ក្រសួង​អប់រំ​ចេញ​សេចក្តីណែនាំ​ដល់​គ្រឹះស្ថានសិក្សា​បង្ការ​អំពើហិង្សា​ក្នុង​រង្វង់​សិស្សសាលា​

ដោយៈ មុនី​រ័ត្ន​/​ភ្នំពេញៈ​ក្រសួង​អប់រំ យុវជន និង​កីឡា បាន​ប្រញាប់​ចេញ​សេចក្ដីណែនាំ​ដល់​គ្រឹះស្ថានសិក្សា​សាធារណៈ និង​ឯកជន ក្រោយ​អំពើហិង្សា​រវាង​សិស្សសាលា​បង្ហោះ​តាម​បណ្តាញ​សង្គម​កន្លងមកនេះ បាន​បង្ក​ការភ្ញាក់ផ្អើល​ជា​សាធារណៈ​។
​មាន​ករណី​បី​ធំៗ​ចុងក្រោយ​នេះ ដែល​បណ្តាញសារព័ត៌មាន​អេឡិចត្រូនិក​,​សារព័ត៌មាន​បោះពុម្ព​និង​បណ្តាញ​សង្គម​បាន​បង្ហោះ​នៅ​ខែធ្នូ និង​ខែមករា​នូវ​អំពើហិង្សា​សិស្ស​វាយ​លើ​អ្នកទន់ខ្សោយ​នៅ​ស្រុក​មេសាង​ខេត្តព្រៃវែង​, ករណី​មួយទៀត​នៅ​វិទ្យាល័យ​ផ្សារ​ដើមថ្កូវ រាជធានី​ភ្នំពេញ និង​ករណី​ចុងក្រោយ​កើតឡើង​នៅ​ខណ្ឌ​បឹង​កេងកង​។
​សេចក្ដីជូនដំណឹង​រប​ស់​ក្រសួង​អប់រំ យុវជន និង​កីឡា កាលពី​ថ្ងៃ​២០ ខែមករា ឆ្ន​នាំ​២០២០ បាន​ណែនាំ​គ្រឹះស្ថានសិក្សា​ត្រូវ​ពង្រឹង​ការអនុវត្ត​ភារកិច្ច​របស់​គ្រូ​ទទួលបន្ទុក​ថ្នាក់ លោកគ្រូ អ្នកគ្រូ​បង្រៀន​តាម​មុខវិជ្ជា​ឲ្យ​ណែនាំ​សិស្សានុសិស្ស អនុវត្ត​បទបញ្ជាផ្ទៃក្នុង​រាល់ ម៉ោង​ធ្វើការ និង​ពង្រឹង​តួនាទី​របស់​ក្រុមប្រឹក្សា​យុវជន កុមារ ក្រុមប្រឹក្សាវិន័យ ក្រុមប្រឹក្សា​អប់រំ ដើម្បី​មាន​វិធាន ការទប់ស្កាត់ និង​ដោះស្រាយ​រាល់​បាតុភាព​មិន​ប្រក្រតី​រប​ស់សិ​ស្ស​។
​សេចក្តី​ជួន​ដំណឹង​បាន​ណែនាំ​គណៈ​គ្រប់គ្រង​គ្រឹះស្ថានសិក្សា ត្រូវ​ប្រជុំ​ណែនាំ​អំពី​ករណីយកិច្ច​របស់​អ្នកសិក្សា​ដូចជា វិន័យ សីលធម៌ សុជីវធម៌ ការ​ស្លៀក ពាក់ ការតុបតែង​ខ្លួន អនាម័យ កម្រិត​វិន័យ ការសុំច្បាប់​ឈប់សម្រាក​, របប​ពិន្ទុ​ការឡើង​ថ្នាក់ ត្រួតថ្នាក់ និង ការចួលរួម​សកម្ម​នានា​ក្នុង​និង​ក្រៅ​គ្រឹះស្ថានសិក្សា ដល់​សិស្សានុសិស្ស​រៀងរាល់​ពេល​គោរព​ទង់ជាតិ ឬ​មុន ពេល​ចាប់ផ្ដើម​បង្រៀន​ស្របតាម​បទបញ្ជាផ្ទៃក្នុង​។ គណៈ​គ្រប់គ្រង​គ្រឹះស្ថានសិក្សា ត្រូវធ្វើ​ទំនាក់ទំនង​និង​សហ ការ​ជិតស្និទ្ធ​ជាមួយ​មាតាបិតា អ្នកអាណាព្យាបាល សហគមន៍ ដើម្បី​ផ្ដល់ព័ត៌មាន​នានា​ពាក់​ព​ន្ធ័​នឹង​បាតុភាព​មិន ប្រក្រតី ដែល​ប្រព្រឹត្ត​ដោយ​សិស្សានុសិស្ស ដើម្បី​សហការគ្នា​អប់រំ ណែនាំ កែលម្អ បាន​ទាន់ពេលវេលា​។ គណៈ គ្រប់គ្រង​គ្រឹះស្ថានសិក្សា ត្រូវ​សហការ​ជិតស្និទ្ធ​ជាមួយ​ស្ថាប័ន​មាន​សមត្ថកិច្ច​ដូចជា​កម្លាំង​នគរបាលជាតិ កង​រាជ អាវុធហត្ថ អាជ្ញាធរ​ដែនដី ដើម្បី​ផ្ដល់ព័ត៌មាន​ក្នុងករណី​មានការ​ប្រព្រឹត្ត​អំពើ​អន្ធពាល អំពើ​ហឹ​ង្សា សកម្មភាព​អុក ឡុ​ក​បង្កចលាចល​នានា ពី​សំណាក់​សិស្សានុសិស្ស ឬ​ក្រុម​ក្មេង​ទំនើង​នៅក្បែរ ឬ​ក្នង​បរិវេណ​គ្រឹះស្ថានសិក្សា​៕សរន

ទីតាំងផ្សាយពាណិជ្ជកម្ម

- Advertisment -

Most Popular

បារ​ ,​បា​ ,បាក់ជ័របាយ​, ...

ដោយៈ​ដកស្រង់​ពី​វចនានុក្រ...

សាកសព​បុរស​ម្នាក់​ត្រូវគេ...

ដោយ​: ទេ​ពក​ង្រី / ខេត្តក...

មណ្ឌល​ច​ត្តា​ឡី​ស័ក​ថ្មី ...

​ដោយៈ កញ្ញា​រស្មី / ភ្នំព...

ការិយាល័យ​ព្រហ្មទណ្ឌ​កម្រ...

ដោយ​: សម្បត្តិ / ភ្នំពេញ​...