Home ព័ត៌មានជាតិ សេដ្ឋកិច្ច ​អំណោយ​បន្ថែម...

​អំណោយ​បន្ថែម​ចែក​ដល់​សហគមន៍​ក្នុងការ​ការពារ​និង​អភិរក្ស​ធនធានធម្មជាតិ​

ដោយ​មូល​សម្បត្តិ​/​ភ្នំពេញ​៖«​ការពង្រឹង​ជីវភាព​ប្រជាពលរដ្ឋ​នៅតាម​សហគមន៍​តំបន់ការពារធម្មជាតិ ចូលរួម​កាន់តែ​ប្រសើរ​ក្នុង​ការពារ និង​អភិរក្ស​ធនធានធម្មជាតិ​»​។ នេះ​ជាការ​លើកឡើង​របស់លោក សូ ខន​ឬ​ទ្ធី​គុណ រដ្ឋលេខាធិការ​ក្រសួងបរិស្ថាន​ក្នុងឱកាស​អញ្ជើញ​ជា​អធិបតី​នៃ​ពិធី​ជួប​សំណេះសំណាល និង​ចែក​ពូជ​គោ​,​មាន់​,​ជ្រូក​,​និង​សម្ភារៈ​កសិកម្ម​។​

​គម្រោង​លើកកម្ពស់​ជីវភាព​សហ​គម​ន៍​មូលដ្ឋាន​របស់​រាជរដ្ឋាភិបាល​កម្ពុជា​ផ្តល់​តាមរយៈ​ក្រសួងបរិស្ថាន​ជូន​ដល់​ប្រជាពលរដ្ឋ​៦២​គ្រួសារ​នៃ​សហគមន៍​តំបន់​ករពារ​ធម្មជាតិ​អន្លង់​ភេ​ក្នុង​ដែនជម្រកសត្វព្រៃ​»​ព្រៃ​ឡង់​»​ភូមិ​សាស្ត្រា​ស្រុក​ថា​ឡា​បរិ​វ៉ា​ត់​ខេត្តស្ទឹងត្រែង​កាលពី​ថ្ងៃទី​២០​ខែមករា​ឆ្នាំ​២០២០​។​

ជាមួយគ្នានេះដែរ​លោក​បាន​បន្ថែមថា​គម្រោង​លើកកម្ពស់​ជីវភាព​សហ​គម​ន៍​មូលដ្ឋាន​ត្រូវបាន​រាជរដ្ឋាភិបាល​សម្រេច​ផ្តល់​ដល់​សហគមន៍​នៅតាម​តំបន់ការពារធម្មជាតិ​។​ដើម្បី​ធ្វើការ​អភិវឌ្ឍ​សហគមន៍​និង​ជំ​រុញឱ្យ​សហគមន៍​មាន​តួនាទី​សំខាន់​ក្នុងការ​ការពារ​និង​អភិរក្ស​ធនធានធម្មជាតិ​នៅតាម​តំបន់ការពារធម្មជាតិ​។

​លោក​រដ្ឋលេខាធិការ​រូបនេះ​បាន​ជំរុញ​ឱ្យ​ប្រជា​សហគមន៍​ធ្វើយ៉ាងណា​ពង្រឹង​ការយកចិត្តទុកដាក់​ថែទាំ ចិញ្ចឹមសត្វ​ឱ្យបាន​ល្អ ដើម្បី​បង្កើន​ជីវភាព​គ្រួសារ​និង​ការចូលរួម​ក្នុងការ​អភិវឌ្ឍន៍​សហ​គម​ន៍​មូលដ្ឋាន​។ លើសពីនេះ​លោក​បាន​លើកទឹកចិត្ត​ថែមទៀត​ដល់​ប្រជាពលរដ្ឋ​ពង្រឹង​ការគ្រប់គ្រង​ធនធានធម្មជាតិ​ឱ្យបាន​ល្អ​។​ជាពិសេស​នៅ​ដែនជម្រកសត្វព្រៃ​«​ព្រៃ​ឡង់​»​ដើម្បី​ជា​ប្រយោជន៍​នៃ​ការទទួល​ផលប្រយោជន៍​សម្រាប់​សហគមន៍​មូលដ្ឋាន​ពី​ការលក់​កាបូន​នាពេលខាងមុខ​។​

