​រដ្ឋមន្ត្រីក្រសួង​អបរំ ផ្ញើ​សារ​រីករាយ ដែល​រាជរដ្ឋាភិបាល តម្លើង​ផ្កាយ ២ ដល់​កីឡាការិនី កែ ឡេង​

ដោយ​៖ រ៉ូ​ហ្សា
​ភ្នំពេញ​៖
លោក​បណ្ឌិតសភា​ចា​រ្យ ហង់ ជួន ណា​រ៉ុ​ន រដ្ឋមន្ត្រីក្រសួង​អបរំ យុវជន និង​កីឡា ផ្ញើ​សារលិខិត អបអរសាទរ វីរ​:​កីឡាការិនី ជម្រើសជាតិ​កម្ពុជា កែ ឡេង បន្ទាប់ពី​លោកស្រី ត្រូវបាន​រាជរដ្ឋាភិបាល សម្រេច​ដំឡើង ឋានន្តរស័ក្តិ ពី​ឧ​ត្ត​ម​សេនីយ៍​ត្រី ទៅជា​ឧ​ត្ត​ម​សេនីយ៍​ទោ ចំពោះ​ការខិតខំ ប្រឹងប្រែង ដណ្តើមបាន​មេដាយមាស ពិភពលោក​។​

ទិដ្ឋភាព​បំពាក់​សក្តិ​ ដល់​កីឡាការិនី ​កែ ឡេង​

​ក្នុង​សារ​របស់​រដ្ឋមន្ត្រីក្រសួង​អបរំ មាន​អត្ថន័យ​ថាៈ ” តាងនាម​ថ្នាក់ដឹកនាំ មន្ត្រីរាជការ សាស្ត្រាចារ្យ លោកគ្រូ អ្នកគ្រូ និស្សិត សិស្សានុសិស្ស កីឡាករ​-​កីឡាការិនី នៃ​ក្រសួង​អប់រំ យុវជន និង​កីឡា និង​រូបខ្ញុំ​ផ្ទាល់ ខ្ញុំ​សូម​សម្តែង​នូវ​សេចក្តីត្រេកអរ​ឥតឧបមា ចំពោះ​លោកស្រី​ឧ​ត្ត​ម​សេនីយ៍​ទោ កែ ឡេង វីរ​កីឡាការិនី ជម្រើសជាតិ​កម្ពុជា នៃ​សហព័ន្ធ​កីឡា​ប៊ូល និង ប៉េតង់​កម្ពុជា ក្នុងឱកាស​ដែល​រាជរដ្ឋាភិបាល សម្រេច​ដំឡើង​ឋានន្តរស័ក្តិ ពី​ឧ​ត្ត​ម​សេនីយ៍​ត្រី ទៅជា​ឧ​ត្ត​ម​សេនីយ៍​ទោ ចំពោះ​ការខិតខំ​ប្រឹងប្រែង ដណ្តើមបាន​មេដាយមាស ពិភពលោក ” ។​

​សារ​នោះ មាន​អត្ថន័យ​បន្តថាៈ ” ក្រសួង​អប់រំ យុវជន និង​កីឡា សូម​កត់សម្គាល់ថា ការលះបង់ ទាំង​កម្លាំងកាយ កម្លាំងចិត្ត របស់លោក​ស្រី ឧ​ត្ត​ម​សេនីយ៍​ទោ តាំងពី​ការចាប់យក​អាជីព ជា​កីឡាការិនី នៅ​ឆ្នាំ​១៩៩៨ បាន​នាំ​ជោគជ័យ យ៉ាងច្រើន​សន្ធឹកសន្ធាប់ ជូន​ជាតិ​មាតុភូមិ ដោយបាន​ដង្ហើម​មេដាយ​សំរឹទ្ធិ មេដាយប្រាក់ មេដាយមាស ពី​ការប្រកួត​កម្រិត​ជាតិ អន្តរជាតិ និង ពិភពលោក ដូចជា ការប្រកួត​ជើងឯក​អាស៊ី ការប្រកួត​កីឡា​ស៊ី​ហ្គេម និង​ការប្រកួត​កីឡា ប៉េតង់​ពិភពលោក ” ។​

