​គ្រោះថ្នាក់​ចរាចរ​១១​លើក​បណ្តាល​ឱ្យស្លាប់​៥​នាក់​និង​របួសធ្ងន់​-​ស្រាល​២៩​នាក់​

184
ចែករម្លែក

ដោយៈ​សាវ​រក្ស​/​ភ្នំពេញ​៖​យោងតាម​របាយការណ៍​ពី​នាយកដ្ឋាន​នគរ​បាលច​រាចរ​និង​សណ្ដាប់ធ្នាប់​សាធារណៈ​នៃ​អគ្គស្នងការដ្ឋាន​នគរ​បាល​ជាតិ​បង្ហាញថា​គ្រោះថ្នាក់​ចរាចរ​ផ្លូវគោក​ទូទាំងប្រទេស​គិតពី​រសៀល​ម៉ោង​២​ថ្ងៃទី​២៦​ដល់​ម៉ោង​២​រសៀល​ថ្ងៃទី​២៧​ខែមករា​ឆ្នាំ​២០២០​។​

​ដែលជា​ថ្ងៃទី​៣​នៃ​ពិធីបុណ្យ​ចូលឆ្នាំ​ប្រពៃណី​ជនជាតិ​ចិន​-​វៀតណាម​បណ្តាលឱ្យ​មនុស្ស​ស្លាប់​៥​នាក់​និង​បង្កឱ្យមាន​របួសធ្ងន់​-​ស្រាល​២៩​នាក់​(​ស្រី​១៤​នាក់​)​។​របាយការណ៍​បន្តថា​នៅក្នុង​ករណី​គ្រោះថ្នាក់​ចរាចរ​នេះ​បង្ក​ឲ្យ​មានការ​ខូចខាត​យានយន្ត​សរុប​ជាច្រើន​គ្រឿងក្នុង​នោះ​មាន​ម៉ូតូ​,​រថយន្ត​តូច​-​ធំ​និង​យាន​ផ្សេងៗ​ជាច្រើន​គ្រឿង​ទៀត​។​រីឯ​មូលហេតុ​បណ្តាល​ឲ្យ​កើតមាន​ហេតុការណ៍​គ្រោះថ្នាក់​ចរាចរណ៍​គឺ​បណ្តាលមកពី​បើកបរ​លើស​ល្បឿន កំណត់​,​មិន គោរព សិទ្ធិ​បត់​មិន ប្រកាន់​ស្តាំ​ជាដើម ។

​ទិន្នន័យ គ្រោះថ្នាក់ ចរាចរ​ទូទាំងប្រទេស ថ្ងៃនេះ បាន បញ្ជាក់ថា គ្រោះថ្នាក់ ដែល បង្កឱ្យមាន មនុស្ស ស្លាប់ និង របួស សរុប ចំនួន ៣៤ នាក់ នៅ ថ្ងៃទី ២៧ ខែមករា នេះ​គឺ​កើតឡើង​ដោយសារ​ហេតុការណ៍ ប៉ះទង្គិច​ចំនួន​១១​លើក​។​សូម​រំលឹកថា​គ្រោះថ្នាក់​ចរាចរ​ផ្លូវគោក​ទូទាំងប្រទេស​គិត​រយៈពេល​បី​ថ្ងៃ​ត្រឹម​ថ្ងៃទី​២៤,២៥,២៦​ខែមករា​ឆ្នាំ​២០២០​នៃ​បុណ្យចូលឆ្នាំ​ចិន​-​វៀតណាម​មាន​មនុស្ស​ស្លាប់​និង​របួស​៨៦​នាក់​ដែល​ស្លាប់​៣៥ របួស​៥១​នាក់​ក្នុង​៤៨​លើក​៕S/​