Home ព័ត៌មានជាតិ សេដ្ឋកិច្ច អ្នកជំនាញ​ចិន...

អ្នកជំនាញ​ចិន​៖​កម្មករ​ជំនាញ​លើ​វិស័យ​សំណង់​នៅ​កម្ពុជា​នៅមាន​ការខ្វះខាត​

ដោយ​: ដេប៉ូ / ភ្នំពេញ​: អ្នកជំនាញ​លើ​វិស័យ​សំណង់​មកពី​ប្រទេស​ចិន បាន​លើកឡើងថា នាពេល​បច្ចុប្បន្ននេះ​បើ​គេ​ក្រឡេកមើល​លើ​ទីផ្សារ​កម្មករ​ជំនាញ​លើ​វិស័យ​សំណង់​នៅ​កម្ពុជា​ឃើញថា នៅមាន​កង្វះខាត​នៅឡើយ​។ ព្រមជាមួយ​គ្នា​អ្នកជំនាញ​ជនជាតិ​ចិន ក៏​ចង់ឱ្យ​កម្មករ​ផ្នែក​សំណង់​នៅ​កម្ពុជា បាន​សិក្សា​លើ​មុខជំនាញ​នេះ នៅ​ប្រទេស​ចិន​ដើម្បី​មាន​សមត្ថភាព​ច្បាស់លាស់​ផងដែរ​។​

​ការលើកឡើង​បែបនេះ ធ្វើឡើង​ដោយ​លោក ឈិន តៃ​អាន អគ្គនាយក​ក្រុមហ៊ុន យ៉ុ​ន​ណាន សេង​ម៉ៅ អ៊ិន​វ៉េ​ស​មែន និង​ជា​ម្ចាស់​គម្រោង​អគា​ពាណិជ្ជកម្ម TCC ដែល​បាន​ជោគជ័យ​លើ​គម្រោង​ទីផ្សារ និង​បច្ចុប្បន្ន​កំពុងដំណើរកា​រលក់ និង​សាងសង់​ខុន​ដូ​ប្រណិត​កម្ពស់​២០​ជាន់ សម្រេចបាន​៨០​ភាគរយ​នាទី​ក្រុងភ្នំពេញ​រួចមក​នោះ​។​

​បញ្ជាក់ប្រាប់​បណ្តាញ​អ្នកសារព័ត៌មាន​ក្នុង​ពិធី​ប្រកាស​លក់​ខន​ដូ ដែលជា​គម្រោង​អគា​ពាណិជ្ជកម្ម TCC នេះ លោក ឈិន តៃ​អាន បានឱ្យដឹងថា ”​បើ​គេ​ក្រឡេកមើល​លើ​ទីផ្សារ​កម្មករ​ជំនាញ​លើ​វិស័យ​សំណង់​នៅ​កម្ពុជា នៅមានកម្រិត​នៅឡើយ​។ ហេតុនេះ ខ្ញុំ​ចង់ឱ្យ​កម្មករ​លើ​វិស័យ​សំណង់​នៅ​កម្ពុជា គួរ​ទៅ​រៀន​ផ្នែក​ជំនាញ​នេះ នៅ​ប្រទេស​ចិន​ពីព្រោះថា​ប្រទេស​ចិន​បានទទួល​កេរ្តិ៍ឈ្មោះ​ជា​អ្នកមាន​ជំនាញ​លំដាប់​លេខ​១​លើ​ពិភពលោក​។ នៅពេល​ពួកគាត់​បានទទួល​ចំណេះវិជ្ជា​នេះ អាច​យកមកអនុវត្ត​ការងារ​លើ​វិស័យ​សំណង់ ឬ​ការសាង់សង់​ផ្លូវ ស្ពាន​ជាដើម ដើម្បី​ពង្រឹងសមត្ថភាព​ធ្វើយ៉ាងណា​ឱ្យ​វិស័យ​សំណង់​នៅ​កម្ពុជា​កាន់តែ​មានគុណ​ភាព​បន្ថែមទៀត​”​។​

