ជនជាតិ​ចិន​ម្នា​ក់មាន​ផ្ទុក​វីរុស​រលាក​សួត​ថ្មី​កំពុង​ស្ថិតក្នុង​មន្ទីរពេទ្យ​ក្រោម​ការត្រួតពិនិត្យ​របស់​ជំនាញ​

​ដោយ​៖​វណ្ណៈ​/​ព្រះសីហនុ​៖​បុរស​ជនជាតិ​ចិន​ម្នាក់​អាយុ​៦០​ឆ្នាំ​ដែល​កម្ពុជា​រកឃើញថា​មាន​ផ្ទុក​វីរុស​រលាក​សួត​ថ្មី​(​កូ​រ៉ូ​ណា​)​នៅឯ​ទីក្រុង​ព្រះសីហនុ​កាលពី​ល្ងាច​ថ្ងៃទី​២៧​ខែមករា​ឆ្នាំ​២០២០​នោះ​ពេលនេះ គាត់​កំពុង​សម្រាក​ព្យាបាល​នៅ​មន្ទីរពេទ្យបង្អែក​ខេត្ត​ព្រះសីហនុ​(​ពេទ្យ​ចំការចេក​)​នៅឡើយ​។​នេះ​ជាការ​ពិត​វា​ខុសពី​អ្វីដែល​បណ្តាញ​សង្គម​ខ្លះ​និយាយថា​កម្ពុជា​បាន​បញ្ជូន​បុរស​ជន​ចិន​រងគ្រោះ​នោះ​ទៅ​ស្រុកកំណើត​វិញ​ហើយ​។​

​ក្រុមគ្រូពេទ្យ​ជំនាញ​បាន​ប្រាប់ថា គ្រូពេទ្យ​បានដាក់​បុរស​នេះ​ក្នុង​បន្ទប់​មួយ​ដាច់ដោយឡែក​តែម្នាក់ឯង មិន​ដាក់​លាយឡំ​ជាមួយ​អ្នកជំងឺ​ផ្សេងទៀត​នោះទេ​។​ស្ថិតក្នុង​ការត្រួតពិនិត្យ​តាមដាន​យ៉ាង​យកចិត្តទុកដាក់​ពី​ពេទ្យ​ជំនាញ​។​

ប្រភពពី​មន្ទីរពេទ្យ​ប្រាប់ថា​គិត​ត្រឹម​ព្រឹក​ថ្ងៃទី​២៨​ខែមករា​ឆ្នាំ​២០២០​នេះ​បុរស​អ្នកជំងឺ​រូបនោះ​មាន​សភាព​ធម្មតា​មិនមាន​ចេញ​អាកា​រៈ​អ្វី​ធ្ងន់ធ្ងរ​ឈានដល់​ការសង្គ្រោះ​បន្ទាន់​ឡើយ​។​ជាមួយគ្នានេះ​នៅ​ព្រឹក​ថ្ងៃទី​២៨​ខែមករា​ឆ្នាំ​២០២០​នេះ​លោក​ម៉ម​ប៊ុនហេង​រដ្ឋមន្ត្រី​ក្រសួងសុខាភិបាល​បាន​អញ្ជើញ​មកដល់​ខេត្ត​ព្រះសីហនុ​ហើយ ដើម្បី​ពិនិត្យ​ស្ថានភាព​ទូទៅ​បន្ថែម​។​

​សូមបញ្ជាក់​ថាះ គិត ត្រឹម ល្ងាច ថ្ងៃទី ២៧ ខែមករា ឆ្នាំ ២០២០ នេះ ក្រសួងសុខាភិបាល បាន រកឃើញ ករណី ជំងឺ ផ្លូវដង្ហើម ថ្មី ដែល បង្កឡើង ដោយ វីរុស កូ រ៉ូ ណា នៅលើ ជនជាតិ ចិន ម្នាក់ ដែល ចាក ចេញពី ប្រទេស ចិន ចូលមក កាន់ ប្រទេស កម្ពុជា​។ នេះ បើតាម លោក ម៉ម ប៊ុនហេង រដ្ឋមន្ត្រី ក្រសួងសុខាភិបាល ក្នុង សន្និសីទកាសែត នៅ ព្រលប់ ថ្ងៃទី ២៧ ខែមករា ឆ្នាំ ២០២០ នេះ ។

