​សំណង់​រី​សត​នៅលើ​ឆ្នេរ​អូរត្រេះ​ក៏​រើ​អស់​ដែរ​

ដោយៈ​ប​.​ខុន​/​ភ្នំពេញ​៖​ការរៀបចំ​ឆ្នេរ​អូរ​ឈើទាល​២​អូរ​ត្រះ​១​និង​អូរត្រេះ​២​ដោយ​រដ្ឋបាលខេត្ត​ព្រះសីហនុ​មិនមែន​ធ្វើ​ចំពោះតែ​រោងស្នាក់នៅ​បណ្តោះអាសន្ន​និង​តូប​លក់ដូរ​តូចតាច​នោះទេ​។​សំណង់​រឹងមាំ​ជា​គម្រោង​រី​សត​ដែល​បាន​សង់​លើ​ឆ្នេរ​អូរត្រេះ ក្បែរ អូរ​ត្រជាក់ ចិត្ត​ក៏ត្រូវ​បាន​គេ​យល់ព្រម​ដើរចេញ រួច​ប្រគល់​ទីតាំង​ឱ្យ​អាជ្ញាធរ​ធ្វើការ បោស សម្អាត​ដែរ​។​
លោក​អ៊ី​សុខ​ឡេង​អភិបាលក្រុង​ព្រះសីហនុ​បាន​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​២២​ខែមករា​ឆ្នាំ​២០២០​ថា​ការរៀបចំ​ឆ្នេរ​អូរត្រេះ​១​និង​អូ​ត្រះ​២​គិត​មកដល់នឹង​ថ្ងៃនេះ​(២២​មករា​)​គឺ​បាន​រៀបរយ​ហើយ​តែ​មិនទាន់បាន​ស្អាត​ទេ ត្រូវ​ប្រើ​ពេលធ្វើ ការសម្អាត​ច្រើន​ថ្ងៃ​ទៀត​ទើប​ស្អាត​។​

​លោក​អភិបាលក្រុង​រូបនេះ​បញ្ជាក់ថា​ការរៀបចំ​ឆ្នេរ​នេះ​មិនមែន​ធ្វើ​ចំពោះតែ​រោងស្នាក់នៅ​បណ្តោះអាសន្ន​និង​តូប​តូចតាច​មិន​រៀបរយ​នោះទេ សំណង់​រឹង មាំ​ដែល​គេ​បាន​សង់​បំពាន​លើ​ឆ្នេរ​ក៏​គេ បាន​រើចេញ​អស់ហើយ​ដែរ​។​ដូចជា​សំណង់​របស់លោក​ប៉េង​ជា​ដែល​គ្រោង​ធ្វើជា​រី​សត​នៅលើ​ឆ្នេរ​អូរត្រេះ​ជាប់​អូរ​ត្រជាក់ចិត្ត​ក៏បាន​យល់ព្រម​រុះរើ​យក​។​របស់​ដែល​គេ​អាចយ​កបាន​គឺ​យកចេញ​អស់​និង របស់​ដែល​យកចេញ​មិនកើត​ដូចជា​សរសរ​បេតុង​ជញ្ជាំង​ឥដ្ឋ​គេ​(​ម្ចាស់​សំណង់​)​បានប្រគល់​ឱ្យ​យើង​ជា​អ្នក​បោសសម្អាត​ជួស​។​

​លោក​គួច​ចំរើន​អភិបាលខេត្ត​ព្រះសីហនុ​នៅ​ព្រឹក​ថ្ងៃទី​២២​ខែមករា​បាន​និយាយថា​អរគុណ​ដល់​បងប្អូន​អ្នកស្នាក់នៅ​បណ្តោះអាសន្ន​និង​លក់ដូរ​មិន​រៀបរយ​នៅលើ​ឆ្នេរ​អូរត្រេះ​ដែល​បាន​ចាកចេញ​តាម​ការជូនដំណឹង​។​ដើម្បី​ទុក​លទ្ធភាព​ឱ្យ​រដ្ឋបាលខេត្ត​ធ្វើការ​រៀបចំ​ឆ្នេរ​នេះ​(​អូរត្រេះ​១​និង​អូរត្រេះ​២)​ឱ្យមាន​របៀបរៀបរយ​ជា​ឆ្នេរ​សាធារណៈ​សម្រាប់​បម្រើ​ដល់​ប្រជាពលរដ្ឋ​មកលេង​កម្សាន្ត​ដោយ​មិនចាំបាច់​ចំណាយ​លើ​ថ្លៃ​ទីតាំង​ដូច​កាលពី​ពេលមុន​ទៀត​។​

​លោក​អភិបាលខេត្ត​បញ្ជាក់ថា​ឆ្នេរ​ដែល​យើង​(​គួច​ចំរើន​)​បានឱ្យ​អ្នកស្នាក់នៅ​បណ្តោះអាសន្ន​តាម​រោង​និង​តូប​លក់ដូរ​មិន​រៀបរយ​ចាកចេញ​អស់ហើយ​នេះ​មាន​ប្រវែង​៣.៥០០​ម៉ែត្រ​(​អូរត្រេះ​១​និង​អូរ​ត្រះ​២)​ក្រោយពេល​សម្អាត​ហើយ​។ ត្រូវ រៀបចំ​ឱ្យមាន​បន្ទប់ទឹក​សា ធារ​ណៈ សម្រាប់​បម្រើ​ប្រជា​ពល រដ្ឋ​ពី​តាម​បណ្តា​ខេត្ត នានា​មកលេង​កម្សាន្ត​។

ឆ្នេរ​នេះ មិនមាន​គម្រោង​ឱ្យមាន​សង់រោង សម្រាប់​លក់ ដូរ​ទេ​គឺ​រក្សាទុក​ឱ្យនៅ​ជា​លំហ​មើល​ពី​ផ្លូវ​ដែល​កំពុង​សាងសង់​ទៅ​ឃើញ​ឆ្នេរសមុទ្រ​ស្អាត​។​ប្រជាពលរដ្ឋ​មកលេង​ទីនេះ​អាច​ក្រាលកន្ទេល​ឬ​បោះតង់​ដោយ​គ្មាន​បង់ថ្លៃ​ទីតាំង​ដូច​ពីមុន​ទៀតឡើយ​តែ​បងប្អូន​ត្រូវ​ចូលរួម​ថែរក្សា​បរិ ស្ថាន​ឱ្យបាន​ស្អាត នៅ មុនពេល​ចាកចេញ​ទៅវិញ​។​

​ឆ្នេរសមុទ្រ​នៅ​ក្រុងព្រះសីហនុ​កាលពីមុន​ត្រូវបាន​គេ​និយាយថា​ភាគច្រើន​គឺ​កាន់កាប់​។​ដោយ​អ្នកលក់ដូរ​នៅលើ​ឆ្នេរ​ទាំងនោះ​អ្នក​មកលេង​ឆ្នេរ​បើ​មិន​ទិញ​ទំនិញ​នៅ​កន្លែង​ណាមួយ​ដែល​គេ​លក់​លើ​ឆ្នេរ​នោះទេ គឺ​គ្មាន​កន្លែង​អង្គុយ​។​បើ​ចង់ អង្គុយ​ត្រូវ ជួល​តូប​ឬ​គ្រែ​ពី​អ្នកលក់ដូរ​ទាំងនោះ​។

​កន្លែង​អង្គុយ​ត្រូវបាន ឡើងថ្លៃ នៅ​ថ្ងៃ បុណ្យ មាន​ភ្ញៀវ​ច្រើន និង​ពេលខ្លះ​គេ​មិន​ជួល​ឱ្យ​ទៀតផង​បើ​មិន​ទិញ​ម្ហូបអាហារ​កន្លែង គេ​នោះ​។​ទំនាស់​ថ្លៃ​តូប​និង​ប្ហូ​ម​អាហារ​តែង​កើតមាន​ជារឿយៗ​នៅតាម​បណ្តា​ឆ្នេរ​ទាំងនោះ​ពេល​មាន​ភ្ញៀវ​ច្រើន​មកលេង​សមុទ្រ​។​នេះ​នៅ​មិនទាន់​និយាយ​ដល់​ការ​ខូច​បរិស្ថាន​តំបន់ឆ្នេរ​ដោយសារ​ការលក់ដូរ​និង​ការ​ស្នាក់នៅ​អចិន្ត្រៃយ៍​លើ​តំបន់ឆ្នេរ​នោះ​ផង​។​

