Home កីឡា ក្លិប​អ៊ី​ន​ធ...

ក្លិប​អ៊ី​ន​ធ័​រ មី​លេន ជិត​សម្រេច​កិច្ចព្រមព្រៀង​ខ្ចី​ជើង​ខ្សែបម្រើ​ស្លាប វី​ច​ទ័​រ ម៉ូ​សេស របស់​ឆេ​ល​ស៊ី​

​ក្លិប​អ៊ី​ន​ធ័​រ មី​លេន​( Inter Milan) ជិត​សម្រេច​កិច្ចព្រមព្រៀង​ផ្ទេរ​ខ្សែបម្រើ​ស្លាប វី​ច​ទ័​រ ម៉ូ​សេស (Victor Moses) បន្ទាប់ពី​គ្រូបង្វឹក អែន​តូ​នី​ញ៉ូ កុន​តេ (Antonio Conte) បានដាក់​សំណើរ​ច្បាស់ លាស់ ដើម្បី​ផ្ទេរ​កីឡាករ​សញ្ជាតិ​នី​ហ្សេ​រី​យ៉ា​រូបនេះ​។​
​ ​
ម៉ូ​សេ វ័យ​២៩​ឆ្នាំ ធ្លាប់​លេង​នៅក្រោម​ការដឹកនាំ​របស់​លោក កុន​តេ នៅពេល​គ្រូបង្វឹក​អ៊ីតាលី រូបនេះ​ដឹកនាំ​ក្លិប​ឆេ​ល​ស៊ី ហើយ​បានបង្ហាញ​ទស្សន​វិជ្ជមាន​របស់ខ្លួន​រួចហើយ​ជុំវិញ​លទ្ធភាព ផ្ទេរ​និង​ចង់​ផ្ទេរ​មកលេង​នៅ​ក្លិប Inter Milan ភ្លាមៗ​ផងដែរ​។​
​ ​
ក្លិប ហ្វេ​នឺ​បា​(Fenerbahce )​គឺជា​ក្លិប​កីឡាករ​នី​ហ្សេ​រី​យ៉ា​រូបនេះ​លេង​ក្នុង​កិច្ចសន្យាខ្ចី​ជើង ហើយ​នឹងមិន​រារាំង​ការចាកចេញ​ទៅ​អ៊ីតាលី​នោះទេ​។​
​ ​
ខ្សែបម្រើ​ស្លាប​រូបនេះ​នឹង​វិលត្រឡប់​ទៅ​ឆេ​ល​ស៊ី​វិញ ដើម្បី​រៀបចំ​លេង​ខ្ចី​ជើង​ភ្លាមៗ ជាមួយ ក្លិប Inter Milan រហូតដល់​ខែមិថុនា​ដោយ​ឥត​តម្លៃ​ផ្ទេរ​។​
​ ​
ក្លិប Inter Milan បានបញ្ជាក់​ច្បាស់​ហើយ​ថា ខ្លួន​នឹងមិន​ចុះ​កិច្ចព្រមព្រៀង​ផ្ទេរ ម៉ូ​សេស នៅ​ខែ នេះ​ទេ ប៉ុន្តែ​នឹង​ពិនិត្យមើល​ស្ថានភាព​នៅ​រដូវក្តៅ ប្រសិនបើ​កីឡាករ​រូបនេះ​អាច​សម្រប​ខ្លួន ទៅនឹង​ទម្រង់​លេង ៣-៥-២​។​
​ ​
ក្លិប Inter Milan អាច​នឹង​ចំណាយ​៨,៥​លាន​ផោន ប្រសិនបើ​ពួកគេ​ចង់​ទទួលបាន​កីឡាករ រូបនេះ​ក្នុង​កិច្ចសន្យា​អចិន្ត្រៃយ៍​នៅ​ខែមិថុនា​។​
​ ​
​គ្រូបង្វឹក​អ៊ីតាលី​រូបនេះ​ស្គាល់ ម៉ូ​សេស ច្បាស់ ហើយ​លោក កុន​តេ ចាប់អារម្មណ៍​ខ្លាំង​កាល ពី​រដូវ​កាល​ឆ្នាំ​២០១៦​និង​ឆ្នាំ​២០១៧ ដែល​ពេលនោះ ម៉ូ​សេស​មានឱកាស​បង្ហាញមុខ ជាប្រចាំ​៕ ប្រែ​សម្រួល​: ពិសិដ្ឋ​

ខ្សែបម្រើ​ស្លាប វី​ច​ទ័​រ ម៉ូ​សេស (Victor Moses)

ទីតាំងផ្សាយពាណិជ្ជកម្ម

- Advertisment -

Most Popular