Home ព័ត៌មានជាតិ នយោបាយ វេទិកា​ថ្នាក់...

វេទិកា​ថ្នាក់រៀន​ស្ដីពី «​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ (១៩៧៥-១៩៧៩)» ​នៅ​អនុវិទ្យាល័យ​លំ​ទង​

វេទិកា​ថ្នាក់រៀន​ស្ដីពី «​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ (១៩៧៥-១៩៧៩)»
​នៅ​អនុវិទ្យាល័យ​លំ​ទង​

ដោយៈ សួត វិចិត្រ មជ្ឈមណ្ឌល​ឯកសារ​កម្ពុជា​
​ភ្នំពេញៈ​កាលពី​ថ្ងៃទី​១៧ ខែមករា ឆ្នាំ​២០២០ មជ្ឈមណ្ឌល​សន្ដិភាព​អន្លង់វែង នៃ​មជ្ឈមណ្ឌល​ឯកសារ​កម្ពុជា រួមសហការ​ជាមួយ​ក្រសួង​អប់រំ យុវជន និង​កីឡា បាន​បង្កើត​វេទិកា​ថ្នាក់រៀន​មួយ​ស្ដីពី «​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ (១៩៧៥-១៩៧៩)» នៅ​អនុវិទ្យាល័យ​លំ​ទង ដែលមាន​សិស្សានុសិស្ស​ចូលរួម​ចំនួន​៥៣​នាក់​។ អនុវិទ្យាល័យ​នេះ មាន​ទីតាំង​ស្ថិតនៅក្នុង​ឃុំ​លំ​ទង ស្រុក​អន្លង់វែង ខេត្ត​ឧ​ត្ត​រ​មានជ័យ​។ វេទិកា​ថ្នាក់រៀន​ស្តីពី «​ប្រវត្តិសាស្ត្រ​កម្ពុជា​ប្រជាធិបតេយ្យ (១៩៧៥-១៩៧៩)» ត្រូវបាន​រៀបចំឡើង ក្នុង​គោលបំណង​បង្កើតជា​កិច្ចពិភាក្សា​រវាង​សិស្សានុសិស្ស និង​គ្រូបង្រៀន ហើយ​សិ​ស្សា នុ​សិស្ស​ក៏ត្រូវ​បាន​ជំរុញ និង​លើក​ទឹក​ចិ​ត្ដ​ឲ្យ​ធ្វើការ​កត់ត្រា និង​ចងក្រង​នូ​វប្រ​វ​ត្ដិ​រឿងរ៉ាវ​របស់​ក្រុមគ្រួសារ សាច់ញាតិ និង​ប្រជាជន​ដែល​រស់នៅក្នុង​សហគមន៍​ដែល​ធ្លាប់បាន​ឆ្លងកាត់​សម័យ​ខ្មែរក្រហម​។ វេទិកា​នេះ​ក៏​ជា​កិច្ចការ​មួយ​ក្នុងចំណោម​កិច្ចការ​ជាច្រើន​ទៀត​របស់​មជ្ឈមណ្ឌល​ស​ន្តិ​ភាព​អន្លង់វែង​ដើម្បី​លើកកម្ពស់​ការយល់ដឹង​អំពី​សន្តិភាព ការចងចាំ និង ការផ្សះផ្សា​។​

បណ្ឌិត លី សុខ​ឃាង នាយក​មជ្ឈមណ្ឌល​សន្តិ​ភាព​អន្លង់វែង​នៃ​មជ្ឈមណ្ឌល​ឯកសារ​កម្ពុជា ដែលជា​គ្រូឧទ្ទេស ថតរូប​ជុំគ្នា​ជាមួយ​សិស្សានុសិស្ស​អនុវិទ្យាល័យ​លំ​ទង បន្ទាប់ពី​ចប់​វេទិកា​ថ្នាក់រៀន​។