” នៅក្នុង​ព្រឹត្តិការណ៍ ការប្រកួត ” កីឡា​ប៉េតង់ ជ្រើសរើស​ជើងឯក ពិភពលោក យុវជន និង​ស្ដី​លើក​ទី​១៧ ” នៅ​រាជ​ផានី​ភ្នំពេញ កីឡាការិនី​រូបនេះ បានធ្វើ​ឲ្យ​ពិភពលោក មានការ​កោតសរសើរ ជាថ្មី​ម្តងទៀត នូវ​សមត្ថភាព​ដ៏​អស្ចារ្យ របស់ខ្លួន​យ៉ាងខ្លាំង ក្នុងការ​ដណ្តើមបាន មេដាយមាស​ពិភពលោក លើក​ទី​៤ ជូន​ជាតិ​មាតុភូមិ ” ។​

ទិដ្ឋភាព​បំពាក់​សក្តិ​ ដល់​កីឡាការិនី ​កែ ឡេង​

” ការផ្តល់ជូន នូវ​ការលើកទឹកចិត្ត របស់​រាជរដ្ឋាភិបាល​កម្ពុជា ដែលមាន សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ជា​មគ្គទេសក៍​ដឹកនាំ​ដ៏​ឆ្នើម និង​ក្រសួង​អប់រំ យុវជន និង​កីឡា ជូន​ចំពោះ​លោកស្រី ឧ​ត្ត​ម​សេនីយ៍​ទោ ក៏ដូចជា ចំពោះ​កីឡាករ កីឡាការិនី គ្រូបង្វឹក ដទៃទៀត ជា​បន្តបន្ទាប់ គឺជា​សក្ខីភាព បញ្ជាក់​យ៉ាង​ជាក់ច្បាស់​ថា រាជរដ្ឋាភិបាល បាននិងកំពុង​យកចិត្តទុកដាក់ យ៉ាងខ្លាំង ចំពោះ​វិស័យ​កីឡា នៅ​កម្ពុជា ” ។​

​លោក​រដ្ឋមន្ត្រី បានបញ្ជាក់​ក្នុង​សារលិខិត​ទៀតថាៈ ” តាមរយៈ​ការដំឡើង ឋានន្តរស័ក្តិ​ជូន​លោកស្រី ឧ​ត្ត​ម​សេនីយ៍​ទោ ខ្ញុំ​សង្ឃឹម​ជឿជាក់ថា លោកស្រី ឧ​ត្ត​ម​សេនីយ៍​ទោ នឹង​ខិតខំ​បន្ត​ចូលរួមចំណែក ជាមួយ​រាជរដ្ឋាភិបាល ជាមួយ​ក្រសួង​អប់រំ យុវជន​និង​កីឡា និង​ជាពិសេស​ជាមួយ​កីឡាករ កីឡាការិនី រួម​អាជីព យក​ជោគជ័យ​ថ្មីៗ បន្ថែមទៀត ជូន​ប្រទេសជាតិ ” ៕v

ទិដ្ឋភាព​បំពាក់​សក្តិ​ ដល់​កីឡាការិនី ​កែ ឡេង​

ទីតាំងផ្សាយពាណិជ្ជកម្ម

- Advertisment -

Most Popular

សម្ដេច​ក្រឡាហោម ចេញ​បទបញ្...

​ដោយៈ ទេព មង្គល / ភ្នំពេញ...

កុមារា​អាយុ ៦​ឆ្នាំ​ម្នាក...

ដោយ​: ស​រិ​ទ្ធ / ស្វាយរៀង...

កម្លាំង​ជលផល​ខេត្តព្រះវិហ...

​ដោយ​: សៅ​វ៉ាន់ឌី / ខេត្ត...

អ្នកនាំពាក្យៈ រដ្ឋមន្ត្រី...

​ដោយៈ មុនី​រ័ត្ន / ភ្នំពេ...