Home កីឡា កម្មវិធី​ប្រក...

កម្មវិធី​ប្រកួត​បាល់ទាត់​អន្តរជាតិ​ថ្ងៃ សៅរ៍ ទី​២៥ ខែមករា ឆ្នាំ២០២០

•​ ​ក្របខណ្ឌ​អេ​ស្ប៉ា​ញ La Liga រដូវ​កាល​២០១៩ / ២០២០
(19:00) Espanyol vs Ath.Bilbao
(22:00) Valencia vs Barcelona
(00:30) Alaves vs Villarreal
(03:00) Sevilla vs Granada
​គូ​ល្អ​ប្រចាំ​សប្តាហ៍​
Valencia Vs Barcelona

​ក្រុម Barcelona កំពុង​ឈរ​នៅលើ​កំពូល​តារាង​ក្របខណ្ឌ La Liga ដោយមាន​ពិន្ទុ​ដូច​ក្រុម លេខ​រៀង​ទី​២ Real Madrid ដែរ ដែល​នឹងត្រូវ​ប្រកួត​នៅ​ថ្ងៃអាទិត្យ​។

​ក្រុម Barcelona មានឱកាស​នាំមុខ​ដាច់​៣ ពិន្ទុ​នៅពេល​ពួកគេ​ធ្វើដំណើរ​ទៅ​ទឹកដី​របស់​ក្រុម Valencia ដែល​ឈរ​នៅ​លេខ​រៀង​ទី​៧​។ ក្រុម Barcelona មិនទាន់​ស្គាល់​ពាក្យ​ថា ចាញ់​នៅ ឡើយ​ទេ​នៅក្នុង​៩​ប្រកួត​ចុងក្រោយ​ក្នុង​លី​ក ប៉ុន្តែ​បាន​ត្រឹម​ស្មើ​ប្រកួត​៣​ក្នុង​៥​ប្រកួត​ចុងក្រោយ​។

​ប៉ុន្តែ​ក្រុម​នេះ​យកឈ្នះ​ក្រុម Granada ១-០ ថ្មីៗ​នេះ​ក្នុង​ទឹកដី ហើយ​កីឡាករ លី​អូ​ណេ​ល ម៉េ​ស​ស៊ី (Lionel Messi) ជួយ​ក្រុម​រកបាន​៣​ពិន្ទុ​។ ទម្រង់​លេង​ក្រៅ​ទឹកដី របស់​ក្រុម Barcelona បាន​ត្រឹម​ស្មើ​២​ប្រកួត​ចុងក្រោយ គឺ​ស្មើ ២-២​ទោះបីជា​យ៉ាងណា​ក្រុម​នេះ​អាច​រកបាន​៨​ពិន្ទុ ក្នុង​៤​ប្រកួត​ចុងក្រោយ​ក្រៅ​ទឹកដី​។

​ចំណែក​ក្រុម Valencia ឈរ​នៅ​លេខ​រៀង​ទី​៧ ហើយ​កំពុង​ប្រជែង​យក​កៅអី​ក្នុង​ក្របខណ្ឌ Europa League ប៉ុន្តែ​នៅ​ខ្វះ​៤​ពិន្ទុ​សម្រាប់​កៅអី​នៅ​ក្របខណ្ឌ​ឆេ​ម​ពាន​លី​ក​។ ក្រុម​នេះ​មាន ទម្រង់​លេង​មិនសូវ​ល្អ​ទេ ឈាន​ជើង​ចូលរួម​ការប្រកួត​នេះ​ដោយ​ទើបនឹង​ឈ្នះ​ពីរ​ប្រកួត ក្នុងចំណោម​៧​ប្រកួត​ចុងក្រោយ​ក្នុង​លី​ក​។

​ជ័យជម្នះ​របស់​ក្រុម​នេះ​កើត​ឡើងលើ​ក្រុម Eibar ក្នុង​ទឹកដី​នៅ​ក្របខណ្ឌ La Liga និង​ឈ្នះ​ក្រុម UD Logrofes នៅ​ក្របខណ្ឌ Copa del Rey កាលពី​យប់​ថ្ងៃ​ពុធ​។ ក្រុម Valencia ចាញ់​ក្រុម Real Madrid នៅ​ក្របខណ្ឌ Spanish Super Cup និង​ចាញ់​ក្រុម Mallorca ៤-១ ផងដែរ​នៅ​ក្របខណ្ឌ La Liga ។

