Home ព័ត៌មានអន្តរជាតិ អ៊ីរ៉ង់​នឹង​ប...

អ៊ីរ៉ង់​នឹង​ប្រគល់​ប្រអប់​ខ្មៅ​របស់​យន្តហោះ​ដែល​ធ្លាក់​ទៅ​អ៊ុ​យក្រែន​

​ទីភ្នាក់ងារ​សារព័ត៌មាន​Tasnim របស់​អ៊ីរ៉ង់​បាន​រាយការណ៍​ថា ប្រអប់​ខ្មៅ​របស់​យន្តហោះ​អ៊ុយ​ក្រែន​ដែល យោធា​អ៊ីរ៉ង់​បាន​បាញ់​ទម្លាក់​ដោយ​ចៃដន្យ​នៅ​ខែ​នេះ​​នោះ នឹង​ត្រូវ​ប្រគល់​ទៅអោយ​អ៊ុ​យក្រែន​។​

ប្រអប់ខ្មៅត្រូវអាជ្ញាធរអ៊ីរ៉ង់រកឃើញភ្លាមក្រោយការធ្លាក់យន្តហោះកាលពីថ្ងៃ០៨មករា

អាជ្ញាធរ​អ៊ីរ៉ង់​ក៏​កំពុង​ត្រៀម​អ្នកជំនាញ​មក​ពី​បារាំង កាណាដា និង​សហរដ្ឋ​អាម៉េរិក សំរាប់ធ្វើ​ការត្រួតពិនិត្យ​ទិន្នន័យ​ចេញពី​ប្រអប់​ថត​ទិន្នន័យ​ហោះហើរ​នេះ​ផង​​ដែរ​។​

​សូម​រំលឹក​ថា​មនុស្ស​ទាំង​១៧៦​នាក់​នៅក្នុង​យន្តហោះ​នៃ​ក្រុមហ៊ុន​អាកាសចរណ៍​អ៊ុយ​ក្រែន​ដែល​ត្រូវបាន​បាញ់ទម្លាក់​កាលពី​ថ្ងៃ​០៨​មករា​បាន​ស្លាប់​ទាំងអស់​ក្រោយ​​ពី​វា​ចេញពី​ទី​ក្រុងតេអេ​រ៉ង់​ឆ្ពោះទៅ​កាន់​ទីក្រុង​កៀ​វ ប្រទេស​អ៊ុ​យក្រែន​។​ដោយសារ​ជនរងគ្រោះ​៥៧​នាក់​ជា​ជនជាតិ​កាណាដា នាយករដ្ឋមន្ត្រី​កាណាដា ទាមទារ​​អោយ​ធ្វើ​ការស៊ើបអង្កេត​ពេញលេញ​និង​សុំ​អោយ​អ៊ីរ៉ង់​ប្រគល់​ប្រអប់​ខ្មៅ​ទៅ​បារាំង​ដើម្បី​វិភាគ​។​

​តែ​នាយក​ស៊ើបអង្កេត​គ្រោះថ្នាក់​នៅ​អង្គការ​អាកាសចរណ៍​ស៊ីវិល​អ៊ីរ៉ង់ ត្រូវបាន​ទីភ្នាក់ងារសារព័ត៌មាន​Tasnim​ស្រង់​សម្តី​ដែល​បាន​និយាយថា «​ដោយ​ប្រើ​ជំនាញ​​មកពី​ប្រទេស​បារាំង កាណាដា និង​អាម៉េរិក យើង​នឹង​ព្យាយាម​អាន​ទិន្នន័យ​ការហោះហើរ​របស់​យន្តហោះ​ដែល​ធ្លាក់​នៅ​ទីក្រុង​កៀវ​។​បើ​មិន​បាន​សំរេច ប្រអប់​ខ្មៅ​​នេះ​នឹង​ត្រូវ​បញ្ជូន​ទៅ​បារាំង​។​តែ​ច្បាស់​ណាស់ ប្រអប់​ខ្មៅ​នេះ​នឹង​មិន​ត្រូវ​បើក​ពិនិត្យ​នៅ​អ៊ីរ៉ង់​ទេ​»​។​

​សូមបញ្ជាក់​ថា អ៊ីរ៉ង់ កាន់តែ​ប្រឈម​វិបត្តិ​ជ្រៅ​ឡើង​ទាំង​នៅ​បរទេស​និង​ក្នុងស្រុក​ដោយសារតែ​ឧបទ្ទវហេតុ​ធ្លាក់​យន្តហោះ​នេះ​ក្រោយ​ពី​អាជ្ញាធរ​ពន្យារពេល​ជា​​ច្រើន​ថ្ងៃ​ទើប​ប្រកាសថា​វា​ត្រូវ​យោធា​របស់​ខ្លួន​បាញ់​ធ្លាក់​ដោយ​ច្រឡំ​ចំ​ពេល​យោធា​អ៊ីរ៉ង់​ស្ថិតក្នុង​ភាព​ប្រុង​ជើងការ​ខ្ពស់បំផុត​ក្រោយ​ពី​ខ្លួន​បាន​បាញ់​កាំជ្រួច​លើ​​កងកម្លាំង​អាម៉េរិក​នៅ​អ៊ីរ៉ាក់​ជាការ​សងសឹក​ការ​ដែល​ឧត្តមសេនីយ៍​អ៊ីរ៉ង់​កំពូល​ម្នាក់​ត្រូវ​ដ្រូ​ន​អាម៉េរិក​សម្លាប់​៕​ប្រែ​សម្រួល​៖​វាសនា​

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...