Home ព័ត៌មានជាតិ វឌ្ឍនភាព បានម...

វឌ្ឍនភាព បានមកពីសន្ដិភាព៖ ​ក្រសួងសុខាភិបាល កំពុងប្រឹង​ប្រែងដើម្បីសម្រេចឲ្យបាន នូវសេវាសុខាភិបាល​ឌីជីថល​

ដោយ:វិបុល/ភ្នំពេញ ៖ សន្ដិភាពជាកត្តាស្នូល ដែលនាំឲ្យមានវឌ្ឍនភាពយ៉ាងគួរឲ្យ​កត់សម្គាល់ លើគ្រប់ផ្នែក ក្រសួងសុខាភិបាល បានបង្ហាញការប្ដេជ្ញាថា នឹងឈានទៅសម្រេចឲ្យបាន នូវសេវា​សុខាភិបាលឌីជីថល  ដើម្បីដោះស្រាយបញ្ហាសុខភាពជូនប្រជាពលរដ្ឋ ទទួលបានប្រសិទ្ធភាព​ខ្ពស់។

នេះជាការអះអាងរបស់មន្រ្ដីនាំពាក្យសុខាភិបាល លោកស្រី ឱ វណ្ណឌីន​ តាមរយៈសន្និសីទ​សារព័ត៌មាន ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាល នៅព្រឹកថ្ងៃទី២៣ ខែមករា ឆ្នាំ២០២០ ក្រោមប្រធានបទ “​វឌ្ឍនភាព​របស់​ក្រសួងសុខាភិបាល​ និង​បច្ចុប្បន្នភាព​ជំងឺ​រលាក​សួត​ បង្ក​ដោយ​វីរុស​កូ​រ៉ូ​ណា ​ប្រភេទ​ថ្មី”។

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល (រូបថត:វិបុល)

លោកស្រីឱ វណ្ណឌីន បានលើកឡើងថា ក្រោយពីប្រទេសជាតិទទួលបានសន្ដិភាពពេញលេញ ក្រសួង​សុខាភិបាល កសាងបាននូវ ហេដ្ឋារចនាសម្ព័ន្ធរូបវ័ន្ដយ៉ាងសំបូរបែប ធនធានមនុស្សប្រកប​ដោយ​គុណភាព គោលនយោបាយសុខាភិបាលប្រកបដោយប្រសិទ្ធភាព និងការងារនិយ័តកម្ម​ឱសថ​បានយ៉ាងល្អប្រសើរ ដើម្បីធានាការផ្ដល់សេវាសុខភាពជូនប្រជាពលរដ្ឋ​ ប្រកបដោយទំនុក​ចិត្ត។

លោកស្រី ក៏បានថែ្លងទៀតថា “…ក្រសួងសុខាភិបាល កំពុងតែខិតខំពិចារណា ដើម្បីដាក់ចេញ​នូវផែនការ ធ្វើទំនើបកម្មមន្ទីរពេទ្យរបស់យើងជាបន្ដទៀត…មានន័យថា យើងមានខ្លះហើយ ហើយ​​យើងធ្វើទំនើបកម្មបន្ថែមទៀត…យើងកំពុងតែគិតគូរដោយធ្វើទំនើបកម្ម Digital Health (សុខាភិបាលឌីជីថល)…យើងកំពុងតែគិតគូរ ទាំងការគ្រប់គ្រងនៅតាមបណ្ដាមន្ទីរពេទ្យ ក៏យើង​បានដាក់ឲ្យប្រើប្រាស់នូវប្រព័ន្ធឌីជីថលនេះ…ហើយយើងក៏កំពុងពិនិត្យលទ្ធភាពធ្វើបន្ដ​ទៀត​ ជាមួយ​នឹងដៃគូរ ក្នុងការបង្កើតApplication ផ្សេងៗ ជាពិសេសដើម្បីបង្កើន និងជំរុញ នូវការ​ប្រើប្រាស់បន្ថែមទៀតសម្រាប់ទប់ស្កាត់ជំងឺមិនឆ្លង…៕/B/

ទីតាំងផ្សាយពាណិជ្ជកម្ម

- Advertisment -

Most Popular

រុស្ស៊ី​នឹង​លក់​វ៉ាក់សាំង...

​ប្រែ​សម្រួល : កញ្ញា​ដា​ល...

ដាក់​ផែនការ​ការពារ​សន្តិស...

​ដោយៈ​រ៉ា​ម៉ន​/​ភ្នំពេញៈ​...

ព្រឹក​ថ្ងៃទី​២៥ វិច្ឆិកា​...

​ដោយៈ​ស​រិ​ទ្ធ​/​ភ្នំពេញៈ...

ពិនិត្យ​ការធ្វើ​ស្រែ​ឡើងវ...

​ដោយ​:​កាំ​ពី​/​ក្រចេះ​: ...