Home ព័ត៌មានជាតិ សន្តិសុខ ​មន្ត្រីនគរបា...

​មន្ត្រីនគរបាល​ចូលទៅ​ឃាត់​កុំឱ្យ​ឈ្លោះ​គ្នា​ត្រូវ​ក្មេង​ទំនើង​វាយ​ចំ​ប៉ូលិស​បាក់ជើង​

ដោយ​៖​សន​សក្តា​/​កំពង់ឆ្នាំង​៖​មន្ត្រីនគរបាល​ម្នាក់​បាន​រងរបួស​បាក់ជើង​ម្ខាង​បន្ទាប់ពី​ក្រុមក្មេងស្ទាវ​បាន​ព្រួត​គ្នា​វាយ​បណ្តាលឱ្យ​រងរបួស​បាក់ជើង​ម្ខាង​ខណៈដែល​មន្ត្រីនគរបាល​ប៉ុស្តិ៍​រូបនេះ​បាន​ចូលទៅ​ឃាត់​ពួកគេ​កំពុងមាន​ឈ្លោះ​គ្នា​។​ហេតុការណ៍​នេះ​បាន​កើតឡើង​នៅក្នុង​ភូមិ​ទី​៦​សង្កាត់​ខ្សា​ម​ក្រុង​-​ខេត្តកំពង់ឆ្នាំង​កាលពី​ថ្ងៃទី​២៦ ខែមករា ឆ្នាំ​២០២០​។​

​នគរបាល​ក្រុង​កំពង់ឆ្នាំង​ដែល​ចុះ​ដល់​កន្លែងកើតហេតុ​បានឱ្យដឹងថា​មន្ត្រី​នគ​បាល​ដែល​ត្រូវបាន​ក្រុម​អ្នកផឹកស៊ី​ស្រវឹង​ព្រួត​គ្នា​វ៉ៃ​បណ្តាលឱ្យ​បាក់ជើង​ឈ្មោះ​សួស​សារី​ឋានន្តរ​ស័ក​អនុសេនីយ៍ត្រី​ជា​មន្ត្រីនគរបាល​ប៉ុស្ដិ៍​រដ្ឋបាល​សង្កាត់​ខ្សា​ម​។​លោក​វរៈសេនីយ៍ឯក​ឆាយ​ខែម​រ័ត្ន​អធិការនគរបាល​ក្រុង​កំពង់ឆ្នាំង​បានឱ្យដឹងថា​នៅមុន​ពេល​កើតហេតុ​មាន​អ្នកផឹកស៊ី​មួយក្រុម​បាន​ស្រវឹង​និង​មានការ​ទាស់​ពាក្យសម្តី​គ្នា​ក្នុង​វង់​ផឹកស៊ី​។​

​ជន​ទាំងពីរ​នាក់​ដែល​ត្រូវ​សមត្ថកិច្ច​ឃាត់ខ្លួន​រួមមាន​១.​ឈ្មោះ​ពៅ​ប៉ុន​ភេទ​ប្រុស​អាយុ​២៩​ឆ្នាំ​និង​ទី​២.​ឈ្មោះ រ៉េត​សារ៉ន​ភេទ​ប្រុស​អាយុ​២៩​ឆ្នាំ​អ្នក​ទាំង​២​រស់នៅក្នុង​ភូមិ​ទី​៦​សង្កាត់​ខ្សា​ម​ក្រុង​-​ខេត្តកំពង់ឆ្នាំង​។ ក្រោយពេល​កើតហេតុ​មន្ត្រីនគរបាល​ដែល​រងរបួស​ត្រូវបាន​បញ្ជូនមក​សង្គ្រោះបន្ទាន់​នៅក្នុង​មន្ទី​ពេទ្យ​បង្អែក ខេត្តកំពង់ឆ្នាំង​៕S/​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...