​ វេទិកា​ថ្នាក់រៀន​នេះ បាន​ប្រ​ព្រឹ​ត្ដទៅ​អស់​រយៈពេល​មួយ​ព្រឹក ដោយ​គិត​ចាប់ពី​ម៉ោង​៧:៣០​នាទី រហូតដល់​ម៉ោង​១២:០០​ថ្ងៃត្រង់​។​បណ្ឌិត លី សុខ​ឃាង នាយក​មជ្ឈមណ្ឌល​សន្ដិ​ភាព​អន្លង់វែង គឺជា​វាគ្មិន​នៅក្នុង​វេទិកា​ថ្នាក់រៀន​ស្ដីពី «​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ (១៩៧៥-១៩៧៩)» នេះ​។ ដំបូង​លោក​បាន​សំណេះសំណាល​ជាមួយ​សិស្សានុសិស្ស​ដែលមាន​វត្ដ​មាន​ចូលរួម​ក្នុង​វេទិកា​ថ្នាក់រៀន​នេះ​។ បន្ទាប់មក ក្រុមការងារ​របស់លោក​ក៏បាន​ចែក​សំណួរ​ស្ទាបស្ទង់​មតិ​ទៅកាន់​សិស្សានុសិស្ស​ចំនួន​៥៣​នាក់ ដើម្បី​ស្ទាបស្ទង់​ពី​ចំណេះដឹង​របស់​សិស្សានុសិស្ស​នៅ​មុនពេល​ចាប់ផ្ដើម​វេទិកា​ថ្នាក់រៀន​។ បន្ទាប់ពី​សិស្ស​បំពេញ​សំណួរ​ស្ទាបស្ទង់​មតិ​ចប់ ការពិភាក្សា​អំពី​ខ្លឹមសារ​ប្រ​វ​ត្ដិ​សាស្ដ្រ ក៏បាន​ចាប់​ផ្ដើមឡើង ដោយមាន​ការចូលរួម​យ៉ាងសកម្ម និង​យក​ចិ​ត្ដ​ទុកដាក់​ពី​សិស្សានុសិស្ស​។ អំឡុង​ពេលនោះ សិស្សានុសិស្ស​ក៏ត្រូវ​បាន​បែង​ចែកជា​ក្រុម​ផ្សេងៗ​គ្នា​សម្រាប់ធ្វើ​ការពិភាក្សា​លម្អិត​ពី​ប្រ​វ​ត្ដិ​សាស្ដ្រ ក្រោម​ប្រធានបទ «​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ (១៩៧៥-១៩៧៩)» និង​ប្រ​វ​ត្ដិ​សាស្ដ្រ​ដែល​បាន​ដកស្រង់​ចេញពី​សៀវភៅ​គោល «​ប្រ​វ​ត្ដិ​សាស្ដ្រ​សហគមន៍​អន្លង់វែង​»​។ កុន​ឯកសារ ដែលមាន​ចំណងជើង​ថា «​គុក​ទួលស្លែង​» និង​វីដេអូ​ស្ដីពី «​ប្លង់គោល​ស្រុក​អន្លង់វែង​» ក៏ត្រូវ​បាន​ចាក់​បញ្ចាំង​ឲ្យ​សិស្សានុសិស្ស​ទស្សនា​។ ក្នុងអំឡុង​ពេលនោះ ក៏មាន​កម្រង​រូបថត​ឯកសារ​អំពី​មេដឹកនាំ​ខ្មែរក្រហម និង​ដំណើរការ​កាត់ទោស​មេដឹកនាំ​ខ្មែរក្រហម ត្រូវបាន​ចាក់​បញ្ចាំង​ឲ្យ​សិស្សានុសិស្ស​ទស្សនា​ដែរ​។


