Home ព័ត៌មានជាតិ នយោបាយ ​ប្រមុខ​រាជរដ...

​ប្រមុខ​រាជរដ្ឋាភិបាល​កម្ពុជា​ប្រាប់​ទូត​អូ​ស្រា្ត​លី​ថា​ទំនាក់ទំនង​នយោ បាយ​រឹងមាំ​គឺ​ផ្តើមចេញពី​ទំនាក់ទំនង​ពាណិជ្ជកម្ម​ល្អ​

ដោយ​៖​តារា​រិ​ទ្ធ​(​ភ្នំពេញ​)៖​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​មានប្រសាសន៍ប្រាប់​ឯកអគ្គរដ្ឋទូត​អូស្ត្រាលី ប្រចាំ​នៅ​កម្ពុជា​ថា​ទំនាក់ទំនង​នយោបាយ​រឹងមាំ​គឺ​ផ្តើមចេញពី​ទំនាក់ទំនង​ពាណិជ្ជកម្ម​ល្អ ។ ក្នុងន័យនេះ​សម្តេច​តេ​ជោ​បានស្នើ​ឲ្យ​ទូត​អូស្ត្រាលី​យកចិត្តទុកដាក់​ទៅលើ​ការជំរុញ​កិច្ចសហការ​លើ​វិស័យ​ពាណិជ្ជកម្ម​រវាង​ប្រទេស​ទាំងពីរ ។​

​សម្ដេច​តេ​ជោ​ថ្លែង​បែបនេះ​នៅក្នុង​ឱកាស​អនុញ្ញាត​ឲ្យ​លោក ប៉ា​ប៊ី​អូ ជី​ហូ កាំ​ង (Pabio Chiho Kang) ឯកអគ្គរដ្ឋទូត​អូស្ត្រាលី​ថ្មី​ប្រចាំ​កម្ពុជា​ចូលជួប​សំដែង​ការគួរ​សមនៅ​វិមាន​សន្តិភាព​ទីស្តីការ​នាយករដ្ឋមន្ត្រី​នា​ព្រឹក​ថ្ងៃទី ២៨ ខែមករា ២០២០ ។

​លោក អ៊ាង សុផល្លែត ជំនួយការ​ផ្ទាល់​សម្តេច​តេ​ជោ ហ៊ុន សែន បាន​មានប្រសាសន៍​ឲ្យ​ដឹងថា​៖​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជាបាន​ថ្លែងថា​៖​សម្ដេច​ឯកភាព​ចំពោះ​អ្វីដែល​លោក ​Pabio Chiho Kang បានលើកឡើង​ជាពិសេស​ចំពោះ​ ការយកចិត្តទុកដាក់​ទៅលើ​កិច្ចសហប្រតិបត្តិការ​លើ​វិស័យពាណិជ្ជកម្ម ។ ក្នុងន័យនេះ​សម្ដេច​មានប្រសាសន៍ថា​ទំនាក់ទំនង​នយោបាយ​រឹងមាំ​គឺ​ផ្តើមចេញពី​ទំនាក់ទំនង​ពាណិជ្ជកម្ម​នេះឯង ។​

​នៅក្នុង​ជំនួប​នោះ​លោក Pabio Chiho Kang បាន​សំដែង​ការរីករាយ​ដោយ​ត្រូវបានតែងតាំង​ជា​ឯកអគ្គរដ្ឋទូត​អូស្ត្រាលី​ប្រចាំ​នៅ​កម្ពុជា​ពេលនេះ ។ លោក​មាន​ប្រ សាសន៍​ថា​នេះ​គឺជា​បេសកកម្ម​គួរ​ជាទី​រីករាយ​មួយ​ជាពិសេស​មកកាន់​ប្រទេស​ដែលមាន​ទំនាក់ទំនង​និង​កិច្ចសហប្រតិបត្តិការ​ល្អ​ជាមួយ​អូស្ត្រាលី​។​លោក​បាន​ជ​ម្រាប​ជូន​សម្ដេច​ថា​នៅពេលនេះ​អូស្ត្រាលី​កំពុងបង្វែរ​កិច្ចសហប្រតិបត្តិការ​រ​វាង​អូស្ត្រាលី​និង​កម្ពុជាទៅលើ​កិច្ចសហប្រតិ បត្តិការ​រ​វាង​ស្ថាប័ន​និង​ស្ថាប័ន​តែម្ដង​ក្នុងនោះ​គឺកំពុង​ពង្រឹងពង្រីក​កិច្ចសហប្រតិបត្តិការ​ ជាមួយ​ក្រសួង​នានា​នៅ​កម្ពុជា​ដូចជា​ក្រសួង​ហិរញ្ញវត្ថុ​លើ​វិស័យ​ពន្ធដារ​,​ក្រសួង​រ៉ែ​និង​ថាមពល​,​ក្រសួង​សាធារណការ​និង​ដឹកជ​ញ្ចូ​ន​, ក្រសួងសុខាភិបាល​,​ក្រសួងមហាផ្ទៃ​,​ក្រសួងកសិកម្ម​ក៏ដូចជា​ក្រសួងការពារជាតិ​ផងដែរ​។​

