Home ព័ត៌មានជាតិ សង្គម អនុសាខា​កាកបា...

អនុសាខា​កាកបាទក្រហម​ខេត្តព្រះវិហារ​នាំយក​អំណោយ​ចែកជូន​រងគ្រោះ​និង​ជន​ខ្វះខាត​

ដោយ​៖​សៅ​វ៉ាន់ឌី​/​ព្រះវិហារ​៖​ថ្នាក់ដឹកនាំ​អនុសាខា​កាកបាទក្រហមកម្ពុជា​ខេត្តព្រះវិហារ​រយៈពេល​ពី​ថ្ងៃ​បាន​នាំយក​អំណោយ​ចែកជូន​រងគ្រោះ​,​ជន​ខ្វះខាត​នៅ​កន្លែង​ផ្សេងគ្នា​ក្នុង​ខេត្តព្រះវិហារ​។​ទី​១​កាលពី​រសៀល​ថ្ងៃទី​១៧​ខែមករា​ឆ្នាំ​២០២០​លោក​គឹម​វិចិត្រ​ប្រធាន​គណៈកម្មាធិការ​អនុសាខា​កាកបាទក្រហមកម្ពុជា​ស្រុក​សង្គម​ថ្មី​។​

លោក​បាន​នាំយក​អំណោយ​មនុស្សធម៌​ទៅ​ផ្តល់ជូន​គ្រួសារ​រងគ្រោះ​ដោយសារ​ភ្លើង​ឆេះ​ផ្ទះ​ចំនួន ១​គ្រួសារ​រស់នៅ​ភូមិ​សំឡាញ​ឃុំ​ត្បែង​មួយ​ស្រុក​សង្គម​ថ្មី​ខេត្តព្រះវិហារ​។​សម្ភារ​ផ្តល់ជូន​រួមមាន​៖​អង្ករ​,​មី​ត្រីខ​,​ទឹកស៊ីអ៊ីវ​,​តង់​,​សារុង​,​មុង​,​ភួយ​,​ក្រមា​,​និង​ថវិកា​សប្បុរសជន​រួមមាន​៖​រដ្ឋបាល​ឃុំ​ភ្នំ​ត្បែង​មួយ ១០០.០០០ រៀល លោក ស្រី សោម សា​វិ​ន ២០.០០០ រៀល​។​

​ទី​២,​កាលពី​ព្រឹក​ថ្ងៃទី​១៨​ខែមករា​ឆ្នាំ​២០២០​លោក​ហែម​ថុ​ន​ប្រធាន​គណៈកម្មាធិការ​អនុសាខា​កាកបាទក្រហមកម្ពុជា​ស្រុក​ជាំ​ក្សាន្ត​និង​ក្រុមការងារ​បាន​នាំយក​អំណោយ​មនុស្សធម៌​ទៅ​ផ្តល់ជូន​ឈ្មោះ​ជិន​អិ​ច​អាយុ​៤៧​ឆ្នាំ​កំពុង​សម្រាក​ព្យាបាល​ជំងឺ​មាន​ជីវភាព​ខ្វះខាត​។​
​មាន​សមាជិកគ្រួសារ​ក្នុងបន្ទុក​ចំនួន​៦​នាក់​រស់នៅ​ភូមិ​ឈើទាល​គង​ឃុំ​ជាំ​ក្សាន្ត​ស្រុក​ជាំ​ក្សាន្ត​ខេត្តព្រះវិហារ​។​សម្ភារ​ផ្តល់ជូន​រួមមាន​៖​អង្ករ​,​ទឹកស៊ីអ៊ីវ​,​ត្រីខ​,​ក្រមា​,​សារុង​,​ភួយ​,​មុង​,​អាវយឺត​,​និង​ថវិកា​មួយចំនួន​៕S/​

ទីតាំងផ្សាយពាណិជ្ជកម្ម

- Advertisment -

Most Popular