Home ព័ត៌មានអន្តរជាតិ ​ទិដ្ឋភាព​ប្ល...

​ទិដ្ឋភាព​ប្លែក​ពិសេស​នៃ​ខេត្ត​យូ​ន​ណាន

ខេត្ត​យូ​ន​ណាន​ជា​កន្លែង​មួយ​ដែលមាន​ជនជាតិ​ដ៏​ច្រើន ។ វប្បធម៌​ដ៏​ចម្រុះ​ពណ៌​បានធ្វើឱ្យ​ខេត្ត យូ​ន​ណាន​មាន​ទំនៀមទម្លាប់​ឆ្លងបុណ្យ​ចូលឆ្នាំ​ប្រពៃណី​ចិន​ដែលមាន​លក្ខណៈ​ពិពិធ​កម្ម​។​ប្រជាជន​ជនជាតិ​ផ្សេងៗ​ទទួល​ស្វាគមន៍​បុណ្យចូលឆ្នាំ​ប្រពៃណី​ចិន​តាម​វិធី​គ្រប់​ប្រភេទ​។​យើងខ្ញុំ​សូម​ចែករំលែក​គ្នា​ជាមួយ​លោកអ្នក​អំពី​បរិយាកាស​សប្បាយរីករាយ​របស់​ជនជាតិភាគតិច​ខេត្ត​យូ​ន​ណាន​ក្នុង​បុណ្យចូលឆ្នាំ​ប្រពៃណី​ចិន​។​

មនុស្ស​រាប់ម៉ឺន​នាក់​រាំ​របាំ​ជាមួយគ្នា​

​ក្នុង​ភាសា​ជនជាតិ​ជី​ង​ភួ​ពាក្យ​ថា​“​មូ​ណាវ​ជុង​កឺ​”​មានន័យថា​រាំ​របាំ​ជាមួយគ្នា ។ ប្រជាជន​ជនជាតិ ជី​ង​ភួ​ចូលចិត្ត​អបអរសាទរ​បុណ្យចូលឆ្នាំថ្មី​តាមរយៈ​ការ​ច្រៀង​ចម្រៀង​និង​រាំ​របាំ​ជាមួយគ្នា ។ បុរស​ជនជាតិ​ជី​ង​ភួ​វាយ​ស្គរ​ឈើ​ដែល​បញ្ចេញ​សំឡេង “​តុង តុង តុង​” ដែល​បាន​បើកសម្ពោធ នូវ​ទិវា​មូ​ណាវ​ជុង​កឺ​។ អ្នករាំ​របាំ​នាំ​គេ ២​នាក់​កាន់​កាំបិត​វែង​ក្នុង​ដៃ​ពាក់មួក​រាង​បក្សី ហើយ​ដើរ​នៅ មុខ​អ្នករាំ​ផ្សេងទៀត​។ នៅក្រោយ​អ្នករាំ​របាំ ២​នាក់​នោះ​ប្រជាជន​ជនជាតិ​ជី​ង​ភួ​ដែល​បាន​ស្លៀក ពាក់​សម្លៀកបំពាក់​ដ៏​ស្រស់ស្អាត​ចាប់ដៃគ្នា និង​ដើរ​ចូលទៅ​ទីធ្លា​ដើម្បី​រាំ​របាំ​ជាមួយគ្នា និង​បាន​បង្កើតជា​ក្បួន​របាំ​រាប់ម៉ឺន​នាក់​។​

ក្មេង​ចាស់​ប្រុស​ស្រី​រួមគ្នា​មុជទឹក​ក្តៅ​ផុស​ពីក្រោម​ដី​

​ក្នុង​ចន្លោះ​ពីថ្ងៃ​ទី​១ ដល់ទី ៣ ខែ ១ តាម​ចន្ទគតិ​ចិន​ចំពេល​ផ្កា​ផាន​ជឺ​រីក​ស្គុះស្គាយ​យ៉ាង​ស្រស់ បំព្រង​ប្រជាជន​ជនជាតិ​លី​ស៊ូ​ដែល​រស់នៅក្នុង​តំបន់​ជ្រលង​ទន្លេ​នូ​ជាំ​ង​ភាគ​ខាងលិច​ខេត្ត​យូ​ន​ណាន​តែងតែ​រួមគ្នា​អបអរសាទរ​ទិវា​ប្រពៃណី​ដ៏​សំខាន់​មួយ​គឺ ទិវា​មុជទឹក ។ ក្មេង​ចាស់​ប្រុស ស្រី​នាំគ្នា​ធ្វើដំណើរ​ពី​តំបន់​ផ្សេងៗ​ទៅ​មុជទឹក​ក្តៅ​ផុស​ពីក្រោម​ដី​។​ក្នុង​ស្រះ​ទឹក​ក្តៅ​ផុស​ពីក្រោម ដី​គេ​ប្រលែង​គ្នា ឬ​មើល​ភ្នំ​ខ្ពស់​នៅ​ទី​ឆ្ងាយ​ដែល​អាចជួយ​បន្ធូរ​អារម្មណ៍​របស់ខ្លួន និង​មាន​ភាព សប្បាយរីករាយ​។ ជនជាតិ​លី​ស៊ូ​ជឿជាក់ថា​ការ​មុជទឹក​ក្តៅ​ផុស​ពីក្រោម​ដី​ក្នុង​បុណ្យចូលឆ្នាំថ្មី អាច​បំបាត់​នូវ​ភាព​នឿយហត់​និង​កង្វល់ ដើម្បី​ទទួល​ស្វាគមន៍​ការមកដល់​នៃ​ឆ្នាំ​ថ្មី​។ ទំនៀម ទម្លាប់​នេះ​បាន​ត្រូវ​ទទួល​បន្ត​រហូតដល់​សព្វថ្ងៃ​នេះហើយ​បាន​ក្លាយទៅជា​សកម្មភាព​អបអរ​ឆ្នាំ​ថ្មី​ដែលមាន​ការចូលរួម​ពី​ទេសចរ​កាន់តែច្រើន​និង​អ្នកស្រុក​ក្នុង​តំបន់ ។​

