Home ព័ត៌មានជាតិ សន្តិសុខ ប្តី​ត​ភ្លើង​...

ប្តី​ត​ភ្លើង​ម៉ូ​ទ័​រ​បូមទឹក​បាញ់​ខ្សាច់​ឆ្លង​ឆក់​ស្លាប់ ហើយ​ប្រពន្ធ​ទៅ​ជួយ​ឆក់​របួសធ្ងន់​

ដោយ​: សាវ​រក្ស / ភ្នំពេញ​: មន្ត្រី​យោធា​ម្នាក់​ត្រូវ​ចរន្តអគ្គិសនី​ឆ្លងតាម​ម៉ូ​ទ័​រ ឆក់​ស្លាប់​នៅ​កន្លែង ខណៈពេល​ត​ភ្លើង​បូមទឹក​បាញ់​ខ្សាច់​ដាក់​ក្រោមផ្ទះ និង​ស្ត្រី​ជា​ប្រពន្ធ រងរបួស​ធ្ងន់ នៅពេល​ស្ទុះ​ទៅ​ជួយ​ប្តី​ដែល​ត្រូវ​ភ្លើង​ឆក់​។ ហេតុការណ៍​គ្រោះថ្នាក់​នេះ បង្ក​ឲ្យ​មានការ​ភ្ញាក់ផ្អើល​កាលពី​ថ្ងៃទី​២៦ ខែមករា ឆ្នាំ​២០២០ នៅ​ចំណុច​ផ្សារ​ក្រមួន តាមផ្លូវ​បេតុង​(​អតីត​ផ្លូវដែក​)​ក្នុងភូមិបឹង​សាឡាង សង្កាត់​ឫស្សីកែវ ខណ្ឌឫស្សីកែវ​។​

​ជនរងគ្រោះ ដែល​ស្លាប់​បាត់បង់​ជី​វិត​ឈ្មោះ​គង់ ដា​រ៉ា ភេទ​ប្រុស​អាយុ ៤៥​ឆ្នាំ ជា​មន្ត្រី​យោធានៅ​ខេត្តស្ទឹងត្រែង មាន​លំនៅ ស្នាក់នៅ​កន្លែងកើតហេតុ ។​ចំណែក ស្ត្រី​ជា​ប្រពន្ធ​ឈ្មោះ​រ៉ុង អាយុ​៣៩​ឆ្នាំ ​មុខរបរ​អ៊ុតសក់ រងរបួស​ធ្ងន់​ត្រូវ​រថយន្ត​បញ្ជូនទៅ​សង្គ្រោះ​នៅ​មន្ទីរពេទ្យ​កាល់ម៉ែត​។​

​ប្រភពព័ត៌មាន​បានឲ្យ​ដឹងថា នៅ​មុនពេល​កើតហេតុ ​បុរស​ជា​ប្តី​បាន​ត​ភ្លើង ដាក់​ម៉ូ​ទ័​រ​បូមទឹក​បាញ់​ដីខ្សាច់​ឲ្យចូល​ក្រោមផ្ទះ ដើម្បី​ស្ទូច​លើក​ផ្ទះ​។ ខណៈ​នោះគេ​ឃើញ ជនរងគ្រោះ បាន​ទម្លាក់​ម៉ូ​ទ័​រ​ធ្វើ​ពី​ដែក ចូលក្នុង​ទឹក​ដោយ​ចង​លួស​ ស្រាប់តែ​ដាច់​លួស​ធ្លាក់​ចូលទៅក្នុង​ទឹក​​ជ្រៅ​ ហើយជនរងគ្រោះ​ក៏បាន​ចុះទៅ​ស្រង់​យក​ម៉ូ​ទ័​រ ក៍​ត្រូវ​ចរន្ត​អគ្គីសនី​ឆ្លង​ឆក់​ដួល​ធ្លាក់ចូល​ទឹកតែ​ម្តង​។​

​ប្រភព​ដដែល​បាន​បន្តថា ស្ត្រី​ជា​ប្រពន្ធ​ក៏បាន​ឃើញ​ប្តី​ត្រូវ​ចរន្តអគ្គិសនី​ឆក់​ក៏បាន​ស្ទុះ​ទៅ​ជួយ ក៏ត្រូវ​ចរន្ត​អគ្គិស​នី​ឆក់​ដែរ​។​ភ្លាមៗ អ្នក​ក្បែរ​ខាង​បានឃើញ​ក៏បាន​ប្រកាស​ហៅ​អ្នកភូមិ នាំគ្នាទៅ​ជួយសង្គ្រោះ ស្រង់លើកដាក់​លើ​និង​ធ្វើ​ចលនា​សង្គ្រោះ បុរស​ជា​ប្តី​បាន​ដាច់ខ្យល់​ស្លាប់បាត់​ទៅហើយ ។​ចំណែក​ស្ត្រី​ជា​ប្រពន្ធ​រងរបួស ត្រូវបាន​រថយន្ត​សា​មុយ​បញ្ជូន​ទៅកាន់​មន្ទីរពេទ្យ​កាល់ម៉ែត ក្រោយមក​ដឹងខ្លួន​វិញ​៕ ល​/Ha

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...