Home ព័ត៌មានជាតិ សន្តិសុខ ថ្លើមធំ​ហួស​!...

ថ្លើមធំ​ហួស​! បក្ខពួក​ជាប់ឃុំ យក​គ្រឿងញៀន​ឲ្យ​ជក់​ដល់​ក្នុង​គុក

ដោយ​: ចាន់តូ / ភ្នំពេញ​: ថ្លើមធំ ​កាន់តែ​ហ៊ាន​ជ្រុល​ពេក​ហើយ កាន់​ដប​ទឹក​សុទ្ធ​មាន​បង្កប់​ថ្នាំញៀន​ចំនួន​២​កញ្ចប់ សុំ​កម្លាំង​នគរបាល​ចូល​យកទៅ​ឲ្យ​សាច់ញាតិ​ជា​ជនសង្ស័យ​កំពុង​ជាប់ឃុំនៅក្នុង​ផ្នែក​ជំនាញ​អធិការដ្ឋាន​ខណ្ឌ​ពោធិ៍​សែន​ជ័យ ត្រូវ​នគរបាល​ប្រចាំ​ការត្រួត​ពិនិត្យឃើញ និង​ឃាត់ខ្លួន​បាន​ទាំង​២​នាក់​តែម្តង កាលពី​វេលា​ម៉ោង​៥​និង​១០​នាទី​ល្ងាច​ថ្ងៃទី​២២ ខែមករា ឆ្នាំ​២០២០ នៅ​អធិការដ្ឋាន​ខណ្ឌ​ពោធិ​សែន​ជ័យ​។​

​ជនសង្ស័យ​ទាំង​២​នាក់​ឃាត់ខ្លួន​បាន ទី​១ ឈ្មោះ សេង ជឿន ភេទ​ប្រុស អាយុ​៤២​ឆ្នាំ ស្នាក់នៅផ្ទះជួល ភូមិ​ព្រៃទា សង្កាត់​ចោមចៅ​៣ ខណ្ឌ​ពោធិ​សែន​ជ័យ មាន​ស្រុកកំណើត ភូមិ​រវៀង ឃុំ​តាំង​ដូង ស្រុក​បាទី ខេត្តតាកែវ ជា​ម្ចាស់​ថ្នាំញៀន ២​កញ្ចប់​។ ទី​២ ឈ្មោះ សោម មករា ភេទ​ប្រុស អាយុ​៣១​ឆ្នាំ មុខរបរជាង​ជួសជុល​ម៉ូតូ ស្នាក់នៅភូមិ​ព្រៃទា សង្កាត់​ចោមចៅ​៣​។​

​តាម​ប្រភពព័ត៌មាន​ពី​នគរបាល​ម្នាក់ សុំ​មិន​បញ្ចេញ​ឈ្មោះ បាន​ឲ្យ​ដឹងថា ខណៈដែល​កម្លាំង​នគរបាលកំពុង​នៅ​ជុំគ្នា​ក្នុងនោះ វត្តមាន​ប្រចាំការ​របស់លោក​វរសេនីយ៍ត្រី ភួង បូ​ណា អធិការរង​ខណ្ឌ​ពោធិ​សែន​ជ័យ ទទួលបន្ទុក​គ្រឿងញៀន ស្រាប់តែ​នៅវេលា​ម៉ោង​ខាងលើ ជនសង្ស័យ​ទាំង​២​នាក់​ខាងលើ ជិះ​ម៉ូតូ​ម្នាក់​មួយគ្រឿង មាន​យួរ​ទឹក​សុទ្ធ​២​ដប ទឹកដូង​២​ដប ច្រក​ចងដៃ​យួរកាន់​ទៅសុំ​នគរបាល​ដែល​ប្រចាំការ សុំ​យក​ទឹក​សុទ្ធ​ចូល​ឲ្យ​សាច់ញាតិ ដែល​កម្លាំង​នគរបាល ចាប់ខ្លួន​៤​នាក់ រឿង​គ្រឿងញៀន ៦១​កញ្ចប់ កាលពី​ម្សិលមិញ​នៅភូមិ​ត្រពាំង​ទា សង្កាត់​ត្រពាំង​ក្រសាំង តែ​មន្ត្រី​ប្រចាំការ សុំ​ធ្វើការ​ត្រួតពិនិត្យ កញ្ចប់​ថង់​ដប​ទឹក ស្រាប់តែ​ប្រទះឃើញមាន​ថ្នាំញៀន​១​កញ្ចប់ ដែល​ជនសង្ស័យ​បង្កប់​នៅ​ដប​ទឹក​សុទ្ធ និង​មួយកញ្ចប់​ទៀតបង្កប់​ក្នុង​មួករបស់​ជនសង្ស័យ​ឈ្មោះ សេង ជឿន ផ្ទុះ​ឆោឡោ បម្រុង​ស្ទុះ​ចេញ តែ​ត្រូវ​កម្លាំង​នគរបាល​ចាប់​ជាប់​ទាំង​២​នាក់ ដកហូត​ថ្នាំញៀន​២​កញ្ចប់ និង​ម៉ូតូ​២​គ្រឿង​។​

​តាម​ចម្លើយសារភាព ជនសង្ស័យឈ្មោះ សេង ជឿន បាន​ឲ្យ​ដឹងថា ពិតជា​ថ្នាំញៀន​ខ្លួន​យកមក​មែន គោលបំណង​យក​ឲ្យ​ក្មួយកំពុង​ជាប់ឃុំ​ខាងក្នុង​ប្រើប្រាស់​។

​បច្ចុប្បន្ន​ជនសង្ស័យកំពុង​ឃុំខ្លួន​បណ្ដោះអាសន្ននៅ​អធិការ​ខណ្ឌ ដើម្បី​កសាង​សំណុំរឿង​បញ្ជូន​ទៅកាន់​តុលាការ​ចាត់ការ​តាមផ្លូវ​ច្បាប់​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

សមត្ថកិច្ច ឃាត់ខ្លួន​ជនសង...

ដោយៈ ស​រិ​ទ្ធ / ភ្នំពេញៈ ...

ឃាត់ខ្លួន​ស្ត្រី​ម្នាក់ ក...

ដោយៈ ស​រិ​ទ្ធ / ត្បូងឃ្មុ...

ឯកអគ្គរដ្ឋទូត​ឥណ្ឌា​ថ្មី​...

ដោយ​: ជា សីហ​:/​ភ្នំពេញ​:...

ស្តេច​ថៃ​ស្វាគមន៍​អ្នកគាំ...

​ប្រែ​សម្រួលៈ​វាសនា​/​បាង...