“​ពិធី​ពេញវ័យ​”​ដែល​រៀបចំ​នៅពេល​មាន​អាយុ​១៣ ឆ្នាំ​

​បើ​និយាយ​ចំពោះ​យុវជន​យុវនារី​ជនជាតិ​ភូមី​ដែលមាន​អាយុ​១៣​ឆ្នាំ​លើ​ខ្ពង់រាប​ភាគ​ពាយ័ព្យ នៃ​ខេត្ត​យូ​ន​ណាន​បុណ្យចូលឆ្នាំថ្មី​មាន​សារៈសំខាន់​ណាស់​។ ពីព្រោះ​នៅ​បុណ្យចូលឆ្នាំ ប្រពៃណី​ចិន​គេ​ត្រូវ​ចូលរួម​ពិធី​ស្លៀកខោ​ឬ​ពិធី​ស្លៀកសំពត់ ។​នៅ​ថ្ងៃ​ដាច់​ឆ្នាំ​ក្មេងៗ​ដែល​គម្រប់ អាយុ​១៣ ឆ្នាំ ត្រូវ​ជួបជុំគ្នា​ដើម្បី​រួមគ្នា​អបអរសាទរ​ការ​ពេញវ័យ​និង​លាចាក​ពី​កុមារភាព យ៉ាង​សប្បាយរីករាយ​។ នៅពេល​ព្រលឹម គេ​ត្រូវ​ត្រឡប់ទៅផ្ទះ​វិញ​ភ្លាមៗ​។ ក្មេងប្រុស​និង​ក្មេង ស្រី​ត្រូវ​ចូលរួម​ពិធី​ពេញវ័យ​ដោយ​បែងចែក​ពីគ្នា​។ ពិធី​ពេញវ័យ​របស់​ក្មេងស្រី​ត្រូវគេ​ហៅថា “​ពិធី​ស្លៀកសំពត់​” ដែល​ម្តាយ​ធ្វើជា​អធិបតី​ចំណែក​ពិធី​ពេញវ័យ​របស់​ក្មេងប្រុស​ត្រូវគេ​ហៅថា “​ពិធី​ស្លៀកខោ​” ដែល​មា​ធ្វើជា​អធិបតី​។ នៅពេល​រៀបចំ​ពិធី​ខាងលើ​ឪពុកម្តាយ​ត្រូវ​រៀបចំ​ពិធី ជប់លៀង​ដើម្បី​ទទួល​ស្វាគមន៍​ញាតិមិត្ត​ដែល​មក​ចូលរួម​ក្នុង​ពិធី​ពេញវ័យ​របស់​កូន​គេ​។ គេ​ត្រូវ​ជូន​សម្ល​ឆ្អឹង​មួយ​ចាន​សាច់​មួយ​ដុំ​បេះដូង​និង​ថ្លើម​ជ្រូក​ខ្លះ​ឱ្យ​ភ្ញៀវ​ម្នាក់ៗ​ដើម្បី​បង្ហាញថា​ភ្ញៀវ ទាំងអស់គ្នា​ជា​ញាតិមិត្ត​ជិតស្និទ្ធ​របស់គេ ហើយ​មាន​ចិត្តថ្លើម​ត​ភ្ជាប់​នឹង​គ្នា ៕

​មនុស្ស​រាប់ម៉ឺន​នាក់​រាំ​របាំ​ជាមួយគ្នា ដោយ​ជូ ពី​ន​យ៉ុង​

ទីតាំងផ្សាយពាណិជ្ជកម្ម

- Advertisment -

Most Popular

អភិបាលរងខេត្តកំពង់ឆ្នាំងដ...

ដោយ:ទេពកង្រី/កំពង់ឆ្នាំងៈ...

អាវុធហត្ថឃាត់ខ្លួនបុរសម្ន...

ដោយ:ទេពកង្រី/កំពង់ឆ្នាំងៈ...

អ្នកនាំពាក្យ​ក្រសួងសុខាភិ...

ដោយ: មុនីរ័ត្ន / ភ្នំពេញ:...

នាយកដ្ឋាន​ព័ត៌មានវិទ្យា រ...

​ដោយៈ មុនី​រ័ត្ន / ភ្នំពេ...