Home ព័ត៌មានជាតិ សេដ្ឋកិច្ច ​សមត្ថកិច្ច​ប...

​សមត្ថកិច្ច​បង្ក្រាប​រថ​យន្ត​ដឹក​ភ្ញៀវ​វៀតណាម​មួយគ្រឿង​បន្លំ​ដឹកឈើ​

​ដោយ​:​សុខុម​/​ស្ទឹងត្រែង​:​កម្លាំង​នគរបាល​ខេត្តស្ទឹងត្រែង បង្ក្រាប​រថយន្តក្រុង​វៀតណាម​មួយគ្រឿង បង្កប់​ដឹកជញ្ជូន​ឈើ​ប្រណីត​ល្មើសច្បាប់​និង​បាន​ឃាត់ខ្លួន​មនុស្ស​៧​នាក់​បញ្ជូន​មកកាន់​ស្នងការដ្ឋាន​នគរបាល​ខេត្ត​។​ការបង្ក្រាប​នេះ​បាន​ធ្វើឡើង​នៅវេលា​ម៉ោង​៨​និង​២០​នាទី​ព្រឹក​ថ្ងៃទី​១៨​ខែមករា​ឆ្នាំ​២០២០​នៅលើ​ដងផ្លូវ​ជាតិ​លេខ​៧៨​ត្រង់​គោលដៅ​ប៉ុស្តិ៍​ត្រួតពិនិត្យ​ចរាចរ​ផ្លូវគោក​ជិត​ផ្លូវ​ចូលទៅ​ទំនប់​វា​រី​អគ្គិសនី​សេសា​ន្ត​ក្រោម​២​ស្ថិតក្នុង​ឃុំ​ភ្លុក ស្រុក​សេសា​ន​ខេត្តស្ទឹងត្រែង​។​

​សមត្ថកិច្ច​បានឱ្យដឹង​ថា​រថយន្តក្រុង​នេះ​បាន​ផ្ទុក​ឈើ​ប្រណីត​ដោយ​ដឹក​ចេញពី​ខេត្តស្ទឹងត្រែង​ឆ្ពោះទៅកាន់​ខេត្តរតនគិរី​ក្នុង​បំណង​នាំ​ឆ្លងដែន​ចូលទៅ​ប្រទេស​វៀតណាម​តាម​ច្រកទ្វារ​អន្តរជាតិ​អូរ​យ៉ា​ដាវ​ស្ថិត​ក្នុងស្រុក​អូ​រយ៉ា​ដាវ​ខេត្តរតនគិរី​។​សមត្ថកិច្ច​បន្តថា​ដោយមាន​ការសង្ស័យ​ក៏បាន​ឃាត់​រថយន្តក្រុង​នេះ​ត្រួតពិនិត្យ​ហើយ​បាន​រកឃើញ​មាន​ផ្ទុក​សុទ្ធតែ​ឈើ​ប្រណីត​។​នៅក្នុង​ពេលនោះ​ក៏បាន​ឃាត់​ជនជាតិ​វៀតណាម​ចំនួន​៧​នាក់​ផងដែរ​។​

​រថយន្តក្រុង​ដឹកឈើ​ល្មើសច្បាប់​និង​ជនសង្ស័យ​៧​នាក់​ត្រូវបាន​បញ្ជូនមក​កាន់កា​រិ​យា​ល័យ​នគរបាល​ប្រឆាំង​បទល្មើស​នៃ​ស្នងការដ្ឋាន​នគរបាល​ខេត្តស្ទឹងត្រែង​ដើម្បី​ចាត់ការ​ជា​បន្ត​តាមច្បាប់​។​ក្រោយពី​បង្ក្រាប​រថយន្ត​ដឹកឈើ​ល្មើសច្បាប់​នេះ​សមត្ថកិច្ច​មិនបាន​ទម្លាយ​អត្តសញ្ញាណ​មេ​ឈ្មួញ​រស់នៅ​ខេត្តស្ទឹងត្រែង​ទេ​។​គេ​សង្ស័យថា​ស្ត្រី​វៀតណាម​ដែល​បើក​សិប្បកម្ម​ធំៗ​នៅក្នុង​ខេត្ត​គឺជា​អ្នកពាក់ព័ន្ធ​ជាមួយ​រថយន្តក្រុង​ដឹក​ភ្ញៀវ​វៀតណាម​បន្លំ​ដឹកឈើ​ជា​យូរណាស់​មកហើយ​៕S/​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរង​រាជធានី ស្នើឱ្យ​...

​ដោយៈ កញ្ញា​រស្មី/ភ្នំពេញ...

បញ្ជូន​បុរស​ម្នាក់ ដែល​លួ...

ដោយៈ ស​រិ​ទ្ធ​/ភ្នំពេញៈ ប...

ម៉ូតូ​បុក​ម៉ូតូ បណ្តាលអោយ...

ដោយៈ ស​រិ​ទ្ធ/ស្វាយរៀងៈ ម...

យាន​អវកាស Chang’e-5...

​ប្រែ​សម្រួល : កញ្ញា​ដា​ល...