​ប្រជុំ​ផ្សព្វផ្សាយ​ស្តីពី​វិធានការ​ការពារ​ជំងឺ​រលាក​សួត​កូ​រ៉ូ​ណា​

​ដោយៈ​សៅ​វ៉ាន់ឌី​/​ព្រះវិហារ​៖​កាលពី​ព្រឹក​ថ្ងៃទី​២៨​ខែមករា​ឆ្នាំ​២០២០​រដ្ឋបាលខេត្ត​បានរៀបចំ​កិច្ចប្រជុំ​ផ្សព្វផ្សាយ​ស្តីពី​វិធានការ​ការពារ​ជំងឺ​រលាក​សួត​កូ​រ៉ូ​ណា​។​កិច្ចប្រជុំ​មានការ​ចូល​ពី​មេបញ្ជាការ​ទាំងបី​ប្រធាន​មន្ទីរ​អង្គភាព​ជុំវិញ​ខេត្ត​អភិបាលក្រុង​ស្រុក​នាយក​នាយករង​រដ្ឋ​បាល​សាលាខេត្ត​និង​មន្ត្រីរាជការ​ជ​ចំណុះ​រចនាសម្ព័ន្ធ​សាលាខេត្ត​។​

​លោកស្រី​ចឹក​ហេង​អភិបាលរង​ខេត្ត​បាន​គូសបញ្ជាក់​ពី​ការរីក​រាលដាល​យ៉ាង​ឆាប់រហ័ស​ពី​ជំងឺ​រលាក​សួត​បង្កឡើង​ដោយ​វីរុស​កូ​រ៉ូ​ណា​អាច​បណ្តាលឱ្យ​បាត់បង់​ជីវិត​មនុស្ស​នៅ​ទូទាំង​ពិភពលោក​ក៏​ដូច​កម្ពុជា​ផងដែរ​។​បន្ថែម​លើ​សេចក្តីណែនាំ​របស់​ក្រសួងសុខាភិបាល​លោកស្រី​អភិបាលរង​ខេត្ត​បានដាក់​ចេញ​នូវ​វិធានការ​ដ៍​សំខាន់ៗ ដល់​ក្រុង​ស្រុក​ក៍​ដូច​មន្ទីរជំនាញ ត្រូវអនុវត្ត​ឱ្យមាន​ប្រសិទ្ធ​ខ្ពស់​ក្នុងការ​ទប់ស្កាត់ នូវ​ជំងឺ​វីរុស​ថ្មី​នេះ​ក្នុង​ខេត្តព្រះវិហារ​ដូចខាងក្រោម​៖

១/​រដ្ឋបាល​ក្រុង​ស្រុក​ត្រូវ​បន្ត​ចុះ​ផ្សព្វផ្សាយ និង​ចាត់​មន្ត្រី​ចុះ​អប់រំ​ណែនាំ​ដល់​ប្រជាពលរដ្ឋ​អំពី​ជំងឺ​សួត ដែល​បង្កដោយ​វីរុស​កូ​រូ​ណា​ថ្មី​នេះ​និង​ត្រូវ​រាយការណ៍​ជាបន្ទាន់​មក​រដ្ឋបាលខេត្ត​ក្នុងករណី​សង្ស័យថា​មាន​ឆ្លង​វីរុស​នេះ​ក្នុង​មូលដ្ឋាន​របស់ខ្លួន​។​ចំពោះ​ច្រកទ្វារព្រំដែន​ដែលមាន​ច្រកទ្វា​អានសេះ​និង​ស្រុក​ឆែប​ដែល​ជាប់​ព្រំប្រទល់​នឹង​ប្រទេស​ថៃ​និង​ឡាវ​ត្រូវ​ពង្រឹង​វិធាន​តឹងរ៉ឹង​ក្នុង​ចេញចូល​របស់​ប្រជាពលរដ្ឋ​ទាំងនោះ​។​

២/​មន្ទីរ​សុខាភិបាល​ខេត្ត​ត្រូវ​ពង្រឹង​មន្ត្រី​នៅតាម​មណ្ឌល​សុខភាព​ក្រុង​ស្រុក​ជាពិសេស​ត្រូវ​ចាត់​មន្ត្រី​ជំនាញ​នៅតាម​បណ្តា​ក្រុង​ស្រុក​ដោយ​សហការ​ជាមួយ​អាជ្ញាធរ​ក្នុង​ការចុះ​អប់រំ​ណែនាំ​ពី​របៀប​នៃ​ការ​អនាម័យ វិធានការ​ការពារ​ផ្សេង​ដើម្បី​ចៀស​ពី​វីរុស​ដ៏​កាច​សាហាវ​នេះ ។​

៣/​មន្ទីរអប់រំ​យុវជន​និង​កីឡា​ខេត្ត​ត្រូវ​ផ្សព្វផ្សាយ​ណែនាំ​ដល់​លោកគ្រូ​អ្នកគ្រូ​សិស្សានុសិស្ស​នៅតាម​សាលារៀន​គ្រប់​ក្រុង​ស្រុក​ទូទាំង​ជាពិសេស​កុមារ​អំពី​ជំងឺ​បង្កឡើង​ដោយ​វីរុស​កូ​រ៉ូ​ណា​និង​វិធាន​ការការពារ​ផ្សេងៗ​តាមរយៈ​ការ​អនាម័យ​ខ្លួន​ការពាក់​ម៉ាស់​ការពារ​ជាដើម​។​

លោកស្រី​អភិបាលរង​ខេត្ត​បាន​អំពាវនាវ​ដល់​ថ្នាក់ដឹកនាំ​គ្រប់លំដាប់​ថ្នាក់​ជាពិសេស​បងប្អូន​ប្រជាពលរដ្ឋ​ត្រូវ​រួមសហការ​ការពារ​និង​បង្កា​វីរុស​កូ​រ៉ូ​ណា​ដ៏​កាច​សាហាវ​នេះ កុំ​ឱ្យមាន​ក្នុង​ខេត្តព្រះវិហារ​យើង​(​ព្រះវិហារ​)៕S/​

ទីតាំងផ្សាយពាណិជ្ជកម្ម

- Advertisment -

Most Popular

លោក​អេ​ឡុន ម៉ាស ឥឡូវ​ជា​ម...

​ប្រែ​សម្រួល : កញ្ញា​ដា​ល...

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...

ឡាន​ដឹក​ថ្ម​បុក​ម៉ូតូ​មួយ...

ដោយៈ​ស​រិ​ទ្ធ​/​ភ្នំពេញ​:...