ម៉េ​ន​ឆេ​ស្ទ័​រ យូ​ណាយ​ធី​ត​ជិត​សម្រេច​កិច្ចព្រមព្រៀង​ផ្ទេរ ប្រ៊ូ​ណូ ហ្វឺ​ណាន​ដេ​ស

325
ចែករម្លែក

​ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត​ជិត​សម្រេច​កិច្ចព្រមព្រៀង​ផ្ទេរ​គោលដៅ​យូរអង្វែង ប្រ៊ូ​ណូ ហ្វឺ​ណាន​ដេ​ស (Bruno Fernandes) នេះ​បើតាម​ការអះអាង​របស់​បណ្តាញ​ព័ត៌មាន ព័រ​ទុយ​ហ្គា​ល់​។​
​ ​
​លោក អូ​ឡេ ហ្គា​ន់ សូល​ស្យែ​រ (Ole Gunanar Solskjaer) តាម​ប្រមាញ់​ខ្សែបម្រើ​ចាប់តាំងពី រដូវក្តៅ​ឆ្នាំមុន ប៉ុន្តែ​រហូតមក​ដល់ពេលនេះ ក្លឹប Sporting Lisbon ហាក់ដូចជា​រក្សា​តម្លៃ ដដែល​សម្រាប់​កីឡាករ​រូបនេះ​។​
​ ​
ទោះបីជា​យ៉ាងណា មានការ​អះអាង​ជាថ្មី​ថា នៅពេលនេះ យូ​ណាយ​ធី​ត​បានសម្រេច​ក្នុង​កិច្ចចរចាបន្ទាប់ពី​ដាក់សំណើ​ថ្មី​ដែលមាន​តម្លៃ​៥៥​លាន​ផោន​។​
​ ​
​ក្លឹប​យូ​ណាយ​ធី​ត​នឹង​ចំណាយ​ប្រាក់​ជិត​៤៧​លាន​ផោន ដើម្បី​កីឡាករ ហ្វឺ​ណាន​ដេ​ស ហើយ នឹង​បន្ថែម​កញ្ចប់​ទឹកប្រាក់​៨,៥​លាន​ផោន អាស្រ័យ​លើ​ភាពជោគជ័យ​របស់​កីឡាករ​នៅពហុកីឡាដ្ឋាន Old Trafford ។​
​ ​
​ក្លឹប Sporting សង្ឃឹមថា នឹង​សម្រេច​កិច្ចព្រមព្រៀង​ដែលមាន​តម្លៃ​៦០​លាន​ផោន​សម្រាប់ កីឡាករ​សញ្ជាតិ​ព័រ​ទុយ​ហ្គា​ល់​រូបនេះ ប៉ុន្តែ​នៅពេលនេះ​ទំនងជា​មានបំណង​ឆ្លើយតប​នឹង​ការ ចង់បាន​របស់​ក្លឹប​យូ​ណាយ​ធី​ត​នៅ​ពាក់​កណ្តាលខែ​នេះ​៕ ប្រែ​សម្រួល​: ពិសិដ្ឋ​

កីឡាករ ប្រ៊ូ​ណូ ហ្វឺ​ណាន​ដេ​ស (Bruno Fernandes)