​ហេតុផល​ទាំងនេះហើយ​ដែលនាំឱ្យ​រដ្ឋបាលខេត្ត​ព្រះសីហនុ​ក៏ដូចជា​គណៈកម្មាធិការ​ជាតិ​គ្រប់គ្រង​និង​អភិវឌ្ឍន៍​តំបន់ឆ្នេរ​សមុទ្រ​កម្ពុជា​ដែលមាន​លោក​ឧបនាយករដ្ឋមន្ត្រី​ជា​សុផារ៉ា​រដ្ឋមន្ត្រីក្រសួង​រៀបចំ​ដែនដី​និង​នគរូបនីយកម្ម​ជា​ប្រធាន​មិន​អនុ​ញ្ញា​ត្ត​ឱ្យមាន​ការសាងសង់​រោង​លក់ដូរ​និង​ស្នាក់នៅ​អនាធិបតេយ្យ លើ​តំបន់ឆ្នេរ​បន្តទៀត​នោះ​។

​លោក​គួច​ចំរើន​ដែល​បាន​ណែនាំ​ដល់​ផ្នែក​ពាក់ព័ន្ធ​ឱ្យ​រៀបចំ​បន្ទប់​អនាម័យ​ចល័ត​ជា​បន្ត​បណ្តោះ​នៅតាម​ឆ្នេរ​សម្រាប់​ប្រើប្រាស់​នៅ​ក្នុងឱកាស​បុណ្យចូលឆ្នាំ​ចិន​ខាងមុខនេះ​រំពឹងថា​មួយខែ​ទៀត​ពលរដ្ឋ​មកលេង​ក្រុងព្រះសីហនុ​កាន់​តែមាន​ភាពងាយស្រួល​។​មាន​ផ្លូវ​ងាយស្រួល​ធ្វើដំណើរ​មកដល់​តាម ឆ្នេរ​និង មាន​ឆ្នេរ​លេង​កម្សាន្ត​ស្រឡះភ្នែក​អាច​មើល​បាន​ក្នុងពេល​ចូលឆ្នាំ​ខ្មែរ​ខាងមុខនេះ​ពេលនេះ​ក្រុងព្រះសីហនុ​កំពុង​រៀបចំ​ឆ្នេរ​ប្រវែង​៧​គីឡូម៉ែត្រ​ទុកជា​ឆ្នេរ​សាធារណៈ​សម្រាប់​បម្រើ​មហាជន​មកលេង​កម្សាន្ត​៕S/

សំណង់​រី​សត​នៅលើ​ឆ្នេរ​អូរត្រេះ​ជាប់​អូរ​ត្រជាក់ចិត្ត​ត្រូវបាន​គេ​ប្រគល់ឱ្យ​រដ្ឋបាល​ក្រុងព្រះសីហនុ​ជួយ​បោ​សម្អាត​សំណង់​លើ​ឆ្នេរ​អូរត្រេះ​មុនពេល​មិនទាន់​រុះរើ​
-​ឆ្នេរ​ដែល​ទើបបាន​រៀបរយ​រួច​
-​លោក​គួច ចំរើន ពិនិត្យមើល​ការរៀបចំ​ឆ្នេរ​អូរ​ត្រោះ​ឡើងវិញ​

ទីតាំងផ្សាយពាណិជ្ជកម្ម

- Advertisment -

Most Popular

ជើងហោះហើរ​រាប់រយ​ត្រូវ​លុ...

​ប្រែ​សម្រួល : កញ្ញា​ដា​ល...

​គណៈកម្មាធិការ​ពិគ្រោះ​យោ...

​ដោយៈ ទេ​ពក​ង្រី / កំពង់ឆ...

​ស្លាប់​១​នាក់ របួសធ្ងន់​...

​ដោយៈ ប​,​ជ័យ​/ បន្ទាយ​មា...

ឧ​ត្ត​ម​សេនីយ៍​ឯក ហ៊ុន ម៉...

​ដោយៈ មុនី​រ័ត្ន​/​ភ្នំពេ...