Home ព័ត៌មានអន្តរជាតិ ជនជាតិ​ឥណ្ឌូន...

ជនជាតិ​ឥណ្ឌូនេស៊ី​៥ នាក់​ត្រូវបាន​ចាប់ពង្រត់​ដោយ​ក្រុម​សកម្មប្រយុទ្ធ​អា​ប៊ូ​សាយ​យ៉ា​ហ្វ​

​កងទ័ព​ហ្វីលីពីន​កាលពី​ថ្ងៃអាទិត្យ​ទី​១៩​មករា​បាន​និយាយថា​ខ្លួន​បានធ្វើ​ប្រតិបត្តិការ​ជួយសង្គ្រោះ​អ្នកនេសាទ​ឥណ្ឌូនេស៊ី​៥ នាក់​ដែល​ត្រូវបាន​ចាប់ពង្រត់​​ដោយ​ពួក​ក្រុម​សកម្មប្រយុទ្ធ​អា​ប៊ូ​សាយ​យ៉ា​ហ្វដែល​មាន​ទំនាក់ទំនង​នឹងក្រុ​មរដ្ឋ​អ៊ីស្លាម​នៅក្នុង​ដែនទឹក​នៃ​ប្រទេស​ម៉ាឡេស៊ី កាលពី​សប្តាហ៍​មុន​។​

​ឧត្តមសេនីយ៍​ស៊ីរី​លីតូ សូបេ​ចាណា បាន​និយាយថា ជនជាតិ​ឥណ្ឌូនេស៊ី​៨​នាក់ ត្រូវបាន​ចាប់ពង្រត់​នៅ​រដ្ឋ​សា​បា ប្រទេស​ម៉ាឡេស៊ី កាលពី​ថ្ងៃ​ព្រហស្បតិ៍ ប៉ុន្តែ​មនុស្ស​៣​នាក់ ត្រូវបាន​ដោះលែង​។ មនុស្ស​៥​នាក់​ដែល​នៅសល់​នោះ ទំនងជា​ត្រូវបាន​នាំ​ខ្លួន​ដោយ​ក្រុម​អ្នក​ចាប់ពង្រត់​នេះ ទៅកាន់​ខេត្ត​ស៊ូ​លូ នៅ​ភាគខាងត្បូង​នៃ​​ប្រទេស​ហ្វីលីពីន​។

​ខេត្ត​ស៊ូ​លូ ជា​តំបន់​រឹងមាំ​របស់ ក្រុម​អា​ប៊ូ​សាយ​យ៉ា​ហ្វ​។​

​លោក ស៊ី​រី​លី​តូ សូបេ​ចាណាបាន​ដឹង​ការចាប់​ពង្រត់​នេះ គឺ​មួយ​ថ្ងៃ​បន្ទាប់​ពី​ទាហាន​បាន​ប៉ះទង្គិច​ជាមួយ​សមាជិក​នៃ​ក្រុម​អា​ប៊ូ​សាយ​យ៉ា​ហ្វ នៅ​កោះ​មួយ នៅ​​ខេត្ត​ស៊ូ​លូ ដោយ​បាន​សម្លាប់​ជន​សកម្មប្រយុទ្ធ​ម្នាក់​និង​បំផ្លាញ​ទូក​មួយ​ដែល​គេ​ជឿ​ថា​បាន​ប្រើ​ក្នុងការ​ចាប់ពង្រត់​នេះ​។​

​ក្រុម​អាជ្ញាធរ​ម៉ាឡេស៊ី​និង​ឥណ្ឌូនេស៊ី​បាន​សហការ​ជាមួយ​កងទ័ព​ហ្វីលីពីន​បន្ទាប់ពី​ការចាប់​ពង្រត់​នេះ​៕​ប្រែ​សម្រួល​៖​សុខា​/sn

ពួក​សកម្មប្រយុទ្ធ​អា​ប៊ូ​សាយ​យ៉ា​ហ្វ ល្បី​ខាង​ចាប់ជំរិត​មនុស្ស​ជា​យូរ​ឆ្នាំ​មក​ហើយ​ដើម្បី​ការតស៊ូ​របស់​គេ​

ទីតាំងផ្សាយពាណិជ្ជកម្ម

- Advertisment -

Most Popular

EL : Arsenal, Leicester គ...

ប្រែ​សម្រួល : កញ្ញា​ដា​លី...

រថយន្ត​ចេញពីផ្ទះ​សំណាក់ ស...

ដោយៈ ស​រិ​ទ្ធ/ភ្នំពេញៈ រថ...

លួចបាន​ភ្លាម បម្រុង​ដឹក​ច...

​ដោយៈ វណ្ណៈ/ព្រះសីហនុៈ លោ...

ប្រធាន​មជ្ឈមណ្ឌល​គ្រប់គ្រ...

​ប្រែ​សម្រួលៈ​វាសនា​/​ញូវ...