Home ព័ត៌មានអន្តរជាតិ ក្រុង​វូ​ហាន​...

ក្រុង​វូ​ហាន​សង់​ពេទ្យ​បំរុង​ទី​២ នៅពេល​ប្រធានាធិបតី​ចិន​ព្រមាន​អំពី​«​ស្ថានភាព​ធ្ងន់ធ្ងរ​»

​ទីក្រុង​វូ​ហាន របស់​ចិន ដែល​ជា​ស្នូល​នៃ​ការផ្ទុះ​កូរ៉ូណា​វីរុស​ថ្មី​នឹង​សង់​មន្ទីរពេទ្យ​បំរុង​ទី​២​ដើម្បី​ព្យាបាល​អ្នក​ជម្ងឺ ។​បើ​តាម​ការផ្សាយ​របស់​កាសែត​រដ្ឋ People’s Daily​កាលពី​ថ្ងៃ​សៅរ៍ មន្ទីរពេទ្យ​នេះ​មាន​១.៣០០​បន្ទប់​នឹង​ប្រើ​ពេល​សាងសង់​កន្លះ​ខែ គឺ​ត្រូវ​អោយ​ហើយ​ត្រឹម​ថ្ងៃ​០៣​កុម្ភៈ​។​

គ្រឿងចក្រ​កំពុង​កាយ​ពង្រាបដី​ដើម្បី​សាងសង់​មន្ទីរពេទ្យ​ថ្មី​ទី​១​អោយ​ហើយ​ក្នុង​រយៈពេល​១​សប្តាហ៍​ដើម្បី​ទទួល​អ្នក​ឆ្លង​កូរ៉ូណា​វីរុស​នៅ​វូ​ហាន​។​មន្ទីរពេទ្យ​ទី​២​ក៏​​គ្រោង​នឹង​សាងសង់​អោយ​ហើយ​ក្នុង​រយៈពេល​កន្លះ​ខែ​

​ការបង្ខំ​បង្កើត​មន្ទីរពេទ្យ​ថ្មី​នេះ​កើតឡើង​ចំពេល​ប្រធានាធិបតី​ចិន លោក​ស៊ី ជីន​ពីង បាន​ព្រមាន​ថា ចិន​កំពុង​ប្រឈម​«​ស្ថានភាព​ធ្ងន់ធ្ងរ​»​មួយ ដោយសារតែ​​ល្បឿន​នៃ​ការឆ្លង​រាលដាល​វីរុស​ថ្មី​ដែល​គិត​មក​ត្រឹម​ថ្ងៃ​២៥​មករា វា​បាន​សម្លាប់​មនុស្ស​៤២​នាក់ និង​ចម្លង​មនុស្ស​ជិត​១.៤០០​នាក់​នៅ​ចិន​។​

​យោងតាម​ទីភ្នាក់ងារ​សារព័ត៌មាន​ស៊ីន​ហួរ លោក​ស៊ី​បាន​មានប្រសាសន៍​ប្រាប់​គណៈកម្មាធិកា​រ​អចិន្ត្រៃយ៍​នៃ​ការិយាល័យ​នយោបាយ​ថា​«​ប្រឈម​ស្ថានភាព​ធ្ងន់ធ្ងរ​​ពី​ការឆ្លង​រាលដាល​នៃ​វីរុស​ថ្មី​…​វា​ចាំបាច់​ត្រូវ​ពង្រឹង​ការដឹកនាំ​ថ្នាក់កណ្តាល​និង​មាន​ការឯកភាព​គ្នា​របស់​គណៈកម្មាធិការ​មជ្ឈិមបក្ស​។​ដរាបណា​យើង​នៅ​មាន​ជំនឿ​​រឹងមាំ រួម​គ្នា​ធ្វើការ ទប់ស្កាត់​និង​ព្យាបាល​ដោយ​វិទ្យាសាស្ត្រ​ហើយនឹង​គោលនយោបាយ​ច្បាស់លាស់ យើង​ពិតជា​នឹង​អាច​ឈ្នះ​ក្នុង​សមរភូមិ​នេះ​»​។​

ស៊ី​បើក​កិច្ចប្រជុំ​របស់​គណៈកម្មាធិកា​រ​ការិយាល័យ​នយោបាយ​មួយ​កាលពី​ថ្ងៃ​សៅរ៍ ស្តីពី​វិធាន​ការប្រយុទ្ធ​នឹង​ការឆ្លង​រាលដាល​វីរុស​ថ្មី​

​ការព្រមាន​របស់​មេដឹកនាំ​ចិន​កើតឡើង​ចំពេល​អាជ្ញាធរ​ចិន​ខិតខំ​ទប់ស្កាត់​កូរ៉ូណា​វីរុស ដែល​លេចមុខ​ដំបូង​នៅ​ទីក្រុង​វូ​ហាន​ភាគ​កណ្តាល​របស់​ចិន តែ​ឥឡូវ​បាន​​រាលដាល​ទៅ​កាន់​តំបន់​និង​ខេត្ត​ជាង​៣០​នៅក្នុង​ប្រទេស​ចិន​។​

​មនុស្ស​ប្រមាណ​៥៦​លាន​នាក់​ឥឡូវ​ស្ថិតក្រោម​ការ​រឹតត្បិត​ការធ្វើដំណើរ​នៅពេល​អាជ្ញាធរ​ចិន​ពង្រីក​បំរាម​ការធ្វើដំណើ​រ​នៅក្នុង​ខេត្ត​ហ៊ូ​ប៉ី​ដោយ​ប៉ះពាល់​ទីក្រុង​ចំ​​នួន​១៨​។​

​វីរុស​នេះ​ឥឡូវ​ត្រូវ​អ្នកដំណើរ​នាំទៅដល់ ថៃ វៀតណាម ម៉ាឡេស៊ី សិង្ហ​បុរី កោះតៃវ៉ាន់ ជប៉ុន កូរ៉េខាងត្បូង នេ​ប៉ាល់ អាម៉េរិក អូស្ត្រាលី បារាំង​និង​ចុង​ក្រោយ​ប្រទេស​​កាណាដា​៕ដោយ៖វាសនា

ទីតាំងផ្សាយពាណិជ្ជកម្ម

- Advertisment -

Most Popular

លើក​ពេល​សវនាការ សំណុំរឿង​...

​ដោយៈ ស​រិ​ទ្ធ / ភ្នំពេញៈ...

រដ្ឋបាល​រាជធានី បាន​នឹង​ក...

ដោយៈ រ៉ា​ម៉ន / ភ្នំពេញៈ ល...

សម្តេច​តេ​ជោ​ស្នើឱ្យ​មេធា...

ដោយៈ​តារា​រិ​ទ្ធ​/​ភ្នំពេ...

ស្ត្រី​អូ​ម៉ង់​ម្នាក់​រើស...

ប្រែ​សម្រួល : កញ្ញា​ដា​លី...