​ក្រុម Valencia លេង​១១​ប្រកួត​ក្នុង​លី​កដោយ​មិនទាន់​ស្គាល់​បរាជ័យ​នៅឡើយ​ទេ ហើយ​ឈ្នះ បី​ប្រកួត​ក្នុងចំណោម​៤​ប្រកួត​ចុងក្រោយ ។ ចាំ​មើលថា តើ​ក្រុម​ណាមួយ​ធ្វើបាន​ល្អ​ជាង នៅ​រាត្រី​ថ្ងៃ​សៅរ៍​នេះ​៕
​ទស្សន​៖ Valencia 2-3 Barceloa
•​ ​ក្របខណ្ឌ​អ៊ីតាលី Serie A រដូវ​កាល​២០១៩ / ២០២០
(21:00) Spal vs Bologna
(00:00) Fiorentina vs Genoa
(02:45) Torino vs Atalanta
​គូ​ល្អ​ប្រចាំ​សប្តាហ៍​
Torino vs Atalanta

​ក្រុម Torino និង​ក្រុម Atalanta នឹង​ប្រឈមមុខ​ដាក់គ្នា​នៅ​ពហុកីឡាដ្ឋាន Stadio Olimpico Grande Torino ជា​អ្វីដែល​គេ​រំពឹងថា ជាការ​ប្រកួត​ដ៏​ជក់ចិត្ត​បំផុត​នៅ​រាត្រី​ថ្ងៃ​សៅរ៍​នេះ​។

​ក្រុម Torino ចង់​ប៉ះប៉ូវ​នូវ​បរាជ័យ ២-១ ដោយសារ​ក្រុម Sassuolo ប៉ុន្តែ​ពួកគេ​ន​នឹង​ត្រូវធ្វើ ការងារ​ធ្ងន់​បន្តិច​ហើយ​ក្នុងជំនួប​នេះ​។ ក្រុម Torino ច្រើនតែ​មានការ​ពិបាក​ក្នុងការ​ប្រកួត ជាមួយ​ក្រុម​កំពូល​តារាង ដូច្នេះ​ការយក​ឈ្នះ​ក្នុង​ទឹកដី​ដូចជា​មិនសូវ​មានសង្ឃឹម​ប៉ុន្មាន​ទេ​។

​ចំ​ណែ​ក្រុម Atalanta វិញ​មានបំណង​ចង់​តំណាង​ឲ្យ​ក្រុម​អ៊ីតាលី​នៅ​ក្របខណ្ឌ​ឆេ​ម​ពាន​លី​ក ក្នុង​ពីរ​រដូវ​កាល​ជាប់​គ្នា ហើយ​ដោយសារតែ​ទម្រង់​លេង​បច្ចុប្បន្ន​របស់ខ្លួន យើង​ជឿថា ក្រុម​នេះ​អាច​នឹងធ្វើ​បានល្អ​។

​ពេល​ក្រុម​ទាំងពីរ​ជួបគ្នា​នៅ​ពហុកីឡាដ្ឋាន Bergamo កាលពីដើម​រដូវ​កាល​នេះ ក្រុម Torino បាន​យកឈ្នះ​ក្រុម Atalanta ៣-២ មានន័យថា ក្រុម​ភ្ញៀវ​ពិតជា​ស្រេកឃ្លាន​ចង់​សងសឹក​។

​ចាំ​មើលថា តើ​ក្រុម​ណាមួយ​មានសំណាង​រកបាន​៣​ពិន្ទុ​នៅ​រាត្រី​ថ្ងៃ​សៅរ៍​នេះ​៕
​ទស្សន​៖ Torino 1-2 Atalanta
•​ ​ក្របខណ្ឌ​អាល្លឺម៉ង់ Bundesliga រដូវ​កាល​២០១៩ / ២០២០
(21:30) Borussia Monchengladbach vs FSV Mainz 05
(21:30) Frankfurt vs RB Leipzig
(21:30) Freiburg vs Paderborn 07
(21:30) Union Berlin vs Augsburg
(21:30) Wolfsburg vs Hertha Berlin
(00:30) B. Munchen vs Schalke 04
​គូ​ល្អ​ប្រចាំ​សប្តាហ៍​
Bayern Munich vs Schalke

ក្រុម Bayern Munich ចាប់ផ្តើម​វិល​ទៅរក​ទម្រង់​លេង​កំពូល​របស់ខ្លួន​វិញ​ហើយ​និង​ឈរ​នៅ​លេខ​រៀង​ទី​២​នៅលើ​តារាង​ក្របខណ្ឌ Bundesliga ។

​ក្រុម​នេះ​ទំនងជា​ឈ្នះ​ការប្រកួត​ជា​លើក​ទី​៥ របស់ខ្លួន នៅពេល​ពួកគេ​ទទួលភ្ញៀវ Schalke 04 ដែល​ឈរ​នៅ​លេខ​រៀង​ទី​៥​នៅលើ​តារាង​ពិន្ទុ និង​ចាញ់​ក្រុម Bayern Munich ត្រឹម​៣​ពិន្ទុ ប៉ុណ្ណោះ​។