​បន្ថែម​ពីនេះ​បាន​ជំរុញ​ឱ្យ​សហគមន៍​មូលដ្ឋាន​ពង្រឹង​ការ​សហការគ្នាជាមួយ​ស​ម​ត្ថ​កិច្ច​គ្រប់​លំដាប់ថ្នាក់​ទប់ស្កាត់​កុំឱ្យ​មាន​ភ្លើង​ឆេះ​ព្រៃ​ដើម្បី​ធានា​ការគ្រប់គ្រង​ធនធានធម្មជាតិ​បានល្អ​សម្រាប់​នៅពេល​បច្ចុប្បន្ន​និង​ទៅ​អនាគត​។​គម្រោង​លើកកម្ពស់​ជីវភាព​សហ​គម​ន៍​មូលដ្ឋាន​នេះ​ត្រូវបាន​រាជរដ្ឋាភិបាល​សម្រេច​ផ្តល់​ដល់​សហគមន៍​តាម​តំបន់ការពារធម្មជាតិ​តាមរយៈ​វេទិកា​ថ្នាក់ជាតិ​។​

​វេទិកា​ថ្នាក់ជាតិ​នេះ​ស្តីពី​«​ការការពារ​និង​អភិរក្ស​ធនធានធម្មជាតិ​»​ចាប់ផ្តើម​ពី​ឆ្នាំ​២០១៦​ក្រោម​អធិបតីភាព​ដ៏​ខ្ពង់ខ្ពស់​សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​កម្ពុជា​ដើម្បី​ពង្រឹង​ង​ជីវភាព​សហគមន៍​ដោយ​យកចិត្តទុកដាក់​ពង្រឹង​លើ​ការកសាង​ហេដ្ឋារចនាសម្ព័ន្ធ​មូលដ្ឋាន​ទេសចរណ៍ធម្មជាតិ​ការចិញ្ចឹម​សត្វ​និង​ការងារ​កសិកម្ម​ប្រចាំ​គ្រួសារ​បានល្អ​ប្រសើរ​និង​លើកទឹកចិត្ត​សហគមន៍​ចូលរួមចំណែក​ការពារ និង​អភិរក្ស​ធនធានធម្មជាតិ​។

​គម្រោង​លើកកម្ពស់​ជីវភាព​ប្រជា​សហគមន៍​មូលដ្ឋាន​ចាប់ផ្តើម​ផ្តល់​ជួយ​ប្រជាពលរដ្ឋ​នៅតាម​សហគមន៍​តំបន់ការពារធម្មជាតិ ដោយ ចាប់​ឆ្នាំ​២០១៧​បាន​ចំនួន​១០​សហគមន៍​។​ឆ្នាំ​២០១៨​បាន​១០​សហគមន៍ និង​នៅ​ឆ្នាំ​២០១៩​ជួយ​បាន​៥​សហគមន៍​បន្ថែមទៀត​ដែល​ក្នុងនោះ​មាន​សហគមន៍​តំបន់ការពារធម្មជាតិ​អន្លង់​ភេ​ក្នុង​ដែនជម្រកសត្វព្រៃ​ព្រៃ​ឡង់​ភូមិសាស្ត្រ​ខេត្តស្ទឹងត្រែង​នេះ​ផងដែរ​។​ជា​សរុប​សហគមន៍​តំបន់ការពារធម្មជាតិ​ចំនួន​២៥​ហើយ បានទទួល​គម្រោង ដើម្បី​បង្កើន​ជីវភាព​ប្រជាពលរដ្ឋ​។

