Home ព័ត៌មានជាតិ សន្តិសុខ បុរស​ជើង​ខ្លា...

បុរស​ជើង​ខ្លាំង​ម្នាក់​ស្រវឹងស្រា​ទាញ​កាំភ្លើង​ពី​គេ​បាញ់​១​គ្រាប់ បណ្ដាល​ឲ្យ​បុរស​ម្នាក់​រងរបួស​ជើងឆ្វេង​

ដោយ​: ម៉ា​រ៉ា / ភ្នំពេញ​: បុរស​ជើង​ខ្លាំង​ម្នាក់​ស្រវឹងស្រា​ទាញ​កាំភ្លើង​ពី​បុរស​ម្នាក់ទៀត​បាញ់​១​គ្រាប់ បណ្ដាល​ឲ្យ​បុរស​ម្នាក់​រងរបួស​ជើងឆ្វេង​យ៉ាងដំណំ​។ ហេតុការណ៍​នេះ កើត​នៅវេលា​ម៉ោង​៨​យប់ ថ្ងៃទី​២៦​ខែមករា​ឆ្នាំ​២០២០ ស្ថិតនៅ​ក្នុងភូមិ​ម័​ល​ ​សង្កាត់​ដង្កោ​ខណ្ឌដង្កោ​។

​ប្រភពពី​កន្លែងកើតហេតុ​បាន​ឲ្យ​ដឹងថា បុរសរងគ្រោះ​ឈ្មោះ ឃិន ឆៃ​យ៉ា មុខរបរ​ដើរ​ទិញ​អេដចាយ ស្នាក់នៅ​ភូមិ​ម័​ល សង្កាត់​ដង្កោ​ខណ្ឌដង្កោ បានមក​បុក​ប៊ី​យែរ ខណៈដែល​ជនសង្ស័យ​បាន​ផឹកស៊ី​មាន​គ្នា​ប្រមាណ​ជា​៣​ទៅ​៤​នាក់ បាន​អួត​កាំភ្លើង​ចុះឡើង ស្រាប់តែ​ជនបង្ក​ដែល​គេ​ដឹងថា ឈ្មោះ ណូ បាន​យក​កាំភ្លើង​ពី​បុរស​ម្នាក់ទៀត​មក​បាញ់​ផ្ចុច​នឹង​ដី បណ្ដាល​ឲ្យ​ខ្ទាត​ត្រូវ​បុរស​ម្នាក់ ឈ្មោះ ឃិន ឆៃ​យ៉ា តែម្ដង​។ ភ្លាមៗ​នោះ ជនបង្ក​បាន​រត់​គេចខ្លួនបាត់ ឯ​ជនរងគ្រោះ​បាន​បងប្អូន​បញ្ជូនទៅ​មន្ទីរពេទ្យ​ខ្មែរ​សូវៀត ហៅ​ពេទ្យ​រុស្សី ដើម្បី​សង្គ្រោះ​។

​ក្រោយ​កើតហេតុ​ ជនរងគ្រោះ បានដាក់​ពាក្យបណ្ដឹង​នៅ​ប៉ុស្តិ៍នគរបាល​រដ្ឋា​បាល​សង្កាត់​ដង្កោ ចំណែក​ជនសង្ស័យ​សម​ត្ថ​កិច្ច​បាន​កំពុងធ្វើការ​ស្រាវជ្រាវ​បន្ត ដើម្បី​យកមក​ផ្ដន្ទាទោស​តាមច្បាប់​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular