គ្រាន់តែឃើញស្ពាននេះភ្លាមក៏ចង់ស្លុងអារម្មណ៍បាត់ទៅហើយហើយក៏ប្រហែលជាលួចប៉ង ប្រាថ្នាទៅលេងទីនេះជាមួយមនុស្សជាទីស្រលាញ់ទៀតផងក៏មិនដឹង។
រូបថតដ៏គួរឱ្យភ្ញាក់ផ្អើលទាំងនេះដែលគេថតពីលើយន្តហោះ បង្ហាញពីស្ពាន Severn Bridge ដែលត្រូវបានគ្របដណ្ដប់ដោយអ័ព្ទក្រាស់ឃ្មឹកបង្កឡើងដោយសារបាតុភូតអាកាសធាតុ បង្កើតបានជាទិដ្ឋភាពស្រស់ស្អាតអស្ចារ្យប្រៀបបានឋានសួគ៌។
រូបថតស្ពានកាត់ដៃទន្លេដែលខណ្ឌចែកប្រទេសអង់គ្លេស និងវ៉េលស៍នេះត្រូវប៉ូលិសថតបានកាលពីព្រឹកព្រលឹមថ្ងៃអង្គារ ទី២១ ខែមករា។
អ្នកជំនាញខាងឧតុនិយមបានគូសបញ្ជាក់ថាការចុះអ័ព្ទខ្លាំងបែបនេះបង្កឡើងដោយ បាតុភូតធម្មជាតិ នៅពេលសីតុណ្ហភាពធ្លាក់ចុះខ្លាំង៕ ប្រែសម្រួលៈខុម
