Home ព័ត៌មានអន្តរជាតិ មេដឹកនាំ​ហុងក...

មេដឹកនាំ​ហុងកុង​បដិសេធ​ការទាមទារ​របស់​ក្រុមអ្នកតវ៉ា​នៅពេល​អំពើ​ហិង្សា​នៅ​តែ​កើតមាន​

​រដ្ឋាភិបាល​របស់​មេដឹកនាំ​ក្រុង​ហុងកុង លោកស្រី​ការី ឡាំ បាន​បដិសេធ​ជាថ្មី​នូវ​ការទាមទារ​ធំៗ​របស់​ក្រុមអ្នកតវ៉ា​នៅពេល​ដែល​ការប្រមូលផ្តុំ​គ្នា​នៅ​ទីប្រជុំ​​ជន​ក្រុង​នេះ បាន​ក្លាយ​ជា​អំពើ​ហិង្សា​ជា​ថ្មី​ដែល​បង្ហាញ​ពី​ភាពចលាចល​ដែល​បាន​ចាប់ផ្តើម​កាលពី​ខែ​មិថុនា​នៅ​តែ​គ្មាន​ទីបញ្ចប់​។​

​នៅក្នុង​សេចក្តីថ្លែងការណ៍​មួយ​កាលពី​ថ្ងៃអាទិត្យ​ទី​១៩​ខែ​មករា អ្នកនាំពាក្យ​រដ្ឋាភិបាល​បាន​រំលឹក​ឡើងវិញ​នូវ​ការប៉ុនប៉ង​ដែល​បរាជ័យ​ក្នុង​ការអនុវត្ត​សិទ្ធី​បោះ​​ឆ្នោត​សកល​ចាប់តាំងពី​ប្រទេស​ចិន​បាន​គ្រប់គ្រង​ទឹកដី​អតីត​អាណានិគម​អង់គ្លេស​កាល​ឆ្នាំ ១៩៩៧​។

​ខ្លួន​បាន​និយាយ​ថា​ប្រជាជន​ហុងកុង​ត្រូវ​យល់​ដឹង​ច្បាស់​ថា នាយក​ប្រតិបត្តិ​ណា​ម្នាក់​ដែល​បោះឆ្នោត​ជ្រើសរើស​ដោយ​ពលរដ្ឋ​ទាំង​អស់ ក៏​ត្រូវ​ទទួលខុសត្រូវ​ចំ​​ពោះ​រដ្ឋាភិបាល​ក្រុង​ប៉េកាំង​ដែរ​។​

​អ្នក​នាំ​ពាក្យ​នេះ បាន​និយាយថា ” នេះ​ជា​បទបញ្ជា​រដ្ឋធម្មនុញ្ញ​នៅក្រោម​គោលការណ៍​«​ប្រទេស​មួយ ប្រព័ន្ធគ្រប់គ្រង​២»​ដែល​មិន​គួរ​ត្រូវបាន​គេ​ព្រងើយកន្តើយ​។​ សហគមន៍​នេះ​ត្រូវ​មូលមតិ​គ្នា​លើ​គោលការណ៍​ទាំងនេះ​ហើយ​ផែ្ន​កលើ​មូលដ្ឋាន​ច្បាប់​ដើម្បី​បំបាត់​ការខ្វែងគំនិត​គ្នា​តាមរយៈ​ការសន្ទនា​នៅក្រោម​បរិយាកាស​​សន្តិភាព​និង​ការជឿ​ទុកចិត្ត​គ្នា​ទៅវិញទៅមក​”​។​

​សេចក្តីថ្លែងការណ៍​បាន​បន្ថែមថា ការពិភាក្សា​ប្រកបដោយ​ន័យ​ស្ថាបនា​លើ​បញ្ហា​នៃ​ការអភិវឌ្ឍ​រដ្ឋធម្មនុញ្ញ​នឹង​ពិបាក​នឹង​ចាប់ផ្តើម ប្រសិនបើ​បញ្ហា​ដែល​បាន​​លើកឡើង​ខាងលើ​មិន​អាច​សម្រេច​បាន​ការព្រម​ព្រៀង​គ្នា​នោះ​”​។​

​សេចក្តីថ្លែងការណ៍​ដែល​ធ្វើតាម​ជំហរ​ដដែល​របស់​រដ្ឋាភិបាល​ក្រុង​ប៉េកាំង​បានបង្ហាញ​ថា​រដ្ឋាភិបាល​របស់​លោកស្រី​ការី ឡាំ នៅតែ​មិន​អោយ​តំលៃ​លើ​ការ​ទាម​ទារ​ជាធំៗ​របស់​ក្រុមអ្នកតវ៉ា​។​

​បាតុកម្ម​កាលពី​ថ្ងៃអាទិត្យ​បាន​ចាប់ផ្តើម​ដោយ​សន្តិវិធី​នៅ​សួន​ឆា​ធឺ​នៅ​សង្កាត់​ពាណិជ្ជកម្ម​នៃ​ទីក្រុង​នេះ​ដោយ​មាន​ការ​ថ្លែង​សុន្ទរកថា​និង​ការប្រគំ​តន្ត្រី​នៅ​អំឡុងពេល​ធ្វើ​បាតុកម្ម​ដែលមាន​មនុស្ស​រាប់ពាន់​នាក់​។ ប៉ុន្តែ​ប៉ូលិស​បាន​បញ្ជា​ឱ្យ​បញ្ចប់​បាតុកម្ម​ដោយ​អ្នក​តវ៉ា​បាន​ចាប់ផ្តើម​រាលដាល​ចេញពី​កន្លែង​ប្រមូលផ្តុំ​គ្នា​​ដែល​ត្រូវបាន​អនុញ្ញាត​។​

​ប៉ូលិស​បាន​ប៉ះទង្គិច​ជាមួយ​ក្រុម​បាតុករ ហើយ​បាន​ចាប់ខ្លួន​អ្នក​តវ៉ា​មួយចំនួន​ដែល​បាន​បិទផ្លូវ​និង​បាន​ដុត​បំផ្លាញរ​បាំង​ផ្លូវ​។ ប៉ូលិស​បាន​បាញ់​ឧស្ម័ន​ បង្ហូរទឹកភ្នែក​ដើម្បី​បំបែក​ហ្វូង​មនុស្ស​តវ៉ា​៕​ប្រែ​សម្រួល​៖​សុខា​/sn

ប៉ូលិស​បាន​បាញ់​ឧស្ម័ន បង្ហូរទឹកភ្នែក​ដើម្បី​បំបែក​ហ្វូង​មនុស្ស​តវ៉ា​

ទីតាំងផ្សាយពាណិជ្ជកម្ម

- Advertisment -

Most Popular

អ្នករងគ្រោះ​ពុល​ស្រា ត្រូ...

​ដោយៈ ទេ​ពក​ង្រី / កំពង់ឆ...

សម្តេច​តេ​ជោ​ប្រាប់​ពលរដ្...

ដោយៈ​តារា​រិ​ទ្ធ​/​ភ្នំពេ...

តើ​អ្វី​ទៅជា​ទិវា​ពិភពលោក...

ដោយៈ ជា​សីហៈ​/​ភ្នំពេញៈ ថ...

តុលាការ​ឃុំខ្លួន អ្នកម៉ៅក...

ដោយៈ ស​រិ​ទ្ធ / ភ្នំពេញៈ ...