Home ព័ត៌មានជាតិ សេដ្ឋកិច្ច តំបន់​វិថី​ជា...

តំបន់​វិថី​ជា​សុផារ៉ា​នឹង​ក្លាយជា​តំបន់​ស៊ី​វិ​ល័យ​ឈានមុខ​ថ្មី​មួយទៀត​

ភ្នំពេញៈ តាម​បណ្តោយ​វិថី​ជា​សុផារ៉ា​ស្ថិត​នៃ​សង្កាត់​ចំនួន​ពីរ​ក្នុង​ទឹកដី​ខណ្ឌ​ឬ​ស្សី​កែវ ត្រូវបាន​ក្រុមហ៊ុន​អចលនទ្រព្យ​និង​ភ្នាក់ងារ​លក់ដូរ​បាន​វាយតម្លៃ​ឱ្យដឹងថា​តំបន់​នេះ​កាន់ តែ​ជា​តំបន់​ស៊ី​វិ​ល័យ​ឈានមុខ​គេ​ក្នុង​រាជធានី​ភ្នំពេញ​ខណៈ​គ្រោង​បុរី​ធំៗ​ចេញ​ជា​រូបរាង បន្តកន្ទុយ​គ្នា​។

​ក្នុង​សន្និសីទកាសែត​កាលពី​ថ្ងៃទី​២១ ខែមករា ឆ្នាំំ​២០២០ អ្នកនាង ជា សុភា​រុណ ប្រធានក្រុម​ផ្នែក​លក់​ក្រុមហ៊ុន​បុរី​ភ្នំពេញ​ថ្មី បាន​ថ្លែងឱ្យដឹងថា ក្រោយពី​គម្រោង ដឹ ហា​ម៉ូ​នី​វី​ល្លិ៍ ដែលមាន​ទីតាំង​តាម​បណ្តោយ​ផ្លូវ ឯកឧត្តម ជា​សុផារ៉ា​(​ផ្លូវ​598) ចម្ងាយ​២០០០​ម៉ែត្រ ឬ 10 នាទី​ពី​ផ្សារ AEON II កំពុងតែ​ត្រៀម​បញ្ចប់​ការសាងសង់​នោះ ត្រូវបាន​ក្រុមហ៊ុន​វាយតម្លៃថា តំបន់​នេះ​កាន់​តែមាន​រីកចម្រើន​និង​ស៊ី​វិ​ល័យ​ជាង​មុន​ដែល​ធ្វើឱ្យ​ប្រជាជន​រស់នៅក្នុង​តំបន់​សប្បាយចិត្ត​រីករាយ​ជាមួយ​ភាព​រីកចម្រើន​។ ក្រុមហ៊ុន​បុរី​ភ្នំពេញ​ថ្មី​បាន​សាងសង់​លំនៅដ្ឋាន​បែប ទំនើប​ជាមួយ​សោ​ភ័​ណ្ឌ​ភាព​អេកូឡូស៊ី​បៃតង​ឆ្លើយតប​ទៅកាន់​តម្រូវការ​ប្រជាជន​ខ្មែរ​បច្ចុប្បន្ន​។ គម្រោង​សាងសង់​ប្រើ​រយៈពេល​ពីរ​ឆ្នាំ​ដោយ​ត្រៀម​បញ្ចប់​ការសង់​ទាំងមូល​ជា​ស្ថាពរ​នា ខែមេសា ឆ្នាំ​២០២០​ខាងមុខ ខណៈ​ប្រជាពលរដ្ឋ​មក​រស់នៅ​ស្ទើរ​ពេញ​ទាំងអស់​មក​ពេលនេះ​។