​បន្ទាប់ពី​បាន​ចូលរួម​វេទិកា​ថ្នាក់រៀន​នេះ សិស្សានុសិស្ស​មានមតិ​យោបល់​ដូចតទៅ ៖
.​លឹម បញ្ញា ភេទ​ប្រុស អាយុ​១៤​ឆ្នាំ រៀន​ថ្នាក់​ទី​៩ «​ក​» នៃ​អនុវិទ្យាល័យ​លំ​ទង​
បាន​រៀបរាប់ថា «​ខ្ញុំ​បាន​យល់ដឹង​ពី​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ​ជាច្រើន​បន្ទាប់ពី​បាន​ចូលរួម​វេទិកា​ថ្នាក់រៀន​នៅថ្ងៃនេះ ដូចជា​យល់ដឹង​អំពី​ការដឹកនាំ​របស់​បក្ស​កុម្មុយនីស្ដ ការធ្វើ​ទារុណកម្ម​មកលើ​ប្រជាជន​ដោយ​មិន​គិតពី​ភាព​ចាស់ជរា ឬ​កុមារភាព ជាពិសេស​ខ្មែរក្រហម​បាន​បង្ខំ​ឲ្យ​ធ្វើ​ការងារ​ហួសកម្លាំង​។ ក្រៅពីនេះ ខ្ញុំ​បាន​យល់ដឹង​តាមរយៈ​ខ្សែភាពយន្ត​ឯកសារ​ប្រវត្តិសាស្ត្រ​ពី​មន្ទីរឃុំឃាំង ស​-២១ ឬ​គុក​ទួលស្លែង ដែលជា​កន្លែង​ធ្វើ​ទារុណកម្ម​ដ៏​ឃោរឃៅ និង​ព្រៃផ្សៃ​បំផុត​។ ខ្សែភាពយន្ត​ឯកសារ​នេះ បាន​ឆ្លុះបញ្ចាំង​ឲ្យ​ខ្ញុំ​បានឃើញ​អ្នកទោស​ជាប់​ខ្នោះ​ច្រ​វ៉ា​ក់ ដែល​ត្រូវបាន​ឃុំឃាំង​នៅក្នុង​គុក​ទួលស្លែង​។ ខ្ញុំ​ពិតជា​មាន​អារម្មណ៍​តក់ស្លុត​ខ្លាំងណាស់​ចំពោះ​ជនរងគ្រោះ​ទាំងនោះ​។ ខ្ញុំ​យល់ថា​ការសិក្សា​ប្រ​វ​ត្ដិ​សាស្ដ្រ​អាចធ្វើ​ឲ្យ​យើង​យល់ដឹង​ពី​អំពើ​ល្អ និង​អំពើអាក្រក់ ហើយ​យើង​អាច​ដឹង​ពី​ការដឹកនាំ​របៀបរបប​ផ្ដាច់ការ និង​សេរី​។ ខ្ញុំ​ពេញចិត្ដ​វេទិកា​ថ្នាក់​កា​រៀន​នេះ​ខ្លាំងណាស់ ព្រោះ​វា​ជា​ផ្នែក​មួយ​ជួយ​ឲ្យ​ខ្ញុំ​យល់ដឹង​ពី​ប្រ​វ​ត្ដិ​សាស្ដ្រ​នៃ​របប​កម្ពុជា​ប្រជាធិបតេយ្យ​បាន​កាន់តែ​ច្រើនឡើង​។


