិបតី​អាម៉េរិក​៕​ប្រែ​សម្រួល​៖​វាសនា​

ប្រធានាធិបតី​អាម៉េរិក​គំរាម​អោយ​មេដឹកនាំ​អឺរ៉ុប​ទាំងបី ចោទប្រកាន់​អ៊ីរ៉ង់​ថា​រំលោភ​កិច្ចព្រមព្រៀង​នុយគ្លេអ៊ែរ​ឆ្នាំ​២០១៥

ទីតាំងផ្សាយពាណិជ្ជកម្ម

- Advertisment -

Most Popular

បុគ្គល​ម្នាក់​ដែល​ប្រឌិត​...

ដោយៈ​ស​រិ​ទ្ធ / ស្វាយរៀង​...

អភិបាល​រាជធានីៈ មហាវិថី​៣...

ដោយៈ ប​.​ខុន/ភ្នំពេញៈ ការ...

បន្ត​ជួសជុល​ផ្លូវជាតិ​និង...

ដោយ​: ភ្នំ​ស្វាយ / បន្ទាយ...

ឱក សុគន្ធ​កញ្ញា ថ្វី​ត្បិ...

​ដោយៈ​បញ្ញា​សាស្ត្រ​/​ភ្ន...