Home ព័ត៌មានជាតិ វប្បធម៌ ខេត្ត​ព្រះសីហ...

ខេត្ត​ព្រះសីហនុ ទទួលបានទេសចរ​ជាង​ប្រាំបី​ម៉ឺន​នាក់ រយៈពេល​បី​ថ្ងៃចូលឆ្នាំ​ចិន​

ដោយ​: វណ្ណៈ / ព្រះសីហនុ​: ឱកាស​បុណ្យចូលឆ្នាំថ្មី​ប្រពៃណី​​ជន​ជាតិចិន នា​ឆ្នាំ​២០២០​នេះ ខេត្ត​ព្រះសីហនុ​ទ​ទួ​បាន​ភ្ញៀវ ទេសចរ​ជាតិ​-​អន្តរជាតិ កើនឡើង​បង្គួរ ខណៈដែល​ទីក្រុង​មួយ​នេះ​ស្ថិតក្នុង ស្ថានភាព​កំពុងអភិវឌ្ឍន៍​។​

​លោក តាំង សុចិត្រ​គ្រឹ​ស្នា ប្រធាន​មន្ទីរ​ទេសចរណ៍​ខេត្ត​ព្រះសីហនុ ឲ្យ​រស្មី​កម្ពុជា​ដឹងថា ភ្ញៀវ​ទេសចរជាតិ និង​អន្តរជាតិ ដែល​មក​សម្រាក​កម្សាន្ត​ក្នុងឱកាស បុណ្យចូលឆ្នាំ​ប្រពៃណី​​ចិន​-​វៀតណាម រយៈពេល​៣​ថ្ងៃ (២៤-២៦ ) មករា ឆ្នាំ​២០២០ នៅ​ខេត្ត​ព្រះសីហនុ មាន​ប្រមាណ​៨៧០០០​នាក់ (​ប្រាំបី​ម៉ឺន​ប្រាំ​ពីរពាន់​)​កើនឡើង ២៤.៥២% បើ​ប្រៀបធៀប​នឹង​ឆ្នាំ​២០១៩ ដែលមាន​ភ្ញៀវ​ត្រឹមតែ​៧០.៤៨០​នាក់​ប៉ុណ្ណោះ​។​

​របាយការណ៍​ដដែល​ប​ញ្ជា​ក់ថា ទីកន្លែង​ដែល​​ទេសចរ​ទៅ​កម្សាន្ត មាន​តំបន់ឆ្នេរ​ទាំងអស់ តំបន់​កោះ​និង​តំបន់​រមណីយដ្ឋាន​ទឹកធ្លាក់​ក្បាលឆាយ ថ្ម​រូង​ព្រមទាំង​ព្រែក​ធម្មជាតិ​មួយចំនួនទៀត​ក្នុង​ខេត្ត​។​

​មន្ត្រី​អាជ្ញាធរខេត្ត​ព្រះសីហនុ​ម្នាក់​ថ្លែងថា ខេត្ត​ព្រះសីហនុនឹងមាន​ភ្ញៀវ​ច្រើន មក​កម្សាន្ត ​នៅ​​ឆ្នាំ​២០២១ខាងមុខ​បន្ទាប់ពី ការសាងសង់​ផ្លូវ​ល្បឿន​លឿន និង​ហេ​ដ្ឋា​រចនាសម្ព័ន​ក្នុង​ខេត្ត​រួចរាល់​ស្ថាពរ​៕ ល​/សរន

ទីតាំងផ្សាយពាណិជ្ជកម្ម

- Advertisment -

Most Popular