​ដោយឡែក​ទាក់ទិន​ទៅនឹង​គម្រោង​សាងសង់​ខុន​ដូ​ប្រណិត​នៅ​កម្ពុជា​នេះដែរ​គឺ លោក​ចង់​ចូលរួមចំណែក​ធ្វើឱ្យ​ប្រជាជន​កម្ពុ​ជាមាន​លំនៅឋាន​សមរម្យ​គុណភាព ជាពិសេស​នៅ​តំបន់​អាគា​ពាណិជ្ជកម្ម​ប្រមូលផ្ដុំ​ដោយសារ​ការទិញ​ទំនិញ ការកម្សាន្ត និង​គ្រឹះស្ថាន​អប់រំ បណ្ដុះបណ្ដាល​ជំនាញ​វិជ្ជាជីវៈ និង​មន្ទីរពេទ្យ​លំដាប់​អន្តរជាតិ​ផងដែរ​។​

​ទាក់ទិន​ទៅនឹង​រឿងនេះ លោក សាន ភា​រិ​ន អគ្គនាយក​ក្រុមហ៊ុន ជឹ​ង​ខៃ​ទឺ​រ ដែលជា​ភ្នាក់ងារ​លក់​អចលនៈទ្រព្យ​មួយ​នៅ​កម្ពុជា បានបង្ហាញ​នូវ​ក្ដី​រំពឹង​ខ្ពស់ ចំពោះ​ភាពជោគជ័យ​នៃ​ដំណើរ​ការលក់​គម្រោង​ខុន​ដូ​ប្រណិត​ខាងលើ ព្រោះ​លក្ខណៈ​តម្លៃ​សមរម្យ សមស្រប​តាម​ជីវភាព​ប្រជាជន​កម្ពុជា​។​

​គួរ​បញ្ជាក់ថា គម្រោង​អាគារ​ណិ​ជ្ជ​កម្ម TCC និង​អាគារ​ខុន​ដូ​ប្រណិត ត្រូវបាន​សាងសង់​លើ​ផ្ទៃដី​១០​ហិកតា នៅលើ​ទីតាំង​ឃ្លាំង​កំពង់ផែ​ស្វ័​យ័​ត្ត​ក្រុងភ្នំពេញ នៅក្បែរ​ស្ពានដែក​បា​ឡេ ខណ្ឌឫស្សីកែវ រាជធានី​ភ្នំពេញ ដោយមាន​ទុនវិនិយោគ​ប្រមាណ​១០០០​លាន​ដុល្លារ​អាមេរិក​។ ក្រៅពី​សាងសង់​អគារ​ខន់​ដូ​នេះ ក្រុមហ៊ុន​មួយ​នេះ​ក៏បាន​ចូលរួមចំណែក​បន្ថែមទៀត​ដល់​វិស័យ​អប់រំ​នៅ​កម្ពុជា តាមរយៈ​ការផ្ដល់​អាហារ​រូបករណ៍​ដល់​និស្សិត​ខ្មែរ​មាន​សមត្ថភាព​ជិត​២០​នាក់ ទៅ​បន្ត​ការសិក្សា​នៅ​ប្រទេស​ចិន​លើ​ជំនាញ​សាងសង់ និង​ជំនាញ​សំខាន់ៗ​មួយចំនួនទៀត ដើម្បីអោយ​ពួកគេ​យកចំណេះ​ដឹង​មក​ចូលរួម​អភិវឌ្ឍន៍​ប្រទេស​វិញ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

រុស្ស៊ី​នឹង​លក់​វ៉ាក់សាំង...

​ប្រែ​សម្រួល : កញ្ញា​ដា​ល...

ដាក់​ផែនការ​ការពារ​សន្តិស...

​ដោយៈ​រ៉ា​ម៉ន​/​ភ្នំពេញៈ​...

ព្រឹក​ថ្ងៃទី​២៥ វិច្ឆិកា​...

​ដោយៈ​ស​រិ​ទ្ធ​/​ភ្នំពេញៈ...

ពិនិត្យ​ការធ្វើ​ស្រែ​ឡើងវ...

​ដោយ​:​កាំ​ពី​/​ក្រចេះ​: ...