Home ព័ត៌មានជាតិ នយោបាយ ឯកអគ្គរដ្ឋទូត...

ឯកអគ្គរដ្ឋទូត​សហរដ្ឋអាមេរិក​សន្យា​នឹង​ខិតខំ​ពង្រឹងពង្រីក​ចំណងមិត្តភាព​និង​ភាពជា​ដៃគូ​ឱ្យ​កាន់តែ​ប្រសើរ​

ដោយៈ​សុផល​/​ភ្នំពេញៈ​សម្តេច​វិបុល​សេនា​ភក្តី សាយឈុំ​ប្រធានព្រឹទ្ធសភា​នៃ​ព្រះរាជាណាចក្រ​កម្ពុជា បានអនុញ្ញាត​ឱ្យ​លោក​W.PatrickMurphy​ឯកអគ្គរដ្ឋទូត​វិសាមញ្ញ​និង​ពេញ​សមត្ថភាព​នៃ​សហរដ្ឋអាមេរិក​ប្រចាំ​ព្រះរាជាណាចក្រ​កម្ពុជា​ចូលជួប​សម្តែង​ការគួរ​ស​កាលពី​ព្រឹក​ថ្ងៃទី​២៣​ខែមករា​ឆ្នាំ​២០២០​នៅ​វិមាន​ព្រឹទ្ធសភា​។​

ក្នុងជំនួប​នោះ​លោក​W.PatrickMurphy​បាន​មានប្រសាសន៍ថា​៖​នេះ​គឺជា​លើ​ទី​១​ហើយ​ដែល​លោក​បានមក​ព្រឹទ្ធសភា​និង​បាន​ជួប​សម្តេច​ប្រធានព្រឹទ្ធសភា​ដើម្បី​ស្វែងយល់​អំពី​តួនាទី​ភារកិច្ច​និង​សមត្ថកិច្ច​របស់​ព្រឹទ្ធសភា​ព្រមទាំង​ស្វែងយល់​អំពី​ការអនុវត្ត​លទ្ធិប្រជាធិបតេយ្យ​សេរី​ពហុបក្ស​នៅ​ព្រះរាជាណាចក្រ​កម្ពុជា​ដែល​អនុវត្ត​តាមរយៈ​ស្ថាប័នព្រឹទ្ធសភា​។​

​លោក​W.PatrickMurphy​បាន​គូសបញ្ជាក់ថា​«​តាមរយៈ​បេសកកម្ម​ការទូត​របស់​ខ្ញុំ​នៅ​ព្រះរាជាណាចក្រ​កម្ពុជា​ខ្ញុំ​នឹង​ខិតខំ​ធ្វើយ៉ាងណា​ដើម្បី​ពង្រឹងពង្រីក​ចំណងមិត្តភាព​និង​ភាពជា​ដៃគូ​សំដៅ​ឱ្យ​ព្រះរាជាណាចក្រ​កម្ពុជា​សម្រេច​បាន​នូវ​បុព្វហេតុ​សន្តិភាព​ស្ថិរភាព​និង​ការអភិវឌ្ឍ​ក្នុង​ក្របខណ្ឌ​ឯករាជ្យ​អធិបតេយ្យភាព​ជាតិ​រប​ស់​ខ្លួន​»​។​

លោក​ឯកអគ្គរដ្ឋទូត​បាន​ជម្រាប​សម្តេច​ប្រធានព្រឹទ្ធសភា​ថា​៖​ក្នុងឱកាស​ខួប​លើក​ទី​៧០​នៃ​ថ្ងៃ​បង្កើត​ទំនាក់ទំនង​ការទូត​រវាង​ព្រះរាជាណាចក្រ​កម្ពុជា​និង​សហរដ្ឋអាមេរិក​លោក​និង​សម្តេច​អគ្គមហាសេនាបតី​តេ​ជោ​ហ៊ុនសែន​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ឯកភាពគ្នា​ប្រារព្វ​ពិធី​ខួប​លើក​ទី​៧០​នេះ ដើម្បី​បង្ហាញ​អំពី​សមិទ្ធផល និង​ព្រឹត្តិការណ៍​សំខាន់ៗ​នៃ​ទំនាក់ទំនង​ការទូត​រវាង​ប្រទេស​ទាំងពីរ​។​

​ក្នុងនាម​ព្រឹទ្ធសភា​និង​ខ្លួន​សម្តេច​ផ្ទាល់​សម្តេច​វិបុល​សេនា​ភក្តី​សាយឈុំ​បាន​សម្តែង​នូវ​ការស្វាគមន៍​យ៉ាង​កក់ក្តៅ​ចំពោះ​លោក​W.PatrickMurphy​ដែល​ត្រូវបានតែងតាំង​ជា​ឯកអគ្គរដ្ឋទូត​វិសាមញ្ញ​និង​ពេញ​សមត្ថភាព​នៃ​សហរដ្ឋអាមេរិក​ប្រចាំ​ព្រះរាជាណាចក្រ​កម្ពុជា​។​សម្តេច​សង្ឃឹមថា​«​បេសកកម្ម​ការទូតរ​បស់​លោក​នៅ​ព្រះរាជាណាចក្រ​កម្ពុជា​នឹង​រួមចំណែក​ក្នុងការ​ពង្រឹងពង្រីក​និង​ជំរុញ​ឱ្យ​ល្អ​ប្រសើរឡើង​នូវ​ចំណងមិត្តភាព និង​កិច្ចសហប្រតិបត្តិការ​រ​វាង​ប្រទេស និង​ប្រជាជន​ទាំងពីរ​»​។​

