Home ព័ត៌មានអន្តរជាតិ ទីក្រុង​ជា​ច្...

ទីក្រុង​ជា​ច្រើន​នៅ​ចិន ដែល​រួម​ទាំង​ក្រុង​សៀង​ហៃ​និង​ក្រុង​ប៉េកាំង​ហាមឃាត់​រថយន្តក្រុង​ចេញចូល​

​រដ្ឋាភិបាល​ក្រុង​សៀង​ហៃ​បាន​និយាយ​កាលពី​ថ្ងៃអាទិត្យ​ទី​២៦​ខែ​មករា​ថា ខ្លួន​បាន​ផ្អាក​សេវាកម្ម​រថយន្តក្រុង​ដែល​រត់​ចម្ងាយ​ឆ្ងាយ​ចូល​ឬ​ចេញ​ទីក្រុង​នេះ​ខណៈ​​ដែល​ក្រុម​អាជ្ញាធរ​បង្កើន​វិធានការ​ទប់ស្កាត់​វីរុស​ថ្មី​នៃ​ជំងឺ​ផ្លូវដង្ហើម​ដែល​បាន​រាលដាល​នៅ​ទូទាំង​ប្រទេស​ចិន​។

​រហូតដល់​ពេល​នេះ ចំនួន​អ្នក​ស្លាប់​ដោយសា​រវិ​រុស​ថ្មី​នៅ​ប្រទេស​ចិន បាន​កើនឡើង​ដល់​៨០​នាក់ ហើយ​មនុស្ស​ជាង​៣.០០០​បាន​ធ្លាក់ខ្លួន​ឈឺ​។

​វិធានការ​ដែល​ប្រកាស​ដោយ​គណៈកម្មាធិការ​ដឹកជញ្ជូន​នៃ​ទីក្រុង​នេះ​នឹង​ចូល​ជា​ធរមាន​បន្ទាប់ពី​មាន​វិធានការ​ស្រដៀង​គ្នា​ដែល​ត្រូវបាន​ធ្វើឡើង​ដោយ​រដ្ឋធានី​​ប៉េកាំង​។ ទីក្រុង​ទៀន​ជីន​និង​ស៊ី​អាន និង​ខេត្ត​ហេ​ប៉ី​ភាគ​ខាងជើង ដែល​ស្ថិតនៅ​ជាប់​ជាមួយ​ខេត្ត​សាង​ទុង ភាគ​ខាងកើត ក៏​បាន​ដាក់ចេញ​វិធានការ​បែប​នេះ​​ដែរ​ផង​ដែរ​។​

​ក្រុម​អាជ្ញាធរ​នៅ​ខេត្ត​សាន​ទុង ដែល​មាន​ប្រជាជន​រស់នៅ​១០០​លាន​នាក់​នេះ បាន​និយាយ​ថា​រថយន្តក្រុង​ចេញ​ចូល​នៅក្នុង​ខេត្ត​នេះ​នឹង​ត្រូវបាន​អនុញ្ញាត​ឱ្យរ​ត់​​ប្រសិនបើ​ស្ថានីយ៍​រថយន្តក្រុង​ទាំងនោះ មាន​វិធានការ​តាមដាន​និង​ពិនិត្យមើល​ពួក​អ្នក​ធ្វើ​ដំណើរ​តាមរយៈ​ប្រព័ន្ធ​ម៉ាស៊ីន​ពិនិត្យមើល​សុខភាព​។​

​ក្រុមមន្ត្រី​បាន​និយាយ​ចាប់ពី​ម៉ោង​៦​ល្ងាច​កាលពី​ថ្ងៃអាទិត្យ ទីក្រុង​ស៊ី​អាន និង ទីក្រុង​ទៀន​ជីន​ព្រមទាំង​ទីក្រុង​ប៉េកាំង នឹង​ផ្អាក​ការចេញចូល​នៃ​រថយន្តក្រុង ដើម្បី​ទប់ស្កាត់​ការឆ្លង​រាលដាល​វីរុស​នេះ​។ ទីក្រុង​និង​តំបន់​ជាច្រើន​ទៀត​នៅ​ទូទាំង​ប្រទេស​ចិន​បាន​ប្រកាស​អំពី​វិធានការ​រឹតបន្តឹង​នៃ​ការធ្វើដំណើរ​ចេញចូល​​ដើម្បី​ទប់ស្កាត់​ការឆ្លង​រីក​រាលដាល​នៃ​វីរុស​ថ្មី​នេះ​។​

​វិធានការ​ដ៏​តឹងរឹង​បំផុត ត្រូវបាន​ដាក់​នៅ​ទីក្រុង​វូ​ហាន ជា​ទី​ដែល​វីរុស​ថ្មី​នេះ​បាន​ផ្ទុះ​ឡើង​ហើយ​ប្រជាជន​នៅ​ទីក្រុង​នេះ​មិន​ត្រូវ​បាន​អនុញ្ញាឱ​ចេញពី​ទីក្រុង​នេះ​​ទេ​៕​ដោយ​៖​សុខា​/sn

បុគ្គលិក​សន្តិសុខ​ពាក់​ខោអាវ​ការពារ ឈរ​នៅ​នៅ​ស្ថានីយ​រថភ្លើង​ក្នុង​ក្រុង​ប៉េកាំង​កាលពី​ថ្ងៃ​២៦​មករា​

សន្តិសុខ​បិទទ្វា​របង​ស្ថានីយ​រថយន្ត​ក្រុង​នៅ​ក្រុង​ប៉េកាំង​បន្ទាប់​ពី​ទីក្រុង​នេះ​បិទ​សេវាកម្ម​នៃ​រថយន្តក្រុង​ដែល​មកពី​ខេត្ត​នានា​ដែល​មាន​វីរុស​ថ្មី​នេះ​

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...