Home ព័ត៌មានអន្តរជាតិ ក្រុម​អ្នក​សង...

ក្រុម​អ្នក​សង្គ្រោះ​នេ​ប៉ាល់​ផ្អាក​ការស្វែងរក​ពួក​អ្នក​ឡើង​ភ្នំ​បន្ទាប់ពី​មានការ​រលំ​បាក់​ផ្ទាំង​ទឹក​កក​ជាថ្មី​

​មន្ត្រី​ម្នាក់​បាន​និយាយថា​ក្រុម​អ្នក​ជួយ​សង្គ្រោះ​នៅ​ប្រទេស​នេ​ប៉ាល់​បានសម្រេច​ផ្អាក​ការស្វែងរក​មនុស្ស​៧ នាក់​កាលពី​ថ្ងៃ​ចន្ទ​ទី​២០​មករា ដោយ​នៅក្នុង​នោះ មាន​ជនជាតិ​កូរ៉េខាងត្បូង​ចំនួន​៤ នាក់​ផង​ដែរ​បន្ទាប់​ពី​មាន​ការបាក់​ផ្ទាំង​ទឹក​ក​ជាថ្មី បាន​កើតឡើង​តំបន់​Annapurna ជា​ទី​ដែល​ក្រុម​នេះ បាន​បាត់​ខ្លួន​​កាលពី​សប្តាហ៍​មុន​។​

​អ្នក​នាំ​ផ្លូវ​ជនជាតិ​នេ​ប៉ាល់​៣​នាក់​ស្ថិតក្នុង​ចំណោម​ក្រុម​អ្នក​ឡើង​ភ្នំ​ដែល​ត្រូវបាន​ផ្ទាំង​ទឹកកក​បាក់​សង្កត់​លើ​កាលពី​ថ្ងៃ​សុក្រ​នៅ​ផ្លូវ​ឡើង​ភ្នំ​មួយ​នៅ​ភ្នំ​Annapurna កម្ពស់​៨.០៩១ ម៉ែត្រ ដែល​ជា​ភ្នំ​ខ្ពស់​ជាង​គេ​ទី​១០ នៅលើ​ពិភពលោក​។​

​មន្ត្រី​ក្រសួង​ទេសចរណ៍ លោក​ស្ត្រី​មី​រ៉ា អា​ចាយ៉ា បាន​និយាយថា​ឧទ្ធម្ភាគចក្រ​យោធា​មួយ​បាន​ដឹក​ក្រុម​អ្នកស្វែងរក​និង​សង្គ្រោះ​ទៅកាន់​តំបន់​នោះ​ប៉ុន្តែ អាកាស​​ធាតុ​អាក្រក់ ដោយ​មាន​ព្រិល​ធ្លាក់​ខ្លាំង​និង​ការ​រលំ​បាក់​ផ្ទាំង​ទឹកកក​ជា​បន្តបន្ទាប់​បាន​រារាំង​ការ​ចុះចត​។​

​លោកស្រី​បា​និយាយថា ” វា​គឺជា​គ្រោះមហន្តរាយ​ដ៏​ធំ​ហើយ​រដ្ឋាភិបាល​មាន​ការព្រួយបារម្ភ​អំពី​សុវត្ថិភាព​ភ្ញៀវទេសចរ​។​ក្រុម​អ្នក​សង្គ្រោះ​កំពុង​រង់ចាំ​ធ្វើការ​​សង្គ្រោះ​ជា​ថ្មី​នៅ​ពេល​អាកាសធាតុ​ល្អប្រសើរ​ឡើងវិញ​”​។​

​ក្រុមមន្ត្រី​បាន​និយាយថា មនុស្ស​២០០​នាក់ ដែល​រួម​ទាំង​អ្នក​ឡើង​ភ្នំ​ជនជាតិ​បរទេស​១៤០​នាក់​ត្រូវបាន​ជម្លៀសេ​ចេញពី​តំបន់​នោះ កាលពី​ចុង​សប្តាហ៍​​កន្លងទៅនេះ​៕​ប្រែ​សម្រួល​៖​សុខា​/sn

អាកាសធាតុ​អាក្រក់ ដោយ​មាន​ព្រិល​ធ្លាក់​ខ្លាំង​រារាំង​កិច្ចការ​ជួយសង្គ្រោះ​អ្នក​ឡើង​ភ្នំ​ដែល​បាត់​ខ្លួន​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...