Home ព័ត៌មានជាតិ បញ្ញវន្ត​សង្ឃ...

បញ្ញវន្ត​សង្ឃៈ សមាធិ​មានគុណ​ប្រយោជន៍​ខ្លាំង​សម្រាប់​មនុស្ស​គ្រប់​សង្គម​

ដោយៈ​មេសា​/​ភ្នំពេញៈ ព្រះ​ភិក្ខុ មុំ សាម៉ន ព្រះ​មន្ត្រី​សង្ឃ​សាលា​គណ​រាជធានី​ភ្នំពេញ បាន​មាន​ព្រះ​ថេរ​ដីកា​អំពី​គុណប្រយោជន៍ នៃ សមាធិ​ថា សមាធិ មានគុណ​ប្រយោជន៍​ទូលំទូលាយ​ណាស់ មិនមែន​សម្រាប់តែ​ព្រះសង្ឃ ដូនជី តាជី​ឡើយ គឺមាន​គុណប្រយោជន៍​ស​ម្រា​ប់ម​នុស្ស​គ្រប់​សង្គម ជាពិសេស​សម្រាប់​អ្នកសិក្សា ធ្វើឱ្យ​ពួកគេ​រៀន​ពូកែ សម្រាប់​អ្នកគ្រប់គ្រង​គ្រួសារ អ្នកបម្រើ​ការងារ​នៅតាម​ក្រសួង​ស្ថាប័នរដ្ឋ និង ឯកជន ព្រមទាំង​កងទ័ព និង នគរបាល​ផង ព្រោះ សមាធិ គឺជា​ការអប់រំ​ផ្លូវចិត្ត ឱ្យ​ចិត្ត​រាំង​មាំ មិន​ច្រឡោត មិន​ងាយ​រង​ផលប៉ះពាល់ ធ្វើឱ្យមាន​ភាព​ស្ងប់ ឬ មាន​សន្តិភាព​ក្នុង​ផ្លូវចិត្ត ។​


​ជាការ​កត់សម្គាល់ ដោយ​មើ​ឃើញ​ពី​គុណប្រយោជន៍​ដ៏​ប្រសើរ នៃ សមាធិ ទើប​ថ្នាក់ដឹកនាំ​ព្រះពុទ្ធសាសនា រៀបចំ​កម្មវិធី​សមាធិ​ជា​ញឹកញាប់ ដូចជា​ពិធី​បំបួស​កុលបុត្រ​រយៈពេល​មួយ​សប្តាហ៍​ជាដើម ដែល​ពិធី​ទាំងនោះ​ទាក់ទាញ​បាន​អ្នកចូលរួម​ទាំង​ព្រះសង្ឃ និង យុវជន​រាប់ពាន់​អង្គ និង នាក់ ។


​ដោយឡែក​ឆ្នាំនេះ ដែលជា​ឆ្នាំ​ទី ៤ របស់ខ្លួន សាលា​គណ​រាជធានី​ភ្នំពេញ និង គណៈសង្ឃ​នាយក នៃ ព្រះរាជាណាចក្រ​កម្ពុជា បានរៀបចំ​កម្មវិធី​សមាធិ នៅក្នុង​បរិវេណ​វត្ត​បទុម​វ​ត្តី រាជធានី​ភ្នំពេញ ចាប់ពី​ថ្ងៃទី ១៨ ដល់​ថ្ងៃទី ២២ ខែ មករា ដែលមាន​ព្រះសង្ឃ និង គ្រហស្ថ​ចូលរួម​ជាង ៨០០ អង្គ និង នាក់ ។​


​ត្រូវបាន​ទទួលស្គាល់​ជាទូទៅ​ថា សមាធិ​គឺជា​មធ្យោបាយ​ដ៏​មាន​ប្រសិទ្ធភាព​បំផុត​មួយ​ក្នុងការ​គ្រប់គ្រង​សតិ​ស្មារតី និង ការបណ្តុះ​គំនិត​ប្រាជ្ញា ហើយ​នៅពេលដែល​សង្គម​កាន់តែ​រីកចម្រើន​ជឿនលឿន សមាធិ ក៏​កាន់តែ​ត្រូវការ ជាក់ស្តែង​ប៉ុន្មាន​ឆ្នាំ​ចុង​ក្រោយនេះ ប្រទេស​លោកខាងលិច និង ប្រទេស​ជឿនលឿន​នានា​នៅ​ទូទាំង​ពិភពលោក រៀបចំ​កម្មវិធី​សមាធិ​ច្រើនឡើងៗ ហើយ​សមាធិ គឺជា​ពិធី​សាមញ្ញ​ដែល​គេ​ងាយ​ធ្វើបាន ដូចជា​នៅតាម​ផ្ទះ​រៀងខ្លួនៗ ឬ នៅ​កន្លែងធ្វើការ​ជាដើម ដោយ​គ្រាន់តែ​ចំណាយពេល ១៥ នាទី ទៅ ១ ម៉ោង ដើម្បី ប្រមូល​អារម្មណ៍​ស្មឹង​ស្មាធិ៍ ក៏​ជាការ​គាប់ប្រសើរ ហើយ​សូម្បីតែ​ពេលធ្វើ​ដំណើរ​តាម​រថយន្តក្រុង​ជាដើម ក៏​គេ​អាចធ្វើ​សមាធិ​បានដែរ ព្រោះ​សមាធិ មាន​ច្រើន​ប្រភេទ ច្រើន​ថ្នាក់ ហើយ​មនុស្ស​គ្រប់គ្នា​អាច​ជ្រើសរើស​ប្រភេទ​សមាធិ​ទៅតាម​និស្ស័យ​របស់ខ្លួន ៕ Kh

ព្រះ​ភិក្ខុ មុំ សាម៉ន ព្រះ​មន្ត្រី​សង្ឃ​សាលា​គណ​រាជធានី​ភ្នំពេញ ( រូបៈ មេសា )
ព្រះ​ភិក្ខុ មុំ សាម៉ន ព្រះ​មន្ត្រី​សង្ឃ​សាលា​គណ​រាជធានី​ភ្នំពេញ ( រូបៈ មេសា )

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...