​សម្តេច​ប្រធានព្រឹទ្ធសភា​ក៏បាន​ជម្រាប​លោក​W.PatrickMurphy​អំពី​រចនាសម្ព័ន្ធ​តួនាទី​ភារកិច្ច​របស់​ព្រឹទ្ធសភា​នៃ​ព្រះរាជាណាចក្រ​កម្ពុជា​ព្រមទាំង​បាន​គូសបញ្ជាក់ថា​ព្រះរាជាណាចក្រ​កម្ពុជា​អនុវត្ត​លទ្ធិប្រជាធិបតេយ្យ​សេរី​ពហុបក្ស​ដោយ​ខ្ជាប់ខ្ជួន​ស្របតាម​សភាពការណ៍​ជាក់ស្តែង​របស់​កម្ពុ​ជាតា​ម​ដំណាក់កាល​នីមួយៗ​។

សម្តេច​បាន​បញ្ជាក់ថា​ព្រឹទ្ធសភា​រដ្ឋសភា​រាជរដ្ឋាភិបាល​ក្រសួង​និង​ស្ថាប័ន​ជាតិ​នៃ​ព្រះរាជាណាចក្រ​កម្ពុជា​ត្រៀមខ្លួន​ជានិច្ច​ដើម្បី​ធ្វើ​កិច្ចសហប្រតិបត្តិការ​ដ៏​ជិតស្និទ្ធ​ជាមួយនឹង​លោក​ទូត​និង​ស្ថានទូត​អាមេរិក​ដើម្បី​រួមចំណែក​លើកកម្ពស់​ទំនាក់​ទំនង​និង​សហប្រតិបត្តិការ​ដ៏​ល្អ​រវាង​ប្រទេស និង​ប្រជាជន​ទាំងពីរ​។​

​សម្តេច​ប្រធានព្រឹទ្ធសភា​បាន​គូសបញ្ជាក់ថា​ឆ្នាំនេះ​ជា​ឆ្នាំ​ខួប​លើក​ទី​៧០​នៃ​ថ្ងៃ​បង្កើត​ទំនាក់ទំនង​ការទូត​រវាង​ព្រះរាជាណាចក្រ​កម្ពុជា​និង​សហរដ្ឋអាមេរិក​។​សម្តេច​សូម​សម្តែង​នូវ​ការអបអរសាទរ​ដ៏​ស្មោះស្ម័គ្រ​និង​ជូនពរ​ឱ្យ​ចំណងមិត្តភាព​និង​កិច្ចសហប្រតិបត្តិការ​រ​វាង​ប្រទេស​និង​ប្រជាជន​ទាំងពីរ​កាន់តែ​ត្រូវបាន​ពង្រឹង​និង​ពង្រីក​ថែមទៀត​។​សម្តេច​ប្រធានព្រឹទ្ធសភា​បាន​ប្រសិទ្ធពរ​ជូន​លោក​ឯកអគ្គរដ្ឋទូត​សូម​មាន​សុខ​ភាពល្អ​និង​ទទួលបាន​ជោគជ័យ​ក្នុង​បេសកកម្ម​ការទូត​ដ៏​ឧត្តុង្គឧត្តម​នៅ​ព្រះរាជាណាចក្រ​កម្ពុជា​៕S/

​ចំណងជើង​រូបថត​៖​ឯកអគ្គរដ្ឋទូត​អាម៉េរិក​សន្យា​នឹង​ខិតខំ​ពង្រឹងពង្រីក​ចំណងមិត្តភាព​និង​ភាពជា​ដៃគូ​ឱ្យ​កាន់តែ​ប្រសើរ​ខណៈ​សម្តេច​សាយឈុំ​សង្ឃឹមថា​បេសកកម្ម​ការទូត​របស់​លោក​នៅ​កម្ពុជា​នឹង​រួមចំណែក​ក្នុងការ​ពង្រឹងពង្រីក​និង​ជំរុញ​ឱ្យ​ល្អ​ប្រសើរឡើង​នូវ​ចំណងមិត្តភាព​និង​កិច្ចសហប្រតិបត្តិការ​រ​វាង​ប្រទេស និង​ប្រជាជន​ទាំងពីរ​

ទីតាំងផ្សាយពាណិជ្ជកម្ម

- Advertisment -

Most Popular

បុរស​ម្នាក់​ជិះ​ម៉ូតូ​បញ្...

​ដោយៈ​ស​រិ​ទ្ធ​/​ភ្នំពេញៈ...

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...