​លោក​ឯកអគ្គរដ្ឋទូត​បាន​បន្តថា​ក្នុង​បេសកកម្ម​កា​ទូត​របស់លោក​មកកាន់​កម្ពុជា​នៅពេលនេះ​លោក​នឹង​បន្ត​ជំរុញ​កិច្ចសហប្រតិបត្តិការ​ជាមួយ​ស្ថាប័ន​ទាំងអស់​ជាមួយ​កម្ពុជា​ហើយក៏​ផ្ដោត​កិច្ចសហប្រតិបត្តិការ​ជាពិសេស​ទៅលើ​វិស័យ​ពាណិជ្ជកម្ម ។លោក​មានប្រសាសន៍​ទៀតថា​ប្រទេស​អូស្ត្រាលី​បើកចំហ​ជូន​ប្រជាជន​កម្ពុជា​ដើម្បីទៅធ្វើ​ទស្សនកិច្ចទៅ​វិនិយោគក៏ដូចជា​ដើម្បី​ទៅ​បន្ត​ការសិក្សា​នៅ​ទីនោះ​ផងដែរ ។ ក្នុងន័យនេះ​លោក​មានប្រសាសន៍ថា​លោក​នឹង​យកចិត្តទុកដាក់​ជាពិសេស​លើបញ្ហា​វិនិយោគ​និង​បញ្ហា​ពាណិជ្ជកម្ម​តែម្ដង​ជាមួយនិង​កិច្ចសហប្រតិបត្តិការ​ជាមួយ​កម្ពុជា​។​

​ជាការ​ឆ្លើយតប​សម្តេច​តេ​ជោ​នាយករដ្ឋមន្ត្រី​បាន​ស្វាគមន៍​និង​សំដែង​ការអបអរសាទរ​ចំពោះ​លោក Pabio Chiho Kang ដែល​ត្រូវបានតែងតាំង​ជា​ឯកអគ្គរដ្ឋទូត វិសាមញ្ញ​និង​ពេញ​សមត្ថភាព​របស់​ប្រទេស​អូស្ត្រាលី​នៅ​កម្ពុជា ។ សម្ដេច​យល់ស្រប​ចំពោះ​ការលើកឡើង​របស់លោក Pabio Chiho Kang ចំពោះ​ទំនាក់ទំនង​រវាង ប្រទេស​ទាំងពីរ ។​

​សម្ដេច​មានប្រសាសន៍ថា​ជា​ការពិត​កម្ពុជា​និង​អូស្ត្រាលី​មាន​ទំនាក់ទំនង​យ៉ាងច្រើន​វិស័យ​ជាមួយនឹង​ស្ថាប័ន​និង​ស្ថាប័ន​ជាដើម​ហើយក៏​មាន​ទំនាក់ទំនង​ជាពិសេស ផងដែរ​ក្នុង​ក្របខណ្ឌ​អង្គការសហប្រជាជាតិ​,​ក្របខណ្ឌ​អាស៊ាន​,​ក្របខណ្ឌ​អាស៊ី​បូព៌ា​ក៏ដូចជា​ដៃគូ​កិច្ចសហប្រតិបត្តិការ​គ្រប់​ជ្រុងជ្រោយ​ផងដែរ​ពី​នោះ​ទៅទៀត​អូ​ស្ត្រា លី​ក៏មាន​កិច្ចសហប្រតិបត្តិការ​ទ្វេភាគី​ពិសេស​ជាមួយ​កម្ពុជា​ផងដែរ ។ បន្ថែម​ទៅលើ​អ្វីដែល​លោក Pabio Chiho Kangបានលើកឡើង​គឺ​អូស្ត្រាលី​បាន​ជួយ​ដល់កម្ពុជា​ក្នុងការ​ស្វែងរក​សុខសន្តិ ភាព​កន្លងមកហើយ​ជាពិសេស​ទៅទៀត​អូស្ត្រាលី​កាលពី​ដើមឡើយ​បានដាក់​អាទិភាព​សំខាន់​ជួយ​ដល់​កម្ពុជា​លើ​វិស័យ​កសិកម្ម​ហើ យ​លើ​វិស័យ​កសិកម្ម​នេះ​អូស្ត្រាលី​បាន​បង្កើត​នៅ​វិទ្យាស្ថាន​កា​ឌី​(Cardi)​មួយ​ដែល​វិទ្យាស្ថាន​នេះ​បាន​ជួយ​ជំរុញ​ធ្វើ​ឲ្យ​ស្រូវ​កម្ពុជា​ទទួលបាន​ទិន្នផល​ខ្ពស់​ពី​នោះ​ទៀត បាន​ជួយ​ឲ្យ​អង្ករ​កម្ពុជា​ឱ្យក្លាយ​ទៅជា​អង្ករ​លេខ ១នៅក្នុង​ពិភពលោក​ផងដែរ ។​

​សម្ដេច​តេ​ជោ​ក៏បាន​ឯកភាព​និង​សំដែង​នូវ​ការរីករាយ​ចំពោះ​អ្វីដែល លោក Pabio Chiho Kang បានលើកឡើង​ជាពិសេស​ចំពោះ​ការយកចិត្តទុកដាក់​ទៅលើ​កិច្ច សហប្រតិបត្តិការ​លើ​វិស័យ​ពាណិជ្ជកម្ម​។​ក្នុងន័យនេះ​សម្ដេច​មានប្រសាសន៍ថា​ទំនាក់ទំនង​នយោបាយ​រឹងមាំ​គឺ​ផ្តើមចេញពី​ទំនាក់ទំនង​ពាណិជ្ជកម្ម​នេះឯង​។​សម្ដេច​សូម​គាំទ្រ​នូវ​អ្វីដែល លោក Pabio Chiho Kang បានលើកឡើង​ក្នុង​បេសកកម្ម​កា​ទូត​របស់លោក​មកកាន់​កម្ពុជា​ពេលនេះ ៕

ទីតាំងផ្សាយពាណិជ្ជកម្ម

- Advertisment -

Most Popular

បិទ​ការធ្វើ​ចរាចរណ៍​កំណាត...

​ដោយៈ រ៉ា​ម៉ន / ភ្នំពេញៈ ...

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...