​គុណ សំណាង ភេទ​ស្រី អាយុ​១៥​ឆ្នាំ គឺជា​សិស្ស​ថ្នាក់​ទី ៩ «​ក​» បាន​រៀបរាប់ថា «​ខ្ញុំ​បាន​ស្គាល់​មេដឹកនាំ​នៅក្នុងរ​បបក​ម្ពុ​ជា​ប្រជាធិបតេយ្យ រួមមាន ប៉ុល ពត​, នួន ជា​, ខៀវ សំផន និង អៀង សារី តាមរយៈ​វេទិកា​ថ្នាក់រៀន​នេះ​។ ខ្ញុំ​យល់ថា​របប​កម្ពុជា​ប្រជាធិបតេយ្យ​ពិត​ជាមាន​ភាពឃោរឃៅ និង​ព្រៃផ្សៃ​ជាទីបំផុត​ព្រោះ​មេដឹកនាំ​ទាំងនោះ​ប្រកបដោយ​ភាព​ផ្ដាច់ការ និង​គ្មាន​ភាព​អាណិតអាសូរ​ទាល់តែសោះ​ទៅដល់​ប្រជាជន​។ ខ្សែភាពយន្ត​ឯកសារ​ដែល​ទើបតែ​បញ្ចប់​អំបាញ់មិញ​នេះ ខ្ញុំ​ឃើញ​មាន​កុមារ​តូចៗ ចាស់ជរា និង​ប្រជាជន​ដែល​កំពុង​ធ្លាក់ខ្លួន​ឈឺ ត្រូវបាន​ខ្មែរក្រហម​ធ្វើបាប​ដូច​សត្វ​ធាតុ​អញ្ចឹង​។ ចំណែកឯ​អ្នកទោស​វិញ ត្រូវបាន​ដាក់ច្រវ៉ាក់​ជើង និង​ត្រូវ​ទទួលរង​ទារុណកម្ម​រហូតដល់​ស្លា​ប់​បាត់​បង់ជីវិត​។ ការដឹកនាំ​របៀបនេះ វា​ធ្វើ​ឲ្យ​ប៉ះពាល់​ដល់​សង្គមជាតិ​យ៉ាងខ្លាំង ជាពិសេស​បាត់បង់​ជីវិត​មនុស្ស ហើយ​សង្គម​ក៏​មិនអាច​ឈានទៅរក​ការអភិវឌ្ឍន៍​បានដែរ​។ វេទិកា​ថ្នាក់រៀន​នេះ បានធ្វើ​ឲ្យ​ខ្ញុំ​យល់​កាន់តែ​ច្រើនឡើង​អំពី​ប្រវត្តិសាស្ត្រ​កម្ពុជា​ប្រជាធិបតេយ្យ រួមទាំង​ការធ្វើ​ទារុណកម្ម ការ​បង្អត់អាហារ ការធ្វើការ​ហួសកម្លាំង និង​ការព្រាត់ប្រាស់​ក្រុមគ្រួសារ​។​


.​បឿ​យ ស្រី​នាង អាយុ​១៥​ឆ្នាំ នៃ​អនុវិទ្យាល័យ​លំ​ទង បាន​រៀបរាប់ថា «​ក្រោយពី​ខ្ញុំ​បាន​សិក្សា​ពី​ប្រ​វ​ត្ដិ​សាស្ដ្រ​កម្ពុជា​ប្រជាធិបតេយ្យ​រួចមក ខ្ញុំ​ទទួលបាន​នូវ​ចំណេះដឹង​ជាច្រើន​ពី​អំពើ​ប្រល័យពូជសាសន៍ និង​ការធ្វើ​ទារុណកម្ម​របស់​មេដឹកនាំ​ខ្មែរក្រហម​មកលើ​ប្រជាជន​កម្ពុជា​។ ខ្ញុំ​យល់ថា​ការសិក្សា​ប្រ​វ​ត្ដិ​សាស្ដ្រ​ក៏​អាចធ្វើ​ឲ្យ​យើង​ក្លាយទៅជា​អ្នកដឹកនាំ​ដ៏​ល្អ​បានដែរ ព្រោះ​វា​បានបង្ហាញ​ពី​ការដឹកនាំ និង​ភូមិសាស្ដ្រ​។ តាមរយៈ​វេទិកា​ថ្នាក់រៀន​នេះ ខ្ញុំ​យល់ឃើញថា មេដឹកនាំ​ខ្មែរក្រហម​ពិតជា​មាន​ភាព​សាហាវយង់ឃ្នង​ដោយបាន​ឆ្លុះបញ្ចាំង​តាមរយៈ​ការធ្វើ​ទារុណកម្ម ការ​បង្អត់អាហារ និង​ការ​ឃុំឃាំង​មនុស្ស​ជាដើម​»៕សរន

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...