Home ព័ត៌មានជាតិ សេដ្ឋកិច្ច ​សិប្បកម្ម​ឡឥ...

​សិប្បកម្ម​ឡឥដ្ឋ​ក្បឿង​អង្គរ​ជា​សិប្បកម្ម​តែមួយគត់​ដែល​ផលិត​ឥដ្ឋ​ជួសជុល​ប្រាសាទ​

​ដោយ​:​អង្គរតូច​/​សៀមរាប​៖​ជា​ផ្នែក​មួយ​នៃ​ការចូលរួម​អភិរក្ស​ប្រាសាទ​ដូនតា​ខ្មែរ​សិប្បកម្ម​ផលិត​ឥដ្ឋ​ក្បឿង​អង្គរ​ដែល​ស្ថិតនៅ​ភូមិ​ថ្មី​ឃុំ​កៀន​សង្កែ​ស្រុក​សូទ្រនិគម​ខេត្តសៀមរាប​បាន​ផលិត​ឥដ្ឋ​បុរាណ​សម្រាប់​ការងារ​ជួសជុល​ប្រាសាទ​។

​សិប្បកម្ម​ខាងលើនេះ​បានចាប់ផ្តើម​ផលិត​ឥដ្ឋ​ក្បឿង​តាំងពី​អំឡុង​ឆ្នាំ​១៩៩៤​មក​និង​គោរព​តាម​បច្ចេកទេស​ដែល​អ្នកជំនាញ​ជួសជុល​ប្រាសាទ​ផ្តល់ឱ្យ​។​លោក យិន លិ​ម ជា​ម្ចាស់​សិប្បកម្ម​ផលិត​ឥដ្ឋ​ក្បឿង​អង្គរ បានចាប់ផ្តើម​របរ​នេះ​តាំងពី​ឆ្នាំ​១៩៨៩​មក​។​ដោយ​លោក​បាន​កែច្នៃ​ឡ​បុរាណ​សល់​ពី​សង្គមចាស់​សម្រាប់​ការធ្វើ​អាជីវ​កម្មនេះ​។​លោក​ប្រាប់ថា​ការផលិត​ឥដ្ឋ​និង​ក្បឿង​ក្នុង​សិប្បកម្ម​លោក​គឺ​ប្រើប្រាស់​វត្ថុធាតុដើម​ធម្ម​ជាតិ​សុទ្ធសាធ ហើយ​បច្ចេកទេស​ក៏​នៅ​បែប​បុរាណ​ផងដែរ​។

​សម្រាប់​ការផលិត​ឥដ្ឋ​ផ្គត់ផ្គង់​ការដ្ឋាន​ជួសជុល​ប្រាសាទ​ក្នុង​រមណីយដ្ឋាន​អង្គ​រលោក​យិន​លិ​ម​ប្រាប់ថា​បានចាប់ផ្តើម​ពី​ឆ្នាំ​១៩៩៤​និង​១៩៩៥​មក​ដោយសារ​សិប្បកម្ម​លោក​មាន​ពុម្ព​ចាស់​និង​ទទួលបាន​ការផ្តល់​ទំនុកចិត្ត​ពី​អ្នកជំនាញ​ជួសជុល​ប្រាសាទ​។​លោក​បន្តថា​អង្គការ​បរទេស​ដែល​សហការ​ជួសជុល​ប្រាសាទ​ជាមួយ​អាជ្ញាធរ​ជាតិ​អប្សរា​បាន​បញ្ជា​ទិញ​ឥដ្ឋ​បុរាណ​នេះ​ដើម្បី​ជួសជុល​ប្រាសាទ​ព្រះ​គោ​ហើយ​ការផលិត​គឺមាន​ការផ្តល់​បច្ចេកទេស និង​ការសិក្សា​ត្រឹមត្រូវ​ពី​ស្ថាប័ន​ទាំងនោះ​។​

​លោក យិន លិ​ម បន្តថា​ការផលិត​ឥដ្ឋ​បុរាណ​ជួសជុល​ប្រាសាទ​ដែល​លោក​កំពុង​ផលិត​គឺមាន​៣​ខ្នាត​។ ខ្នាត​ទី​១​មាន​ទំហំ​១,៦​ស​.​ម​គុណ​២៣​ស​.​ម​គុណ​១១​ស​.​ម​,​ខ្នាត​ទី​២​ទំហំ​៧,៥០​ស​.​ម​គុណ​២៣​ស​.​ម​គុណ​១១​ស​.​ម និង​ខ្នាត​ទី​៣ ទំហំ​៥,៥០ គុណ​២៣​ស​.​ម គុណ​១១​ស​.​ម​។​

​លោក​សារាយ​យ​គឹម​ហួល​មន្ដ្រី​បច្ចេកទេស​នៃ​នាយកដ្ឋាន​អភិរក្ស​ប្រាសាទ​ក្នុង​ឧទ្យាន​អង្គរ​និង​បុរាណវិទ្យា​បង្ការ​នៃ​អាជ្ញាធរ​ជាតិ​អប្សរា​បានឱ្យដឹងថា​មូល​ហេតុដែល​អាជ្ញាធរ​ជាតិ​អប្សរា​ជ្រើសរើស​សិប្បកម្ម​របស់លោក​យិន​លិ​ម​ក្នុង​ការផលិត​ឥដ្ឋ​ជួសជុល​ប្រាសាទ​។​ពីព្រោះថា​សិប្បកម្ម​នេះ​គោរព​នូវ​លក្ខខណ្ឌ​បច្ចេកទេស​ដែល​អ្នកជំនាញ​ផ្តល់ជូន​។​លោក​បន្តថា​ដើមឡើយ​មុន​ជ្រើសរើស​សិប្ប​កម្មនេះ​អ្នកជំនាញ​បាន​ចុះទៅ​ទីតាំង​ផ្ទាល់​ដោយបាន​ផ្តល់​បច្ចេកទេស​និង​ហាម​មិនឱ្យ​យក​ដី​ទីទួល​បុរាណ​ក្បែរ​នោះមក​ផលិត​ឡើយ​។​

​បន្ថែម​ពីនេះ​តាម​ការបញ្ជាក់​ពី​លោក​សារាយ​យ​គឹម​ហួល​ឥដ្ឋ​បុរាណ​ដែល​យកមក​ជួសជុល​ប្រាសាទ​គឺមាន​ទំហំ​ធំ​ក្រាស់​និង​ម៉ដ្ឋ​ល្អ​ជាង​ឥដ្ឋ​ធម្មតា​។​ចំណែក​ការបញ្ជាទិញ​គឺ​ទៅតាម​ទំហំ​និង​គម្រោង​ប្រចាំឆ្នាំ​នៅតាម​ការដ្ឋាន​នីមួយៗ​។​ការដ្ឋាន​ដែល​អាជ្ញាធរ​ជាតិ​អប្សរា​យកមក​ជួសជុល​មានដូចជា​នៅ​ប្រាសាទ​ព្រះ​គោ ប្រាសាទបាគង ប្រាសាទលលៃ ប្រាសាទអកយំ ប្រាសាទបាតជុំ​ជាដើម​៕S/​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...