Home កម្សាន្ត ផលិតកម្ម​អិ​ល...

ផលិតកម្ម​អិ​ល​ឌី បញ្ចេញ​រឿង​ថ្មី​ចំ​ថ្ងៃ​អបអរ​ចូលឆ្នាំ​ប្រពៃណី​ចិន​

​ភ្នំពេញ​៖ ផលិតកម្ម​អិ​ល​ឌី ភិ​ច​ឈ័​រ (LD Picture) បន្ទាប់ពី​ទទួលបាន​ជោគជ័យ​ខ្លាំង​លើ​ការ ផលិតភាព​យន្ត​ខ្នាត​ធំ​រឿង “​នាឡិកា​ដាស់​វិញ្ញាណ​” រួចមក​អ្នកនិពន្ធ​វ័យក្មេង​នៅក្នុង​ផលិតកម្ម នេះ​គឺ​លោក នួន ម៉ូ​លីន បាន​បញ្ចេញស្នាដៃ​ថ្មី​របស់ខ្លួន​ដោយ​ស្នាដៃ​នេះ​ជា​ភាពយន្ត​បែប​ភ័យ រន្ធត់ និង​អប់រំ​គឺ​រឿង “​ថេ​ក​ចុងក្រោយ​”​។ ក្នុង​កម្មវិធី​ប្រកាស​សម្ពោធ​ចាក់​បញ្ចាំង​ជា​ផ្លូវការ​នូវ​ខ្សែ ភាពយន្ត​មួយ​នេះ​ក្រោម​វត្តមាន​ផលិតករ​សិល្បករ​ជាច្រើន​កុះករ​ចូលរួម កាលពី​ថ្ងៃទី​២២ ខែមករា ឆ្នាំំ​២០២០ នៅ​ផ្សារ​ទំនើប​អ៊ី​អន​១ ស្នាដៃ​របស់​ផលិតកម្ម​នេះ​ត្រូវបាន​សម្ពោធ​ត្រៀម ចាក់​បញ្ចាំង​ចំ​ថ្ងៃ​អបអរ​ចូលឆ្នាំថ្មី​ប្រពៃណី​ចិន​។​

​អ្នកនិពន្ធ​រឿង លោក នួន ម៉ូ​លីន បាន​ថ្លែងឱ្យដឹងថា​នេះ​គឺជា​ភាពយន្ត​ទី​២​ដែល​លោក​បាន​ខិតខំ និពន្ធ ជាច្រើន​ខែ មុនពេល​ត្រូវបាន​យកទៅ​ផលិត​ជា​ភាពយន្ត ។ ភាពយន្ត​នេះ​បាន​ឆ្លុះបញ្ចាំង ពី​តថភាព​នៃ​សង្គម​បច្ចុប្បន្ន​មួយចំនួន ដូចជា​ការប្រើប្រាស់​ពាក្យ ពេចន៍​នៅលើ​បណ្តាញ​ទំនាក់ ទំនង​សង្គម​ហ្វេ​ស​ប៊ុ​ក​។ លោ​កថា​ក្រៅពី​មាន​ឈុត​ឆាក​ភ័យរន្ធត់​ជាច្រើន​ភាពយន្ត​នេះ​បាន បង្កប់​ដោយ​ខ្លឹមសារ​អប់រំ​មួយចំនួន​បន្ថែមទៀត​ពិសេស​ទំនាក់ទំនង​ឆ្លុះបញ្ចាំង​ពី​ការស្រលាញ់ បងប្អូន នៅក្នុង​ក្រុមគ្រួសារ​មួយ​។ លោក​រំពឹងទុក​ថា​ភាពយន្ត​នេះ​នឹង​ទទួលបាន​ការពេញចិត្ត ច្រើន​ពី​ទស្សនិកជន ពិសេស​អ្នក​ដែល​ធ្លាប់​គាំទ្រ និង​និយម​ទស្សនា​ភាពយន្ត​ខ្មែរ​។​

​កញ្ញា ប៊ូ ច័ន្ទ​ដា​ណែ​ត ដែលជា​តារា​សម្តែង​ក្នុង​ភាពយន្ត​នេះ​បានបង្ហាញ​ពី​ការពេញចិត្ត​ខ្លាំងនឹង​ស្នាដៃ​ថ្មី​មួយ​នេះ​របស់​ផលិតកម្ម ដែល​កញ្ញា​លើកឡើងថា​ជា​ភាពយន្ត​មាន គុណ​ភាព ក្រោម​ការយកចិត្តទុកដាក់​ពី​ផលិតករ ខណៈ​តារា​សម្តែង​ក៏​ជា​សិល្បករ​ប្រុស​ស្រី​ល្បីឈ្មោះ​។ បើទោះបីជា​នេះ​គឺជា​ការសម្តែង​ភាពយន្ត​ខ្នាត​ធំ​របស់ខ្លួន​មែន​ប៉ុន្តែ​កញ្ញា​ថា ក្នុង​ភាពយន្ត​នេះ មាន​លក្ខណៈពិសេស​ស្ទើរ​គ្រប់​ឈុត សំខាន់​គឺ​បង្កប់​ដោយ​ទស្សនៈ​អប់រំ​ស៊ីជម្រៅ​ដែល​កញ្ញា រំពឹងថា​ទស្សនិកជន​នឹង​ទទួលបាន​ទស្សនីយភាព​ថ្មី​ប្លែក និង​ទទួលបាន​គំនិតល្អៗ​ក្រោយ ទស្សនា​ភាពយន្ត​មួយ​នេះ​ចប់​។​

​សូម​បញ្ជាក់ដែរថា ចុងឆ្នាំ ២០១៩ ភាពយន្ត​រឿង “​នាឡិកា​ដាស់​វិញ្ញាណ​” បាន​ក្លាយជា​ភាពយន្ត ដែល​ទទួលបាន​ពានរង្វាន់​ច្រើន​បំផុត ហើយក៏​ជា​ភាពយន្ត​ដែល​ត្រូវបាន​នាំចេញ​ទៅ​ចាក់ បញ្ចាំង​នៅលើ​រោងកុន​នៅ​បណ្តា​ប្រទេស​ជាច្រើន​ក្នុង​តំបន់​អាស៊ី​។ ខណៈ​ភាពយន្ត​ស្នាដៃ​ទី​២ របស់​ផលិតករ នួន ម៉ូ​លីន នេះ​គឺ​រឿង “​ថេ​ក​ចុងក្រោយ​” បាននិងកំពុង​ចាក់​បញ្ចាំង​ចាប់ពី ថ្ងៃទី​២៣​ខែមករា​ឆ្នាំ ២០២០​នេះ​តទៅ​នៅ​គ្រប់​រោងភាពយន្ត​ទំនើប​ទាំងអស់​៕ ដោយ​: បូ​រិ​ន​

ទីតាំងផ្សាយពាណិជ្ជកម្ម

- Advertisment -

Most Popular

ឯកអគ្គរដ្ឋទូត​ឥណ្ឌា​ថ្មី​...

ដោយ​: ជា សីហ​:/​ភ្នំពេញ​:...

ស្តេច​ថៃ​ស្វាគមន៍​អ្នកគាំ...

​ប្រែ​សម្រួលៈ​វាសនា​/​បាង...

ពលរដ្ឋ និង​មន្ត្រី​ភូមិ ឃ...

ដោយៈ ភ្នំ​ស្វាយ / កំពង់ធំ...

នារី​ម្នាក់ ឈប់​ម៉ូតូ​នៅ​...

ដោយៈ ស​រិ​ទ្ធ / ភ្នំពេញៈ ...