វីរុសវូហានអាចសម្ងំលាក់ខ្លួនក្នុងសត្វជាច្រើនទសវត្សរ៍មុនពេលឆ្លងមកមនុស្ស

អ្នកជំនាញឈានមុខម្នាក់បាននិយាយថា វីរុសថ្មីរបស់ចិន ដែលបានសម្លាប់មនុស្ស៩ នាក់ អាចលាក់ខ្លួននៅក្នុងសត្វអស់ជាច្រើនទសវត្សរ៍មកហើយ។

លោក សឺ ជេរ៉េមី ហ្វារ៉ា (Sir Jeremy Farrar) អ្នកឯកទេសដ៏ល្បីល្បាញខាងរោគរាតត្បាតបាននិយាយថា វីរុសនេះមិនមែនជាវីរុសថ្មីទេ ប៉ុន្តែទំនងជាបានសម្របខ្លួនវិវត្តនិងចម្លងទៅមនុស្ស។

ក្រុមមន្រ្តីនិយាយថា មេរោគឆ្លងមិនធ្លាប់ឃើញពីមុនមួយនេះគឺកើតចេញពីសត្វដូចវីរុសសា វីរុសហ៊ីវ និង វីរុសអេបូឡា ដែរ។

អាជ្ញាធរបានចង្អុលការស្តីបន្ទោសទៅលើផ្សារលក់ចំណីអាហារនៅក្នុងទីក្រុងវូហាន ដែលជាកន្លែងផ្ទុះឡើងនៃវីរុសវូហាន ធ្វើឱ្យអ្នកវិទ្យាសាស្ត្រពិបាកទប់ស្កាត់ជាខ្លាំង។

សត្វកណ្តុរនិងសត្វប្រចៀវព្រមទាំងសត្វដទៃទៀតត្រូវបានគេសម្លាប់និងលក់នៅក្នុងផ្សារលក់សាច់សត្វតាមបែបប្រពៃណី ដែលភ្ញៀវទេសចរសម្រុកនាំគ្នាទៅលេងដើម្បីមើលការពិតនៃប្រទេសចិន។

វីរុសនានា រួមទាំងវីរុសចម្លងដោយសត្វ គឺប្រែប្រួលឥតឈប់ឈរ ហើយយូរៗទៅអាចក្លាយជាវីរុសខ្លាំងក្លាគ្រប់គ្រាន់ដើម្បីឆ្លងមកមនុស្ស។

អ្នកដែលប៉ះទឹករងៃរបស់សត្វដែលមានមេរោគ ដូចជា ទឹកមាត់ គឺ មានគ្រោះថ្នាក់ក្នុងការឆ្លងវីរុសបែបនេះ។ ទោះយ៉ាងណា គេមិនទាន់ច្បាស់ទេថាតើមេរោគឆ្លងថ្មីនេះបានចាប់ផ្តើមឬត្រូវបានចម្លងយ៉ាងដូចម្តេចទេ៕ ដោយ៖ កញ្ញាដាលីស

វីរុសវូហានអាចសម្ងំលាក់ខ្លួនក្នុងសត្វជាច្រើនទសវត្សរ៍មុនពេលចម្លងមកមនុស្ស

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...