​ក្រុម Bayern ចាប់ផ្តើម​ដោយ​យឺតយ៉ាវ​នៅ​រដូវ​កាល​នេះ ហើយ​វា​ប្រហាក់ប្រហែល​នឹង​រដូវ​កាល មុន​ដែរ​។ អំឡុង​ពេលនោះ​ពួកគេ​បាន​ប្រឹងប្រែង​វាយបក​រហូតដល់​លើក​ពាន​ជើងឯក ហើយ​មើលទៅ​ពួកគេ​អាច​នឹងធ្វើ​បានល្អ​ជាថ្មីទៀត​នៅ​រដូវ​កាល​នេះ​។

​ក្រុម Bayern ចាញ់​ក្រុម​នាំមុខ Leipzig ត្រឹមតែ​៤​ពិន្ទុ​ប៉ុណ្ណោះ​។ ក្រុម Bayern ឈ្នះ​៤​ប្រកួត ចុងក្រោយ ហើយ​ចាប់ផ្តើម​រកបាន​គ្រាប់​បាល់​ច្រើន​ដូច​មុន​ទៀតហើយ ដោយ​រកបាន ១៥​គ្រាប់​និង​របូត​២​គ្រាប់​។

​ទម្រង់​លេង​ក្នុង​ទឹកដី ក្រុម Bayern រកបាន​ជ័យជម្នះ​៤​លើក​ក្នុង​៥​ប្រកួត​ចុងក្រោយ​និង​រកបាន ១៥​គ្រាប់​។ ចំណែក​ក្រុម Schalke នៅក្រៅ​កៅអី​ក្របខណ្ឌ​ឆេ​ម​ពាន​លី​ក​ដោយសារ​ចំនួន​គ្រាប់ បាល់​តិចជាង​ប៉ុណ្ណោះ​។

​ពីរ​ប្រកួត​ក្នុងចំណោម​៥​ប្រកួត​ចុងក្រោយ ក្រុម​នេះ​ឈ្នះ ប៉ុន្តែ​ស្មើ​២​ក្នុង​បី​ប្រកួត​ចុងក្រោយ​។ ទម្រង់​លេង​ក្រៅ​ទឹកដី​របស់​ក្រុម​នេះ​មិនសូវ​ជា​ល្អ​ទេ ហើយ​ទើបនឹង​រកបាន​១​ពិន្ទុ​ក្នុង​ពីរ ប្រកួត​ចុងក្រោយ​នៅ​ក្របខណ្ឌ Bundesliga ។

​ក្រុម​នេះ​ចាញ់​ក្រុម Bayer Leverkusen ២-១ ហើយ​ប្រកួត​ស្មើ ១-១ ជាមួយ​ក្រុម Wolfsburg ដោយ​របូត​គ្រាប់​បាល់​ខណ​:​នៅសល់ ១០​នាទីចុងក្រោយ​។ ទម្រង់​លេង​របស់​ក្រុម Munich ពិតជា​បង្ក​ការភ័យខ្លាច​ដល់​គូប្រកួត ហើយ​ពួកគេ​អាច​នឹង​ឈ្នះ​ការប្រកួត​នេះ​។​

​ចាំ​មើលថា តើ ក្រុម Schalke ធ្វើ​បានល្អ​ប៉ុណ្ណា​នៅពេល​ជួប​ក្រុម Bayern​នៅ​រាត្រី​ថ្ងៃ​សៅរ៍ នេះ​៕ ​ប្រែ​សម្រួលៈ ពិសិដ្ឋ
​ទស្សន​៖ Bayern Munich 3-2 Schalke
•​ ​ក្របខណ្ឌ​បារាំង Ligue 1 រដូវ​កាល ២០១៩/២០២០
(23:30) Marseille vs Angers
(02:00) Brestois vs Amiens
(02:00) Monaco vs Strasbourg
(02:00) Montpellier vs Dijon
(02:00) Reims vs Metz
(02:00) Saint Etienne vs Nimes

ទីតាំងផ្សាយពាណិជ្ជកម្ម

- Advertisment -

Most Popular

ឱក សុគន្ធ​កញ្ញា ថ្វី​ត្បិ...

​ដោយៈ​បញ្ញា​សាស្ត្រ​/​ភ្ន...

បើក​ម៉ូតូ​បុក​គ្នា រងរបួស...

ដោយៈ ចាន់តូ/ភ្នំពេញៈ យុវជ...

វិស័យ​ឯកជន​៖ សហគ្រាស​កែច្...

​ដោយ​: ពៅ​និមល​/​ភ្នំពេ...

ក្រុមកម្មករ​ជនជាតិ​ចិន​និ...

ដោយៈ​ស​រិ​ទ្ធ​/​ភ្នំពេញៈ ...