​លោក​អេង​ភិ​រុង​ប្រធាន​មន្ទីរ​បរិស្ថាន​ខេត្តស្ទឹងត្រែង​បានឱ្យដឹងថា​សហគមន៍​តំបន់ការពារធម្មជាតិ​អន្លង់​ភេ​បាន​បង្កើតឡើង​ដោយ​ប្រកាស​កាលពី​ថ្ងៃទី​៨​ខែមករា​ឆ្នាំ​២០១៩​និង​មាន​ផ្ទៃដី​៦៨២​ហិកតា​។​កន្លងមក​សហគមន៍​បាន​ចូលរួមចំណែក​សំខាន់​សហការ​ការពារ​និង​អភិរក្ស​ធនធានធម្មជាតិ​ដើម្បី​ធានា​ការគ្រប់គ្រង​ឱ្យមាន​និរន្តរភាព សម្រាប់​បច្ចុប្បន្ន និង​កូនចៅ​គ្រប់​ជំនាន់​។

​ក្នុងឱកាស​នោះ​លោក​ប្រធាន​សហគមន៍​តំបន់ការពារធម្មជាតិ​អន្លង់​ភេ​បានបង្ហាញ​ពី​ការសប្បាយរីករាយ​ចំពោះ​ការទទួលបាន​គម្រោង​ជំនួយ​របស់​រាជរដ្ឋាភិបាល​សម្រាប់​អភិវឌ្ឍន៍​ជីវភាព​សហគមន៍​រប​ស់លោក​។​លោក​បាន​អះអាងថា​ជំនួយ​របស់​រាជរដ្ឋាភិបាល​កម្ពុជា​ក្នុង​ពេលនេះ​នឹង​រួមចំណែក​ឱ្យ​ប្រជាពលរដ្ឋ​មានការ​គិតគូរ​ថ្មី​ដើម្បី​ជីវភាព​គ្រួសារ​និង​កាត់បន្ថយ​ការពឹង​អាស្រ័យ​លើ​ការដកហូត​ធនធានធម្មជាតិ​។​

សូមបញ្ជាក់ថា ប្រជាពលរដ្ឋ​ចំនួន​៦២​គ្រួសារ​ដំបូង​នៃ​សហគមន៍​អន្លង់​ភេ ទទួលបាន​ពូជ​សត្វ​ចិញ្ចឹម និង​សម្ភារៈ​កសិកម្ម​។​ក្នុងនោះ​ប្រជាពលរដ្ឋ​ចំនួន​២៣​គ្រួសារ​ក្នុង​មួយ​គ្រួសារ​ទទួលបាន​គោ​ញី​១​ក្បាល​។​ប្រជាពលរដ្ឋ​ចំនួន​២០​គ្រួសារ​ទទួលបាន​ក្នុង​មួយ​គ្រួសារ​មាន់ពូជ​ចំនួន​១៥​គីឡូក្រាម​និង​ស្បៃ​បៃតង​១​ដុំ ។​

ប្រជាពលរដ្ឋ​១៩​គ្រួសារ​ផ្សេងទៀត​ទទួលបាន​ក្នុង​មួយ​គ្រួសារ​កូនជ្រូក​ពូជ​ចំនួន​៣​ក្បាល​។​ជា​បន្ត​ប្រជាពលរដ្ឋ​នឹងមាន​កិច្ច​ការបន្ត​ចែករំលែក​កូន​គោ​កូនជ្រូក​និង​មាន់​ទៅ​សមាជិក​សហគមន៍​ដទៃទៀត​នៅពេលដែល​សត្វ​ដែល​ពួកគាត់​ទទួលបាន​ផល​បន្តបន្ទាប់​៕S/​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​ប្រកាស​ពី...

ដោយៈ​មុនី​រ័ត្ន​/​ភ្នំពេញ...

រថយន្ត​វ៉ា​ជែង​ទាំង​កម្រោ...

ដោយ​៖ ប​.​ជ័យ / បន្ទាយមាន...

ក្រសួង​ប្រកាសៈ​ប្រភពដើម​ន...

ដោយៈ​មុនីរ័ត្ន​/​ភ្នំពេញៈ...

អភិបាល​រាជធានី​៖ មិន​ឱ្យម...

​ដោយ​: រ៉ា​ម៉ន / ភ្នំពេញ​...