លោក រដ្ឋមន្ត្រី បានឱ្យដឹងថា : គិត មក ត្រឹម ម៉ោង ៣ រសៀល នៃ ថ្ងៃទី ២៧ ខែមករា នេះ ក្រសួង បាន ស្រាវជ្រាវ រកឃើញ និង មានការ បញ្ជាក់ ពី វិទ្យាស្ថាន ប៉ាស្ទ័រ កម្ពុជា នូវ ករ ជា វិជ្ជមាន វីរុស រ៉ូ ណា ប្រភេទ ថ្មី (2019-nCoV) នៅលើ បុគ្គល ជនជាតិ ចិន ម្នាក់ ឈ្មោះ ចា ជិន ហួរ (Jia Jianhua) ភេទ ប្រុស អាយុ ៦០ ឆ្នាំ ធ្វើដំណើរ មកពី ទីក្រុង វូ ហាន ជាមួយ ក្រុមគ្រួសារ ៤ នាក់ ដែល សំណាក បាន យកមក ធ្វើ វិភាគ ទាំង បួន នាក់ នេះ មាន វិជ្ជមាន វីរុស កូ រ៉ូ ណា តែ ម្នាក់ គត់ គឺ លោក ចា ជិន ហួរ ។

​អ្នក ទាំង បួន នាក់ នេះ មានឈ្មោះ ដូចខាងក្រោម ៖១. លោក ចា ជិន ហួរ (Jia Jianhua) ភេទ ប្រុស អាយុ ៦០ ឆ្នាំ កាន់ ប៉ាស្ទ័រ លេខ E54319891២. លោកស្រី វ៉ាង លីង ជេន (Wang Lingzhen) ភេទ ស្រី អាយុ ៥៧ ឆ្នាំ កាន់ ប៉ាស្ទ័រ លេខ E06137433​។​៣. លោក សៅ យ៉ាន់ (Xiao Yan) ភេទ ប្រុស អាយុ ៣៨ ឆ្នាំ កាន់ ប៉ាស្ទ័រ លេខ ED0134348​។​៤. លោកស្រី ចា រ៉ុយ ស៊ន់ (Jia Ruixuan) ភេទ ស្រី អាយុ ៣៣ ឆ្នាំ កាន់ ប៉ាស្ទ័រ លេខ E24490509​។​

​យោងតាម ប្រវត្តិ អ្នកជំងឺ​បានបង្ហាញ ថា គាត់ និង ក្រុមគ្រួសារ បានចេញ ដំណើរ ពី ទីក្រុង អ៊ូ ហាន មកកាន់​ទីក្រុង​ព្រះសីហនុ នៅ ថ្ងៃទី ២៣ ខែមករា ឆ្នាំ ២០២០ ហើយ មាន ចេញ រោគសញ្ញា នៅ ថ្ងៃទី ២៥ ខែមករា​ឆ្នាំ ២០២០ ដោយមាន អាកា រៈ គ្រុនក្តៅ​និង ហៀរ សំបោរ ។

អ្នក ទាំង ៤ ខាងលើ មកពី ទីក្រុង ហាន​នៃ​សាធារណរដ្ឋ ប្រជាមានិត ចិន ហើយ បាន ចូលមក ប្រទេស​កម្ពុជា​តាម​ជើងយន្តហោះ ត្រង់ ពី​ទីក្រុង វូ​ហាន​មកដល់ ព្រលានយន្តហោះ អន្តរជាតិ ខេត្ត ព្រះសីហនុ នៅ ថ្ងៃទី ២៣ ខែមករា ឆ្នាំ ២០២០ វេលា ម៉ោង ប្រហែល​៧ ព្រឹក ។

​ក្រោយពី បានមក ដល់ ក្រុងព្រះសីហនុ ពួកគាត់ បាន ជិះ តាក់ស៊ី មក ស្នាក់នៅ សណ្ឋាគារ ឯករាជ្យ ចំនួន ២ យប់ បន្ទាប់មក បាន ចូលមក ស្នាក់នៅ សណ្ឋាគារ ឃ្វី​ន កូ (Queenco Hotel) នៅ រសៀល ថ្ងៃទី ២៥​ខែ មករា ។​នៅ រសៀល នោះដែរ លោក ចា ជិន ហួរ បាន លេង ទឹក អាង រយៈពេល ២ ម៉ោង រួច ក៏ មាន អាកា រៈ ក្តៅខ្លួន ។​ល្ងាច ថ្ងៃ ដដែល នោះ ភរិយា គាត់ ឈ្មោះ វ៉ាង លីង ជេន បាន ទូរស័ព្ទ ទៅលេង ក្រុម គ្រួសារ នៅ ប្រទេស ចិន និង បាន ប្រាប់ថា ប្ដី គាត់ មាន អាកា រៈ ក្តៅខ្លួន ។

​ទទួលបាន​ព័ត៌មាន ពី លោក គួច ចំរើន អភិបាលខេត្ត ព្រះសីហនុ​នៅ​ថ្ងៃទី ២៦ ខែមករា​អាជ្ញាធរខេត្ត រួមជាមួយ នឹង លោកស្រី ប្រធាន មន្ទីរ សុខាភិបាល ៕S/​


ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...