Home ព័ត៌មានជាតិ សេដ្ឋកិច្ច ក្រសួង​សេដ្ឋក...

ក្រសួង​សេដ្ឋកិច្ច​នឹង​រៀបចំ​វេទិកាសាធារណៈ​ស្តីពី​ការគ្រប់គ្រង​ម៉ាក្រូសេដ្ឋកិច្ច និង​ថវិកា​ឆ្នាំ​២០២០ នៅ​សប្តាហ៍​ក្រោយ

ដោយ​: ស៊ា ថាំង / ភ្នំពេញ​: ក្រសួង​សេដ្ឋកិច្ច​និង​ហិរញ្ញវត្ថុ​បាន​ឲ្យ​ដឹងថា ក្រសួង​នឹង​រៀបចំ​វេទិកាសាធារណៈ ស្តីពី​គ្រប់គ្រង​ម៉ាក្រូសេដ្ឋកិច្ច​និង​ថវិកា​ឆ្នាំ​២០២០ ដូច​រាល់​ឆ្នាំកន្លងមក នៅ​ថ្ងៃ​ព្រហស្បតិ៍ ទី​៣០ ខែមករា​ឆ្នាំ​២០២០​ខាងមុខនេះ ដើម្បី​ធ្វើការ​ផ្សព្វផ្សាយ​ឱ្យ​កាន់តែ​ទូលំទូលាយ​ដល់​សាធារណជន​ទូទៅ​បាន​ស្វែងយល់​លំអិត​អំពី​ការគ្រប់គ្រង​ម៉ាក្រូសេដ្ឋកិច្ច និង​ថវិកា​ឆ្នាំ​២០២០ បន្ថែមទៀត​។​

លោក វ​ង្សី វិស្សុត រដ្ឋលេខាធិការ​ប្រចាំការ នៃ​ក្រសួង​សេដ្ឋកិច្ច​និង​ហិរញ្ញវត្ថុ

​វេទិកាសាធារណៈ​នេះ​គ្រោង​នឹង​ប្រព្រឹត្តទៅ​ក្រោម​អធិបតីភាព​របស់លោក វ​ង្សី វិស្សុត រដ្ឋលេខាធិការ​ប្រចាំការ នៃ​ក្រសួង​សេដ្ឋកិច្ច​និង​ហិរញ្ញវត្ថុ ដោយ​នឹងមាន​ការអញ្ជើញ​ចូលរួម​ពី​តំណាង​ក្រសួង​ស្ថាប័ន​ពាក់ព័ន្ធ​, ឧ​ត្ត​ម​ក្រុមប្រឹក្សា​ពិគ្រោះ​និង​ផ្តល់យោបល់​, ដៃគូ​អភិវឌ្ឍន៍​, សង្គម​ស៊ីវិល​, ស្ថាប័ន​ស្រាវជ្រាវ​, គ្រឹះស្ថាន​ឧ​ត្ត​មសិ​ក្សា​, វិស័យ​ឯកជន​, បណ្តាញសារព័ត៌មាន និង​អ្នកសារព័ត៌មាន​ជាតិ​-​អន្តរជាតិ ព្រមទាំង​អ្នកសិក្សា​ស្រាវជ្រាវ​, និស្សិត និង​យុវជន ប្រមាណ​ជាង ២០០​នាក់​។

​គួរ​បញ្ជាក់ដែរថា ច្បាប់​ស្តីពី​ហិរញ្ញវត្ថុ​សម្រាប់​ការគ្រប់គ្រង​ឆ្នាំ​២០២០ ឬ​ច្បាប់​ថវិកា​ឆ្នាំ​២០២០ ត្រូវបាន​រដ្ឋសភា​ផ្តល់​ការអនុម័ត​កាលពី​ថ្ងៃទី​២៦ ខែវិច្ឆិកា ឆ្នាំ​២០១៩ នា​សម័យប្រជុំ​ពេញអង្គ​រដ្ឋសភា​លើក​ទី​៣ នីតិកាល​ទី​៦ និង​ត្រូវបាន​ព្រឹទ្ធសភា​បាន​ពិនិត្យ​ចប់សព្វគ្រប់​លើ​ទម្រង់ និង​គតិ​ច្បាប់​នេះ​ទាំងស្រុង កាល​ថ្ងៃទី​៩ ខែធ្នូ ឆ្នាំ​២០១៩ នា​សម័យប្រជុំ​ពេញអង្គ​លើក​ទី​៤ នីតិកាល​ទី​៤ ហើយ​ត្រូវបាន​ព្រះមហាក្សត្រ​ទ្រង់​ឡាយព្រះហស្តលេខា​ប្រកាស​ឱ្យប្រើ ដោយ​ព្រះរាជក្រម​លេខ នស​/​រកម​/១២១៩/០២៥ ចុះ​ថ្ងៃទី​២០ ខែ ធ្នូ ឆ្នាំ​២០១៩៕ ល​

ទីតាំងផ្សាយពាណិជ្ជកម្ម

- Advertisment -

Most Popular

អ៊ីស្រាអែល​ព្រមាន​អំពី​កា...

​ប្រែ​សម្រួល : កញ្ញា​ដា​ល...

សន្លឹកឆ្នោត​របស់​លោកបៃ​ដិ...

​ប្រែ​សម្រួល : កញ្ញា​ដា​ល...

កំពូល​តារា​ទាត់​ធាក់​ឥណ្ឌ...

​ប្រែ​សម្រួលៈ​វាសនា​/​ឆេន...

ក្រុមហ៊ុន​ថ្មី នឹង​ប្រសើរ...

ដោយ​: ម៉េង​ឆៃ​/ ភ្នំពេញ​:...