​អ្នកស្រី ជា សុភា​រុណ ដែលជា​អ្នក​ទីផ្សារ​អចលនទ្រព្យ​មួយរូប​បញ្ជាក់ថា មូលហេតុ​ដែល តំបន់​វិថី​ជា​សុផារ៉ា​ក្នុង​ទឹក​ខណ្ឌ​ឬ​ស្សី​កែវ​ក្លាយជា​តំបន់​ស៊ី​វិ​ល័យ​ឈានមុខ​គេ​ក្នុង​រាជធានី​មួយទៀត​នោះ​ក៏​ដោយសារតែ រាជរដ្ឋាភិបាល​បាន​រក្សាសុខ​សន្តិភាព​ស​ង្គ​ម​និង​នយោបាយ​ទើប ការអភិវឌ្ឍន៍​នៅតែ​បន្ត​ទៅមុខ​។ តំបន់​នេះ​មិនមែន​មានតែ​គម្រោង​បុរី​ភ្នំពេញ​ថ្មី​មួយ​ប៉ុណ្ណោះ​ទេ ដែល​បាន​បោះទុន​អភិវឌ្ឍន៍​ឡើង ក្រៅពីនេះ​មាន​គម្រោង​ធំៗ​ជាច្រើន​លេច​រូបរាង​ជា​បន្តបន្ទាប់ តាម​បណ្តោយ​ផ្លូវ​នេះ​។​គ្រាន់តែ​ចេញដំណើរ​ត្រង់ចំណុច​រង្វង់​មូល​ខេ​ម​កូ​ឡើងមក​វិថី​ជា​សុផារ៉ា​មក យើង​ឃើញ​មាន​តំបន់​សេដ្ឋកិច្ច​របស់​ក្រុមហ៊ុន លី​ហួ​, សិប្បកម្ម​ខ្នាតតូច​ខ្នាត​ធំ​, បុរី​ជីបម៉ុង​, ផ្សារ​ទំនើប​ជីបម៉ុង​, បុរី​ប៉េង​ហួត​, បុរី​វិមាន​ភ្នំពេញ​, និង​ចុងក្រោយ​បុរី​ហ្គ្រេ​ន​ភ្នំពេញ​តែម្តង​។ រយៈពេល​បី​ឆ្នាំ​ខាងមុខនេះ​ទៀត តំបន់​នឹង​សម្បូរ​ទៅ​អគារ​ខ្អ​ស់ៗ បុរី​ធំៗ និង ផ្សារ​ទំនើប ដែលមាន​សក្តានុពល​ខ្លាំង​ដូច​កណ្តាល​ក្រុង​។

​អ្នកស្រី ណាំ ម៉ា​រី ប្រធាន​ទំនាក់ទំនង​អចលនទ្រព្យ​មួយរូប​បានដែរ​ថា សក្កា​នុព​ល​តំបន់ ត្រូវបាន​ក្រុមហ៊ុន​បុរី​ភ្នំពេញ​មើលឃើញថា តំបន់​មាន​ផ្លូវធំ​ហើយ​ថ្ងៃ​អនាគត​អាច​នឹង​ពង្រីក បន្ថែមទៀត ហើយ​ផ្លូវ​យុទ្ធសាស្ត្រ​របស់​ខណ្ឌ​ឬ​ស្សី​កែវ​។ តំបន់​នេះ​កំពុងតែ​រីកចម្រើន​ខ្លាំង ដោយសារ​ផ្សារ​ទំនើប​អ៊ី​អន​២​បានដាក់​នៅក្បែរ​ទីនោះ​ដែរ ហើយ​នៅ​ផ្លូវ​ជា​សុផារ៉ា​នេះ មាន​ទីផ្សារ​ទំនើប​ជីបម៉ុង​។ កាលពី​ថ្មីៗ​នេះ បុរី​ហ្គ្រេ​ន​ភ្នំពេញ​បាន​លក់​បុរី​ទាំងមូល​ឱ្យ​ក្រុមហ៊ុន ជីបម៉ុង​ដើម្បី​អ​ភ​វិ​ឌ្ឍ​ន៍​ផងដែរ​។ ហេតុដូច្នេះ តំបន់​នេះ​កំពុងតែ​នៅក្រោម​ការអភិវឌ្ឍ​ធំៗ ទៅ​ថ្ងៃ​ខាងមុខនេះ​ទៀត​។

​អ្នកស្រី ណាំ ម៉ា​រី បាន​បង្ហើប​ឱ្យដឹងទៀតថា តំបន់​វិថី​ជា​សុផារ៉ា (​លេខ ៥៩៨) ស្ថិតក្នុង សង្កាត់​ទួល​សង្កែ​១ និង សង្កាត់​ច្រាំង​ចំ​រះ​២ ក្នុង​ខណ្ឌ​ឬ​ស្សី​កែវ មាន​ក្រុមហ៊ុន​ធំៗ​អ​ភ​វិ​ឌ្ឍ​ន៍ មិន​ក្រោម​១០​ក្រុមហ៊ុន​ឡើយ ខណៈ​តំបន់​នេះ​ត្រូវបាន​វាយតម្លៃ​ទុកជាមុន​ហើយ​ជា​តំបន់ ស៊ី​វិ​ល័យ​មិន​ចាញ់​តំបន់​ទួលគោក​។ គ្រាន់តែ​តម្លៃ​ដី​នៅពេល​ក្នុង​មួយ​ម៉ែត្រការ៉េ​លោត​ជាង ពីរពាន់​ដុល្លារ​ជិត​បី​ពាន់​ដុល្លារ​៕ ដោយៈ បូ​រិ​ន​

ទីតាំងផ្សាយពាណិជ្ជកម្ម

- Advertisment -

Most Popular