Home កម្សាន្ត ឌួង ម៉ា​និ​ច ...

ឌួង ម៉ា​និ​ច តុបតែង​ខ្លួន​លេចធ្លោ​ពេល​ទទួល​ពានរង្វាន់​នៅ​ថៃ​

ភ្នំពេញៈ​ក្នុង​ព្រឹត្តិការណ៍​ទទួល​ពានរង្វាន់​របស់​សិល្បករ​សិល្បការិនី តារាៗ របស់​ប្រទេស​ថៃ ម្នាក់ៗ​សុទ្ធតែ​តុបតែង​ខ្លួន​ស្អាតៗ​បង្អួត​គ្នា​។ សម្រាប់​តារា​ខ្មែរ​យើង​កញ្ញា ឌួង ម៉ា​និ​ច បាន​តុ​បតែង​បែប​សុភាព​ ក្នុង​ឈុត​បុរាណ​ពាក់កណ្តាល​លាយ​សម័យ​ក​ណ្តា​ល ។

​តារា​ស្រី​ពី​កម្ពុជា កញ្ញា ឌួង ម៉ា​និ​ច បានធ្វើ​ឲ្យ​ទស្សនិកជន​មានការ​ភ្ញាក់ផ្អើល​ខ្លាំង ដោយបានបាន​គ្រង​សម្លៀកបំពាក់​រ៉ូ​ប​ច្នៃ​ដោយ​ក្រណាត់​ហូល​ខ្មែរ​ឡើង​ទទួលពាន​ក្នុង​ព្រឹត្តិការណ៍​ដ៏​ធំ​មួយ​នេះ ខណៈ​តារា​ថៃ​ម្នាក់ៗ​សុទ្ធសឹង​បង្អួត​សម្រស់​យ៉ាង​សិច​ស៊ី​ដាក់គ្នា​។

​កញ្ញា ឌួង ម៉ា​និ​ច បាន​ឆ្លៀតពេល​ពី​ការងារ​សិល្បៈ​ដ៏​មមាញឹក​របស់​នាង​ចាក​ចេញពី​កម្ពុជា ទៅកាន់​ប្រទេស​ថៃ​កាលពី​ថ្ងៃទី​២៤ ខែមករា​នេះ​ ដើ​ម្ប​ចូលរួម​ក្នុង​ព្រឹត្តិការណ៍​ប្រគល់​ពានរង្វាន់ តារា​ឆ្នើម​ដ៏​ធំ​មួយ​មាន​ឈ្មោះថា​” Thailand Digital Awards 2020” ដែល​ត្រូវបាន​ធ្វើឡើង​នាទីក្រុង​បាកក​ប្រទេស​ថៃ​កាលពី​ថ្ងៃទី​២៦ ខែមករា ឆ្នាំ ២០២០ ។ ព្រឹត្តិការណ៍​នេះ មាន​វត្តមានសិល្បករ​ប្រុស​ស្រី​ល្បីឈ្មោះ​យ៉ាងច្រើន​កុះករនៅ​ព្រះរាជាណាចក្រ​ថៃ​។ តារា​ស្រី​រូបនេះ ទទួល​បានការ​សាទរ​ខ្លាំង​ពី​អ្នក​ផលិត​កម្មវិធី និង​អ្នកគាំទ្រ​នា​ថ្ងៃ​ទទួលពាន​ដ៏​រំភើប​ក្នុង​ជីវិត សិល្បៈ​ដែល​នាង​ប្រឹងប្រែង​អស់​១​ទសវត្សរ៍​មកហើយ​។

​កញ្ញា ឌួង ម៉ា​និ​ច បាន​ប្រាប់​សរសេរ​សារ​តាម​ហ្វេ​ស​ប៊ុ​ក​ឱ្យដឹងថា នាង​ពិត​ជាមាន​មោទនភាព និង​រំភើប​រក​អ្វី​មក​ផ្ទឹម​ពុំបាន​ក្រោយពី​ផលិតករ​នៅ​ប្រទេស​ថៃ​បានជ្រើសរើស​នាង​ឲ្យ​ចូលរួម​និង​ទទួលពាន​ជា​តារា​សម្តែង​ឆ្នើម​ពី​កម្ពុជា​រួមជាមួយ​តារា​ពីររូប​ផ្សេងទៀត​។ នាង​ក៏​អរគុណ​សម្រាប់ការច្នៃ​ម៉ូត​រ៉ូ​ត​យ៉ាង​ប្រណីត​បង្កប់​ដោយ​អត្តសញ្ញាណ​ខ្មែរ​ចូលរួម​ព្រឹត្តិការណ៍​ដ៏​ធំ និង​ជា​ប្រវត្តិសាស្ត្រ​ក្នុង​អាជីព​សិល្បៈ​របស់​នាង​។ តារា​ស្រី​វ័យ​២៩​ឆ្នាំ​រូបនេះ​បញ្ជាក់ថា​ ​ជា​ក្តី​ស្រមៃមួយ​ដែល​នាង​ចង់​បានជា​យូរហើយ ​ពេលនេះ​បានក្លាយ​ជាការ​ពិត បន្ទាប់ពី​ប្រឡូក​សិល្បៈ​អស់ រយៈពេល​ជាង​១០​ឆ្នាំ​មកហើយ​។ នាង​អរគុណ​ចំពោះ​លោកគ្រូ​អ្នកគ្រូ សិស្ស​ច្បង​ក្នុង​សិល្បៈ អ្នកគាំទ្រ និង​សាច់ញាតិ​ដែល​តែ​លើកទឹកចិត្ត​ឲ្យ​នាង​តស៊ូ​ក្នុង​ជីវិត និង​ការងារ​សិល្បៈ​ហើយ នេះ​គឺជា​កម្លាំងចិត្ត​សម្រាប់​នាង​។

​សូម​រំលឹក​ផងដែរ​ថា នាង​បានចាប់ផ្តើម​ប្រឡូក​ក្នុង​អាជីព​សិល្បៈ​កាលពី​អំឡុង​ឆ្នាំ ២០០៧ ក្រោយពី​ជាប់​ជា​កញ្ញាឯក​ប្រជាប្រិយ ​ហើយឆ្លងកាត់​បទពិសោធន៍ និង​ការតស៊ូ​ខ្លាំង​លើ​វិស័យសិល្បៈ​។ កញ្ញា ឌួង ម៉ា​និ​ច ជា​តារា​សម្តែង​មាន​ទឹកដី​កំណើត​ពី​ខេត្ត​បន្ទាយ​ជ័យ​រូបនេះ​ទទួលបាន​ឱកាស​ច្រើន​ពី​ផលិតករ​ជាច្រើន ព្រោះតែ​ភាពរួស​រាយ​រាក់ទាក់ ការគោរព​ពេលវេលា បូកផ្សំ​ទាំង​រូប​សម្រស់ និង​ទេព​កោ​លស​ល្យ​បានធ្វើ​ឲ្យ​តារា​ស្រី​រូបនេះ​ទទួលបាន​ការគាំទ្រ ច្រើន​ពី​ទស្សនិកជន​គ្រប់​វ័យ ហើយ​ស្នាដៃ​សម្តែង​ភាពយន្ត​ជាច្រើន​ត្រូវបាន​តារា​ស្រី​រូបនេះ សម្រេចបាន​៕ ដោយ​: បូ​រិ​ន​/Ha

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...